Lituln 8:36 - UWONBƆR A GBƆNPƆŊ LIKƆƆNL

³⁶ Baah nan nɔɔ nsan nmɔn ki chaa n-yonn man nin, le bi tan kan nnyum nba kaah dɔ, le lijafaal n bei Filib ke, “Lig nnyum sɔ. Ba yin ŋa wee ŋaa li fum Uwonbɔr a nyunfulaa?”

Uwumbɔr aagbaŋ

³⁶ Baah bi tɔroku na ponn ni ki cha na, le bi ti fuu nkpen mubaa ni, le ki kan nnyun dɔ. Le uja ngbaan bui Filip, “Lik, nnyun sɔ. Aa ga ŋmaa muin mi nnyun ni dandana wee ee?” [

Lituln 8:36 Iomraidhean Croise

Matiu 3:11

“Min fun ni nnyum man wɔɔn ke ni jiɛn ni toonbira, amaa wan yin ŋɔɔrin n bɔɔn nan ma jon ma, le maa pii kpaan nin n tu u naatagili, u ma yin fun ni Kasi a Naaŋ nin nŋmi.

Matiu 3:6

Le ki tan kpiir bi toonbir, le u fun bi Uwonbɔr a nyunful Jɔdann a kpenn.

Jɔnn 3:23

Jɔnn tɔɔl nan fu bininfob Uwonbɔr a nyunful le Anon kan mal Salim a tiŋin, nan bu-n nnyum takpem le nan be niin, le bininfob nan ti chaan u ban le u fu bi Uwonbɔr a nyunful.

Jɔnn 3:5

Le Yisa jiin ke, “N beiŋ ibamɔn le, uba kaa li fir kɔɔ Uwonbɔr a naamin ni, see ke bi ma u nin nnyum nin Kasi a naaŋin.

Lituln 10:47

“Uba li fir len ke bininfob nan n laa gaa Uwonbɔr a nyunful laa? Bi gbee nin Kasi a Naaŋ ke ti mu kaah nan gaa man nin le.”

Lituln 8:37

Le Filib bei u ke, “Ni ye a ŋa Yisa yada nin a sufu biɛn ke n li fuŋ.” Le u jiin ke, “N ŋa yada ke Yisa Masiya ye Uwonbɔr a Bija le.”

1 Jɔnn 5:6

Yisa Masiya le ye wan nan dan nin nnyum nin ncham. Naa ye nnyum a binba bu le u nan dan ni, amaa nnyum nin ncham bu. Le Kasi a Naaŋ jin ni siɛra, nan bu-n Kinaaŋin ye ibamɔn le.