Tibɔkpiirkaan 2:10 - UWONBƆR A GBƆNPƆŊ LIKƆƆNL

¹⁰ Ni laa che bijawaam jɔɔ ni fala kan wee ni yin ji nbu. N bei ni le, Sintani li loon nim bibam tiloondirin ki mag ni, le nin che ni ji fala iweehn piig. Ni le li ŋmag ni yadau, hali ni le ye nkum ke ni, wee n nan sei ni limiɛfol a yuchigirig.

Uwumbɔr aagbaŋ

¹⁰ Ni ga ji falaa dandana wee; ni mu taa san ijawaan man. Kinimbɔŋ ga di ni ponn ni bibaa ŋa kiyondiik ni, aan ni kan ntɔŋ, le ni ga ji falaa iwiin kipiik. Ni li dii maasan mbamɔm ki nan saa nkundaal man. Le m ga nan tii nimi lipal li ye limɔfal li kaa kpa ndoon na.

Tibɔkpiirkaan 2:10 Iomraidhean Croise

Matiu 10:22

Uninfo biɛn na li nan ni. Naah nɔɔ min bu; amaa wan nan fir sir nin nton nan a joorim ke, u li kan nŋmarim.

Matiu 10:28

Ni laa san ban li fir ku ni gbanann, wee kaa sin li fir ku ni naamin ni, amaa ni li san Uwonbɔr wan li fir ku ni gbanann nin ni naam biɛn nŋmi-n ni na.

Matiu 24:13

Amaa wan nan sir kenken ki tan kpaa ndiɛm ke u li kan feegab.

Tibɔnyaan ti Mak ŋmee ti na 13:13

Le bininfob biɛn na yin nan ni le naah nɔɔm n bu. Wan mu nan fir ki jin fala nmɔn ki tan diɛ ke, u yaa daan mu li kan nŋmarim.

Tibɔnyaan ti Mak ŋmee ti na 8:35

wan kaa ban un weeh u sayiig n bu ke, u ma na yin lann ki, amaa wan weeh u sayiig min nin tibɔŋann n bu ke, u ma na yin kan limiɛfol nin ibamɔn.

Tibɔnyaan ti Luk ŋmee ti na 21:12

“Amaa ni nan biɛn nan yin ŋa ke, bi li choo ni ki mugir ni. Bi na li ta ni ki jo tiwonjiɛndirin nin tiloondirin, le ki ji li ta ni jo bibɔryudam nin kitiŋ a yudam ban, ki ji ni tibɔr n yinl bu.

Jɔnn 12:25

Uja wan ban u miɛfol li lann li, le wan mu nan u miɛfol dulinya nan yaan li jɔɔ li nin n-yonn man kaa jɔɔ ndiɛmin.

Jɔnn 13:2

Baah nan nan be ji kunyiɛg a jiirin, ki miin ulinlaril pii nan kɔɔ Judasi Isikariya, wan ye Simɔnn a bija-n, ke un kɔɔr Yisa.

Jɔnn 13:27

Libol lan wee Judasi nan gaa lisaabɔlin, le Sintani nan kɔɔ u poolin. Le Yisa bei u ke, “Ŋaah yin ŋa nan nin, ŋa ni weema.”

Lituln 20:24

Amaa n tiɛr ki n miɛfol ye yɔli ki seim, amaa nan kpaa le ye n tun itoon yan wee Uyudaan Yisa nan ta seimin ki diɛ, itoon nmɔn le ye n wɔɔn bininfob tibɔŋann nmɔn Uwonbɔr a nyunyunbasanl bu.

Lituln 21:13

Amaa le Pɔɔl jiin ke, “Ba ŋa wee ni mɔr ki ku n gbanann naa? Naa ye ba tan yin lolimin a binba bu le n chaa, amaa n ŋa sili nin n tan kpo Jerusalam Uyudaan Yisa a yinl buu.”

1 Korenti 9:25

Bitaaguum biɛn ŋmag biba le ntinnim biɛn ni. Bi ŋaan man ki ban bin gaa tiyɔr tan kaa yuur le, amaa tim ŋaan man ki ban ti ga tiyɔr tan yuur kaa jɔɔ ndiɛm le.

Efesusi 2:2

Naah nan be nsiim a biim nin ni toonbirin ki nɔɔ dulinya nan a sam nin kutingbɔŋ nan a yudaau a naamin, nin kinaaŋ kan tun nin bininfob ban kaa jɔɔ limɔcheelin.

Efesusi 6:12

Taa kɔnn nin bininfob ban ye tigbanann nin nchamin ni, amaa ti kɔnn nin nnaam a pɔɔm, nin tininkper a pɔɔm, nin dulinya nan a bunbɔnl a pɔɔm, nin nnaanbiim man be paabin a pɔɔm.

Jemisi 1:12

Tikaar be wan jɔɔ limɔril limagil a poolin nin bu, nan bu-n ni ye u nyaŋ limagil ki diɛ ke u li kan u naan yuchigirig kan ye limiɛfol wee Uwonbɔr nan siin limɔsiinl ke u li ta sei ban ban win.

1 Piita 5:4

Wee upeekpaabɔr nan degirin ke, a kan kupag a yuchigirig kan kaa wiirin.

1 Piita 5:8

Ni choom niba ki li nyi niba bu. Ni dataag ulinlaril le choon le jin ke ugbegin wan ŋuun ki ban uninfo un choo niɛ-n.

Tibɔkpiirkaan 13:14

Chinchinn a wanbiigin kaah sei u npɔɔn man wee u si u taalin ki fir ŋa siɛra a toon yin, ni bu che u fir lar dulinya yaaba. Le ki bei bi ke bin maa litingbanl nin jilima lan nann chinchinn a wanbiigin kan nan kan takoobi a daŋ amaa wee kaa kpe-n.

Tibɔkpiirkaan 13:2

Maah nan kan kuwanbiig kan nmɔn nan nann unamuun le, amaa le u taai nann ke ubakar a taai, le u mɔb nann ligbeginl a mɔb. Le kutunwiɛŋ ta u pɔɔm, nin u naangbɔŋ nin tininkper a pɔɔm ki sei kuwanbiigin.

Tibɔkpiirkaan 13:7

Bi nan sei u npɔɔn ke un kɔnn Uwonbɔr a ninfogannkaab wee ki nyaŋ bi. Le bi ji sei u tininkper a pɔɔm ke u li ye imaal, nin bininfob, nin ileen, nin ibol biɛn.

Tibɔkpiirkaan 17:14

Bi na li to Kipeebigin bitɔb, amaa Kipeebigin na li nyaŋ bi, nan bu-n kipeebig nmɔn le ye biyudam a yudaau nin bibɔrtiib a bɔru, le ban na li be u ban ye ban wee u yin ki gann bi, wee bi ye yadadam ki nɔɔ win.”

Tibɔkpiirkaan 2:13

N nyi naah be nan yaan, nan yaan wee Sintani a naam a gbɔŋ be-n. Amaa le ni sin ŋmag n yinl nbamɔm. Naa ta naah ŋaam yada-n ki jaa, hali nin Antipasi a yonn nin wan nan ye n yada a siɛradaau ibamɔn nin, wee bi nan ku u ni tiŋin ni, Sintani a binbebolin.

Tibɔkpiirkaan 2:9

N nyi ni fala a jim bu nin naah ye faladam, amaa ni ye bijɔɔndam le! Ki nyi biba kaah jɔɔ kutingbiig ki bei ni ke bi ye Juu yaab le amaa kaa sin ye; amaa bi ye Sintani a wonjiɛndiig a ninfob le.