Lituln 9:29 - UWONBƆR A GBƆNPƆŊ LIKƆƆNL

²⁹ U ma nin Juu yaab ban pag Girig a leen yin nan fa limɔkpel le, mambu le bi nan ban baah li ŋa man ki ku u.

Uwumbɔr aagbaŋ

²⁹ N‑yoonn, n‑yoonn le u ni Juu yaab bi len Griik aaliin na kpak tɔb kinikpakpak, le bi ban bi ku u.

Lituln 9:29 Iomraidhean Croise

Lituln 11:20

Le Yisa a bɔɔnɔɔb biba nyan Saipuru, nin Sarene ki jon Antiɛg, ki tan be mɔɔn ti Uyudaan Yisa a bɔŋann nin ki tenn ban kaa ye Juu yaabin.

Lituln 17:17

Le u kɔɔ kuwonjiɛndiigin ki pag tenn Juu yaab nin ban kaa ye Juu yaab ki jiɛn Uwonbɔr nan tibɔr, ki ji chaa bi nyamin idaa biɛn, ki pag nin ban chaan nin yaan nmɔn tibɔr.

Lituln 18:19

Le bi nan chaa ki tan foo Efesusi, nan yaan wee Pɔɔl nan jaa Pirisila nin Akula nan, le u tɔɔl jon ki tan kɔɔ Juu yaab a wonjiɛndiigin, ki pag sei Juu yaab nmɔn.

Lituln 19:8

Pɔɔl nan be Juu yaab a wonjiɛndiigin iŋmal itaa le, ki pag Uwonbɔr a bɔr ki tenn bi nin lipoobil, ki pɔɔn uba ke un kpenn bi potiɛl ki jiin Uwonbɔr a naamin paam.

Lituln 22:18

zii nmɔn yaan le n kan Uyudaan, le u beim ke. ‘Ŋa weema! Nya Jerusalam libol libol nan na, nan bu-n ni ye a bei Jerusalam yaab n bɔr ke, baa yin gaa tibɔr nmɔn ni.’

Lituln 6:1

N-yonn man wee Yisa a bɔɔnɔɔb nan mann kpiɛgin, le Juu yaab ban pag Girig a leen yin, nan ŋulin Juu yaab ban pag Hiiburu a leen yin bu, nan bu-n bi pukɔɔi kaa nan gaan tijiir naah bi ye bi li gaan man ni ni.

Lituln 9:27

Amaa le Banabasi dan ki nan ta u jon Yisa a toon-yin ban. Ki bei bi Sɔɔl kaah nan kan Uyudaan nsan bu man, nin Uyudaan kaah nan pag sei u man, nin Sɔɔl kaah nan mɔɔn Yisa a yinl nin lipoobil man Damasiko a tiŋin.

Lituln 9:28

Le Sɔɔl lagin be nin bi ki choon u wiib ki gɔnn Jerusalam, ki mɔɔn Uyudaan a yinl nin lipoobil.

2 Korenti 11:26

N sanchonl a poolin, n nan ti ga kininbɔŋ ikpen ni, ki ji ga kininbɔŋ bininfob ban feen ban, nin n tɔɔl a tiŋ a ninfob ban, nin ban kaa ye Juu yaab ban, ki ji ga kininbɔŋ ntintakpemin, nin itindoo-n nin imɔgin nin n nabum ban choon ki larin ban.

Juud 1:3

N jɔtiib, hali maah nan jɔɔ inunman ke n sɔb kugbɔŋ ki sei ni ki ta jiin nŋmarim man wee ti nan por nin tabin paami, n lig ki miin ni kpaa le nin n sɔb ki balin ni wee ni li kɔn yada kan wee Uwonbɔr nan ta ŋubin u ninfogannkaabin a nɔɔn nin buu.

Juud 1:9

Amaa hali malakam a ninkpelu Maakil, nin Sintani kaah nan far limɔkpel nin tab ulinlenn Moziz a gbanann bu-n, waa nan chee ki jɔɔ kutingbiig a galin nin Sintani, amaa le ki len ke, “Uyudaan li fuun a bu!”