Lituln 8:14 - UWONBƆR A GBƆNPƆŊ LIKƆƆNL

¹⁴ Yisa a toon ban be Jerusalam nan kaah gbir ke Samariya yaab gaa Uwonbɔr a bɔrin ni, le bi tun Piita nin Jɔnn bi ban.

Uwumbɔr aagbaŋ

¹⁴ Le Yesu aakpambalb bi bi Jerusalem ni na ŋun ke Samaria aatiŋ aanib gaa Uwumbɔr aaliin. Baah ŋun kina na, le bi cha Piita ni Jɔnn buen bi chee.

Lituln 8:14 Iomraidhean Croise

Matiu 13:23

Amaa ndibim man nan lu kitinŋaŋ n-yaan nin mu le ye wan gbir Uwonbɔr a bɔr, wee ki biɛ titaai, wee i nan yabig ki naan, le iba naan kokobig bee piloob piloob bee pita pita.”

Tibɔnyaan ti Luk ŋmee ti na 22:8

Le Yisa nan tun Piita nin Jɔnn kitiŋ nmɔn yaan, ki bei bi ke, “Ni li chaa ki tan ŋa sili wee ti ji yuglagir a jiir.”

Jɔnn 12:48

Wan yii min kaa ŋaan maah len man nin ke u daan a bɔjiru be; nan li ku u idajoorikaa ye n mɔleen yan n pagin le.

Lituln 11:1

Iyaayoo Yisa a tooi nin biwonjiɛm ban be Judiya a tingbɔŋin biɛn gbir ke ban kaa ye Juu yaab n mu gaa Uwonbɔr a bɔrin na.

Lituln 15:4

N-yonn man wee bi foon Jerusalam nan, le biwonjiɛm a laguŋ nin Yisa a toon nin bisanliibin gaa bi kuchɔŋ. Le Pɔɔl nin Banabasi bei bi niwann nan biɛn wee Uwonbɔr che bi tun.

Lituln 17:11

Beriya a tiŋ a ninfob pel Pɔɔl a bɔrin ki jon Tesalonika yaaba, le ki gaa tibɔrin nin njiɛm takpem ki dibir imɔleen nmɔn lidaal biɛn ki lig njee Pɔɔl kaah pag nan nmɔn sin ye ibamɔn naa.

Lituln 2:41

Ban nan chee u bɔr nmɔn ni le bi nan fun bi Uwonbɔr a nyunful. Ban nan kpiɛ bi bu lidaal nmɔn nan foo bininfob turita paama.

Lituln 8:1

Sɔɔl tɔɔl nan chee Sitifin a kum buu. Lidaal nmɔn le limugil takpenl nan dan biwonjiɛm a laguŋ kan nan be Jerusalam n bu, le bi biɛn nan nyan ki yal jon Judiya nin Samariya a tinbumin, ki jiɛn Yisa a toon n yaa binba nin yaan.

Galantiya 2:9

Jemisi nin Piita ki kpiɛ Jɔnn ban wee bi lig ki miin bi ye bininfojabin, bi tɔɔl nan biɛ ke Uwonbɔr le seim itoon gannkaa nmɔn; ni ma che bi nan sei min nin Banabasi inɔɔ. Ni ma nan ye chee sei tab a nɔɔseil. Tim nin bi ma nan chee sei tab ke min nin Banabasi li mɔɔn tibɔŋannin ki tenn ban kaa ye Juu yaaba, wee bi mu li mɔɔn ti ki tenn Juu yaab.

1 Tesalonika 2:13

Ti mu le poor Uwonbɔr le iyoo biɛn, nan bu-n, naah gaa Uwonbɔr a bɔr tan wee ni gbir ti ban nin, ni chee sei tibɔr nmɔn le ke taa ye bininfosaalib a bɔri, amaa ke ti sin ye Uwonbɔr a bɔr ibamɔn le, tan tun nin nim ban ŋa yada-n.

1 Tesalonika 3:2

Ti tun Timoti wan ye ti toon tun kpiɛg Uwonbɔr a toon n-yaan wee ki mɔɔn Masiya a bɔŋann nle ni ban, ke un nan pɔɔg ni gbanann nin ni yada-n,

2 Tesalonika 2:10

u li ta u binben biim nmɔn ki lar bininfob ki bii bi, baah yii ibamɔn yan li sei bi nŋmarimin bu.