Lituln 9:17 - UWONBƆR A GBƆNPƆŊ LIKƆƆNL

¹⁷ Le Ananiɛsi nan jon ki tan kɔɔ iniin nmɔn yaan, ki ta u nɔɔi ki paan Sɔɔl bu, le ki bei u ke, “N nabig Sɔɔl, n Yudaau Yisa wan degir a bu nsan n-yonn man wee a nan chaan do nan ni, u ma tunim ke n nan ligir a num wee a gbee nin Kasi a Naaŋ.”

Uwumbɔr aagbaŋ

¹⁷ Le Ananias fii ki buen Judas do, ki ti koo Sɔɔl chee, ki di uŋaal paan u pu, le ki bui u, “Nna aabo Sɔɔl, Tidindaan le tun ni mi aa chee. Yesu u di ubaa mɔk si, saah bi nsan ponn ni ki choo na, uma le tun ni mi, ke m cha aa ki likr, ki gbiin Uwumbɔr Aafuur Nyaan.”

Lituln 9:17 Iomraidhean Croise

Matiu 19:13

Tɔ, le bininfob biba ŋmag bi buwaab ki dan Yisa ban, ke un ta u nɔɔ ki paan bi bu ki miɛ Uwonbɔr ki sei bi, amaa le u bɔɔnɔɔb fuun bininfobin bu.

Tibɔnyaan ti Mak ŋmee ti na 5:23

Le ki balin u nin u sufu biɛn ke, “N bisa le bu ki yin kpo. Ŋaa li dan ki nan ta a nɔɔ ki paan u bu wee un kan kutebug ki foo?”

Tibɔnyaan ti Mak ŋmee ti na 6:5

Waa nan fir tun ligaril a toon niin ni, bibaarib bi ŋa nan bu, le u nan ta u nɔɔ ki paan bi bu, le bi kan kutebug,

Tibɔnyaan ti Luk ŋmee ti na 1:41

N-yonn man wee Elizabef gbir Meri a poori, le u big dam dam u poolin. N-yonn nmɔn le Kasi a Naaŋ gbeen Elizabef.

Tibɔnyaan ti Luk ŋmee ti na 1:67

Le Kasi a Naaŋ nan gbeen Jɔnn a baa Zakariya, le u pag ilinlen leen ke,

Tibɔnyaan ti Luk ŋmee ti na 1:76

“Fin, n big, bi li yiŋ ke Uwonbɔr wan be paab nan a linlenu. A li liin Uwonbɔr a sam, ki mann u sam ki sei u,

Tibɔnyaan ti Luk ŋmee ti na 15:30

Amaa a bija wan bii a faal biɛn, ki choon nɔɔ ipiijagɔɔr kaah nan kunn ni, le a ku kinaajakpamig ki sei u!’

Tibɔnyaan ti Luk ŋmee ti na 15:32

Amaa ni ye ti ji kunaachuŋ le ki li jɔɔ npopeen, nan bu-n a waal nan nan kpo le, amaa le ki ji jirin u miɛfolin, u nan bora, le ti ji nan kan u.’ ”

Tibɔnyaan ti Luk ŋmee ti na 2:11

Dinan nan Defid a tiŋin bi ma ufeerin na, U ma ye Uyudaan Masiya.

Lituln 10:36

Ni nyi tibɔr tan wee Uwonbɔr nan pag sei Iziral yaab ki wɔɔn bi tibɔŋann tan ye nposɔɔn Yisa Masiya bu, u ma ye ti biɛn a Yudaau.

Lituln 13:3

Le bi lol imɔɔŋ ki miɛ Uwonbɔr, ni bɔɔn bu le bi ta bi nɔɔi paan bi bu, le ki che bi jon.

Lituln 13:52

Le ni mɔŋ bibɔɔnɔɔbin le bi gbee nin Kasi a Naaŋ.

Lituln 19:6

Le Pɔɔl ta u nɔɔi ki paan bi bu, le Kasi a Naaŋ jiirin bi bu, le bi nin pag ileen pɔɔn, ki ji pag ilinlen leen.

Lituln 2:4

Le bi biɛn nan gbee nin Kasi a Naaŋ ki piin ki pag ileen pɔɔn kinaaŋin a pɔɔmin.

Lituln 21:20

Baah gbir u bɔr nmɔn nin, le bi biɛn pag Uwonbɔr. Le ki bei Pɔɔl ke: “Ti na a big, a kan Juu yaab turtur kaah ŋa yada man na, bi biɛn ji ŋmag nsiimin le kenken.

Lituln 26:15

“Le n baan u ke, ‘Uyudaau, a ye ŋmiɛ?’ “Le Uyudaan jiin ke, ‘Min Yisa le a mugir nmɔn.

Lituln 4:31

Baah miɛ Uwonbɔr ki diɛ nan, le baah be kudiig kan a poolin nin degin. Le Kasi a Naaŋ gbeen bi biɛn nan, le bi pag Uwonbɔr a bɔr nin lipoobil.

Lituln 6:6

Le bi ta bi jon itoon nan ban, le bi ta bi nɔɔi ki paan bi bu ki miɛ Uwonbɔr ki sei bi.

Lituln 8:17

Le Piita nin Jɔnn nan ta bi nɔɔi ki paan bi bu, le bi gbee nin Kasi a Naaŋ.

Lituln 9:18

Libol nmɔn, le niba nyan u numbili yin ki lu, ki nann tijanpɔgir, le u ligir ki fii sir, le bi fun u Uwonbɔr a nyunful,

Rom Yaab 15:7

Ni gaam tab, ke Masiya kaah gaa ni man nin, naah li ŋa man wee ni fir ta npagim ki sei Uwonbɔr.

1 Korenti 15:47

Chinchinn a ninfo win nan nyan titann nin le, le uninfo wan kpiɛ milee n mu nyan paab.

1 Korenti 15:8

Ni biɛn nan a joorim, le u degir min tɔɔl bu, min wan wee u nan yim ke uyom a dann ni.

1 Korenti 9:1

Maa ye n baa? Maa ye ntoon naa? Maa kan ti Yudaau Yisa nmɔn naa? Naa ye nim le ye n toon nmɔn a nyɔɔr ti Yudaau nnaa?

1 Timoti 4:14

Laa che a piin yin ŋa yɔli, nan ye ilinlen leen ki seiŋ n-yonn man wee bininkpeeb nan ta bi nɔɔ-i paan a bu-n.

1 Timoti 5:22

Laa jegil ki ta a nɔɔi ki paag bininfob bu, ki laa kpiɛ ban tun tibir bu wee ni tun ni. Li ŋmag a ba kasi.

2 Timoti 1:6

Ni niɛ nan bu le n tiɛriŋ ke a figir Uwonbɔr a piin yan be a ni-n, maah nan ta n nɔɔi ki paan a bu n-yonn man ni.

Filemonn 1:16

kaa ji ye uyomi, amaa wan jon uyom, ki ye kinabig jiɛkaag. N jiɛ u kaga amaa fin le jann jiɛ u ki jom, waah ye uninfosaal ki ye kinabig Uyudaan ni-n bu.

Hiibru Yaab 6:2

nin Uwonbɔr a nyunful a wɔɔnim, nin inɔɔ a paanim bininfob bu, nin n kum a fiim, nin litudaril lan kaa jɔɔ diɛmi.

2 Piita 3:15

Ni li nyi ni sufu ni ke ti Yudaau a mɔrilin ye nan sei ni nŋmarim le, a li ke ti nabig jiɛkaag Pɔɔl kaah sɔb sei ni Uwonbɔr kaah sei u nlam man ni.