Tibɔkpiirkaan 16:8 - UWONBƆR A GBƆNPƆŊ LIKƆƆNL

⁸ Le malaka wan kpiɛ bina-n mu kpaar nan be u yiigin a poolin ki jaa nween bu, le ki sei nween npɔɔn ke un ta nŋmi ki nyɔɔ bininfob wee bin kab.

Uwumbɔr aagbaŋ

⁸ Le Uwumbɔr aatuun nanar mu di falaa u bi waasambil ni na kpir nwiin pu. Le Uwumbɔr cha mu seer binib ke mmii aah seer pu na.

Tibɔkpiirkaan 16:8 Iomraidhean Croise

Matiu 13:6

Amaa le nween kaah nan toŋ n-yonn man ni, le i jɔɔg. Yaah kaa nan fir jiin inyaan nin bu, i biɛn nan kpou.

Tibɔnyaan ti Luk ŋmee ti na 21:25

“Imag a siɛra na li be nween, nin uŋmal nin iŋmabil ni. Le kutingbɔŋ nan yaan, imɔg a nyum na li ŋa tinyungbann takpen, ki jɔɔ kufuug takpoŋ, ki sei ibol ipotiɛ.

Lituln 2:20

Nween na li kpenn ki bɔŋ, le uŋmal mu li kpenn ki mann ke nchamin, ni na yin ŋa man le, wee Uyudaan a pag takpeŋin daalin ni foon

Tibɔkpiirkaan 14:18

Le malaka wan guu nŋmi mu ji nyann libinbinl n-yaan, ki yin nkukɔpɔɔn ki bei malaka wan ŋmag gɔrug kaaŋin ke, “Taam a gɔrug kaaŋin ki lagin igbiin bon yan be kutingbɔŋ nan a gbiinsiig bu-n na, nan bu-n ki gbiin mann na.”

Tibɔkpiirkaan 6:12

Le n lig ki kan waah tabir kuwan tabin waŋ kan kpiɛ miloobin. Le kutingbɔŋ dam takpem. Nween labir libunbɔnl ki nann botu a kinkenl lan wee bi ta tiŋɔɔkor ki naan nin, le uŋmal mu mann ke nchamin,

Tibɔkpiirkaan 7:16

Nkom kaa ji li choo bi; nnyunyum kaa ji li choo bi, nween mu kaa li faa bi, bee nan ton biɛn nin.

Tibɔkpiirkaan 8:12

Le malaka wan kpiɛ mina-n mu pee u naatuŋ, le bi faa nween nin uŋmal nin iŋmabil biɛn le bi wonweem a bɔgirim nkerim mitataa a kerim nbaba bɔŋ. Lidaal a bɔgirim a kerim mitaa, nkerim nba kaa nan jɔɔ nwonween ni, kunyiɛg mu a bɔgirim a kerim mitaa-n, nkerim nba mu nan ye man le.

Tibɔkpiirkaan 9:2

N-yonn man wee u loor libogil lan nyɔɔ kaa jɔɔ tarigin, le tikpinnyir nyan niin ki nann nŋmi takpen a kpinnyir, le tikpinnyir nmɔn nan bɔŋ nween nin titilangbann.