Tibɔkpiirkaan 18:9 - UWONBƆR A GBƆNPƆŊ LIKƆƆNL

⁹ “N-yonn man wee kutingbɔŋ nan a bɔrtiib ban tun iwanchɔgin toon nin upii nmɔn nin ki jin u wanŋan banlin a mɔmin nan kan nŋmi man gaan win a kpinnyir kaah dug ke, bi li mɔɔ tikpemɔr upii nmɔn bu.

Uwumbɔr aagbaŋ

⁹ Tɔ, dulnyaa aabɔrb bi nan gɔr kitiŋ ngbaan chee ki jin kaawanyaan na yaa kan mmii gaal kitiŋ ngbaan, ki kan iŋmanyuu fii paacham kan, bi ga li wii ki kaani.

Tibɔkpiirkaan 18:9 Iomraidhean Croise

1 Timoti 5:11

Amaa bipiisapɔm ban ye ipukɔɔ n ma, laa ta bi yin ki kpiɛ nin yaan ni. Nan bu-n ni ye bi kɔlisa nan jir tigbanann a bam paam ke, bi yiin Yisa le ki ban bin kun tichar.

Tibɔkpiirkaan 14:11

Le bi fala a jim a ŋmiim a kpinnyir na li dug ki do paab hali nin isaŋ yan kaa jɔɔ ndiɛm. Lifooril kaa na li be nween bee kunyiɛgin ki sei ban jiɛn kuwanbiigin nin kuwanbiig nmɔn a nunaŋin, bee ban ga kuwanbiig nmɔn a yinl a daagimi.

Tibɔkpiirkaan 17:2

Kutingbɔŋ a bɔrtiib dɔɔn nin wa, le kutingbɔŋ nan yaab nyun u wanchɔgin toon yin a daam ki gbeeu.”

Tibɔkpiirkaan 18:18

N-yonn man wee bi nan kan nŋmi man gaan win a kpinnyirin, le ki fabin ke, ‘Kitintakpeŋ nan nan jɔɔ kpiɛgaa?’

Tibɔkpiirkaan 18:20

Nim ban be paabaa, ni che ni li mɔ ni u buu! Ni che ni li mɔ na, Uwonbɔr a ninfob nin itoon nin bilinlem, Uwonbɔr jin u tibɔra waah nan ŋa ni man nin bu.’ ”

Tibɔkpiirkaan 18:3

Nan bu-n kutingbɔŋ nan a ninfob pii nyun ndapɔɔrim ke u wanchɔgin toon yin. Dulinya a bɔrtiib tun iwanchɔgin toon nin wa, le kpoŋkpoŋ dam kpann biwandam u wanŋan banl nmɔn bu.”

Tibɔkpiirkaan 18:7

Ni sei mu limugil nin npoobiin takpema, a li ke kupag nin liwanŋanl banl lan wee u ti jɔɔ tenn u baantɔɔlin. U far ligbingbanl le u sufu ni ki ke, ‘N ka le ke upiibɔrin; maa ye lipukɔɔli, le maa li nyi mɔɔ tikpemɔri.’

Tibɔkpiirkaan 19:3

Le kuninfogbaluŋin ji kunn ki len ke: “Ti don Uwonbɔr a yinl! Tikpinnyir tan nyan u nin do paab le hali nin iyoo yan kaa jɔɔ diɛm.”

Tibɔkpiirkaan 2:22

Mambu n li che un dɔɔn nin iwiɛn, ki che ban dɔɔn nin win n ji fala takpem, man ke bi kpenn ki nyan upii nmɔn a binbemin.