Lituln 7:38 - UWONBƆR A GBƆNPƆŊ LIKƆƆNL

³⁸ Moziz nmɔn ji nan be nin Iziral yaab kaah lagin kukunkɔɔg a paab, nin malaka wan nan pag sei u Sinai a jɔɔl bu-n, nin ti yaajam; le u nan gaa limiɛfol a mɔboi ki ta sei ti.

Uwumbɔr aagbaŋ

³⁸ Uma Moses, ni tiyaajatiib, ni Uwumbɔr aatuun nan bi nteersakpiin ni, Sainai aajool chee, le Uwumbɔr aatuun len u chee tibɔr lijool ngbaan paab, ki tuk u limɔfal aabɔr ke u nan tuk timi.

Lituln 7:38 Iomraidhean Croise

Jɔnn 1:17

Uwonbɔr le nan che Moziz sei ti nsiim; le Yisa Masiya mu bu le ti kan linyunyunbasanl nin ibamɔn.

Jɔnn 6:63

Kinaaŋin le tenn limiɛfol; tigbanann ma be yɔli le. Imɔbon yan wee n pag tenn ni nan ye kinaaŋ le, ki ji ye limiɛfol.

Lituln 7:30

“Ibin pina a bɔɔn, le malaka degir Moziz bu ki nann nŋmipeen ki gaan kukunkɔɔg bu ki mal Sina a jɔɔl bu.

Lituln 7:35

“Moziz nmɔn le Iziral yaab nan yii u ki baan u ke, ‘Ŋma ŋaaŋ ti yudaau nin ti bɔjiru waa?’ Amaa u ma le Uwonbɔr gann ke u le ye bi yudaau nin bi feeru, le u ma Uwonbɔr che Malaka pag sei Moziz kumɔɔchiɛg a ŋmiimin, ki tun u niin.

Lituln 7:53

nim le ye ban nan gaa nsiim man wee malakam nan ta sei nin, amaa le kaa sin ji chee mi.”

Rom Yaab 3:2

Juu yaab jɔɔ isan a booli takpem ni wan biɛn ni; chinchinn, Uwonbɔr nan ta U bɔrin ŋubin Juu yaab a nɔɔn le.

Rom Yaab 9:4

bi ma ye Iziral yaab. Bi ma le Uwonbɔr nan ta bi kpann U bimarim; ki che bi jɔɔ U tɔɔl a pag, ki poo tipoopɔnn sei bi, ki sei bi U siim, ki wɔɔn bi baah li jiɛn U man iwonjiɛn niin, le ki siin bi limɔsiinl.

Galantiya 3:19

Ke babu wee Uwonbɔr nan siin nsiim nmɔn naa? Nsiim a biim bu le Uwonbɔr nan ta nsiim nan ki sei bininfob ki kpiɛ U mɔsiinl bu, ki ban nsiim nmɔn li ŋmag bi hali nin n-yonn man wee Abiraham a yaabil lan wee U ma Uwonbɔr nan siin limɔsiinl ki sei-n kaah na li foon. Le malakam ta nsiim nmɔn ŋubin usandanfaar a nɔɔn.

Hiibru Yaab 2:2

Nan bu-n Malakam kaah nan pag tibɔr tan sei ti yaajamin nan wɔɔn ke ni ye ibamɔn le, le ban nan yii tibɔr nmɔn nan kan litudaril lan kpaan bi ke,

Hiibru Yaab 4:12

Uwonbɔr a mɔbonl fo le ki tun itoon. Ki ka ki jon ijumɔɔŋ ilee, ki fin jiil uninfosaal ki piir u naaŋ nin u miɛfol, ki kɔɔ for u tugiri nin u kpabi a nsugirim, tibɔr nmɔn le ji feen ki biɛr usaal a sufu a binbem, nin u potiɛl kaah be man.

Hiibru Yaab 5:12

Ibamɔn buu n-yonn nan, ni kpaan ni li ye ban wɔɔnn le, amaa le ni ji ban uba n wɔɔn ni Uwonbɔr a bɔr a piinimin a bamɔn. Ni ban nbiim le, naa kpaan nin tijiir tan kpiɛgi!

1 Piita 4:11

Ni ye uba pag ke, u li pag tibɔr tan ye Uwonbɔr a mɔleen ya. Ni ye wan yin tun ke, u li tun nin npɔɔn man wee Uwonbɔr ta sei win na, wee niwann biɛn ni Uwonbɔr a yinl n kan kupag Yisa Masiya bu. Kupag nin npɔɔn ye u yaan le hali nin iyoo yan kaa jɔɔ diɛmi. Ibamɔn.