Lituln 9:39 - UWONBƆR A GBƆNPƆŊ LIKƆƆNL

³⁹ Le u fii ki nɔɔ bi, waah nan tan foon, le bi ta u ki don paab a diig n-yaan. Le ipukɔɔ yan biɛn nan be kudiig nmɔn yaan fii ki sir gɔɔn Piita ki mɔr, ki ta bi tan nin bi daalam ki wɔɔn u, ki ke, “Dokasi kaah nan be u miɛfolin ki ŋal nan teen ti sɔ.”

Uwumbɔr aagbaŋ

³⁹ Le Piita fii dii bi. Waah ti fuu ni nima na, le bi di u buen paacham aadiik ngbaan ni. Le bikpopiib kuun nima, ki si Piita chee, ki wii, le ki mɔk u ŋibɔkul ŋi Dokas nan ŋa tii bi, waah nan bi na.

Lituln 9:39 Iomraidhean Croise

Matiu 17:17

Le Yisa jiin baan bi ke, “Ni daandaan nan a ninfob a kaa jɔɔ yada ki jɔɔ kuŋmaruŋ nan, n yin ŋa nii ki be ni ban ki yuura? Isaŋ iŋaa wee n li kan limɔril ki sei naa? Ta kibig nmɔn dan do ni.”

Matiu 26:11

Bilanjiim man li gbaa be ni ban, amaa min kaa yin gbaa be ni ban ni.

Tibɔnyaan ti Mak ŋmee ti na 14:8

Upii nmɔn tun nan wee u li fir tun seim le. Waah gbir tulaali wan ŋa n gbanann bu nan, u ŋaam ngbanann a piim a sili le nmɔn.

Tibɔnyaan ti Luk ŋmee ti na 24:44

Le ki bei bi ke, “Ni niɛ nan le n nan bei ni maah la nan be ni ban nin: Ni kpa le ke nan biɛn nan sɔb Moziz a siimin nin Bilinlem nin Ilan a gbɔŋin ni, ye nin gbeen le.”

Jɔnn 12:8

Ni yin gbaa jɔɔ bilanjiim le ni ban, amaa min kaa yin gbaa be ni ban ni.”

Jɔnn 17:12

Maah la nan be bi ban nin, n nan guu bi le ki ŋmag bi A yinl lan wee A nan ta seim nmɔn a pɔɔm bu. Bi ni uba kaa bori see gab yɔli a ninfo win naah li ŋa man wee nin gbeen naah sɔb man Uwonbɔr a gbɔŋin nin.

Lituln 1:13

Baah foo Jerusalam n-yonn man nin, le bi jon tan kɔɔ iniin yan yaan wee bi ti be-n, i nan ye tidititɔɔr le. Ban nan be nin yaan le ye Piita, Jɔnn, Jemisi nin Anduru; Filib nin Tomasi, Batolomiu nin Matiu; Jemisi wan nan ye Alifiu a bija-n, nin Simɔnn wan wee bi nan yi u ke zealo, nin Judasi wan ye Jemisi a bija-n.

Lituln 20:35

Maah tun man nmɔn n wɔɔn ni le ke see ke ti tun takpem wee ki ter bilanjiim, ni li tiɛr Uyudaan Yisa kaah nan len ke: ‘Tikaar be wan pu bu ki jon wan gaan na.’ ”

Lituln 6:1

N-yonn man wee Yisa a bɔɔnɔɔb nan mann kpiɛgin, le Juu yaab ban pag Girig a leen yin, nan ŋulin Juu yaab ban pag Hiiburu a leen yin bu, nan bu-n bi pukɔɔi kaa nan gaan tijiir naah bi ye bi li gaan man ni ni.

Lituln 8:2

Le bininfob ban san Uwonbɔr nan ta Sitifin ki tan pii, le ki mɔr ki fabin takpem u bu.

Lituln 9:41

Le Piita choo u nɔɔ, ki ter u, le u fii sir. Le u yin biwonjiɛmin nin ipukɔɔ-n, ki ta u ki sei bi, ke u fo.

2 Korenti 8:12

Ni ye a sei Uwonbɔr nin nbam ke, Uwonbɔr li gaa ipiin nmɔn ŋaah jɔɔ nan, kaa ye ŋaah kaa jɔɔ nan ni.

Efesusi 4:28

Wan nan ti su ke, ni kpaa talar le un jiɛn nnaayigim, amaa wee ki li tun na, ki ta u tɔɔl a nɔɔi ki li ŋaan nan ŋan na, wee ki li fir kan niba ki por sei bilanjiim.

1 Tesalonika 1:3

Ti tiɛr ni bu ti Baa Uwonbɔr ban, ni yada a ŋaam nin ni jiɛm a toon nin ni tama kan wee ni jɔɔ nin ti Yudaau Yisa Masiya nbu le che ni si nbamɔm.

1 Tesalonika 4:13

N nabum, taa ban ni li be ki laa nyi ban dɔɔn jiɛn nin bu, bee ki jɔɔ npoobiin ke bininfob ban gur kaa jɔɔ tama-n kaah be man nni.

1 Timoti 5:3

Li lig ipukɔɔ yan sin ban literilin nbamɔm nin jilima.

1 Timoti 5:5

Lipukɔɔl lan sin ban nterimin wee kaa jɔɔ wan li ter win, u tama be Uwonbɔr ban le, le u miɛ Uwonbɔr ki ban nterim nween nin kunyiɛg.

1 Jɔnn 3:18

N buwaab, ni laa che ti jiɛm ye imɔleen bee lilanbil a binba, amaa ni li nɔɔ nin itoon nin ibamɔn.