Lituln 6:9 - UWONBƆR A GBƆNPƆŊ LIKƆƆNL

⁹ Le bininfob biba nan fii ki yii Sitifin a bɔr, bi nan ye ‘Yemba’ le ki nyan ban nan kan nŋmarim ki be Juu yaab a wonjiɛn bolin (ke baah yi bi man ni) bi nan nyan Sarene nin Alɛgzandira nin Silisiya, nin Asiya le. Le bi biɛn nan piin ki far limɔkpel nin Sitifin.

Uwumbɔr aagbaŋ

⁹ Le Juu yaab bibaa fii ki kpak u. N‑yoonn mubaa, Juu yaab ngbaan nan ye binaagbiib, ki nan gaa bibaa. Bi nyan ni Sairene aatiŋ ni, ni Aleksandria aatiŋ ni, ni Silisia aatiŋ ni, ni Asia aatiŋ ni. Bijab ngbaan le kpak Stiifen kinikpakpak.

Lituln 6:9 Iomraidhean Croise

Matiu 10:17

Ni li nyi bininfob bu, bi na li choo ni ki ta ni jo bibɔjib ban, ki boo ni tiwonjiɛndirin.

Matiu 23:34

Mambu n li tun bilinlem nin bilandam nin ban wɔɔnn ni ban, amaa ni na li ku bibam ki kpaa bi tɔ ki boo bibam mu tiwonjiɛndirin, le ki ji ŋɔɔ bi taai ki nya kitiŋ kiba ki jo ki tɔ ni.

Matiu 27:32

Baah nan chaa nyan Palati a naakoon nin, le bi tan kan Sarene a tiŋ a jaa uba le u yinl ye Simɔnn, le bi choo u, ki mug u le u tu Yisa a dapunpunl.

Tibɔnyaan ti Mak ŋmee ti na 13:9

“Ni li guu ni ba man. Bi na li choo ni ki ta ni jo bibɔjib ban ki boo ni tiwonjiɛndirin. Min bu ni na li sir ntim a ninkpeeb nin bibɔrtiib a nintogil, ki bei bi n bɔŋann ni.

Tibɔnyaan ti Luk ŋmee ti na 21:12

“Amaa ni nan biɛn nan yin ŋa ke, bi li choo ni ki mugir ni. Bi na li ta ni ki jo tiwonjiɛndirin nin tiloondirin, le ki ji li ta ni jo bibɔryudam nin kitiŋ a yudam ban, ki ji ni tibɔr n yinl bu.

Lituln 11:20

Le Yisa a bɔɔnɔɔb biba nyan Saipuru, nin Sarene ki jon Antiɛg, ki tan be mɔɔn ti Uyudaan Yisa a bɔŋann nin ki tenn ban kaa ye Juu yaabin.

Lituln 13:1

Antiɛg a tiŋin, biwonjiɛm a laguŋ nan jɔɔ bilinlem nin ban wɔɔnn: Bi nan yi bi ke Banabasi nin Simiɛn wan a yinl ji nan ye Naga, nin Lusiɛsi, wan nan nyan Sarene, nin Manann (wan wee bi nan lagin ki wubir nin Galilii a bɔrbig Herɔd) nin Sɔɔl.

Lituln 13:45

Juu yaab kaah nan kan kuninfogbaluŋin le ni ŋa bi lipiiponl, le bi pag bii Pɔɔl a wɔɔmin.

Lituln 15:23

Le bi nan sɔb kugbɔŋ nan ki tun bi: Yisa a tooi nin biwonjiɛm a sanliib nin ban ye ni nabum le sɔb kugbɔŋ nan, Ki tenn nim yadadam ban kaa ye Juu yaab wee ki be Antiɛg nin Siriya nin Silisiya: Ti poor ni.

Lituln 15:41

Le u nɔɔ Siriya nin Silisiya a timin ki pɔɔgir biwonjiɛm a laginn a gbanann.

Lituln 16:6

Kasi a Naaŋ kaah kaa nan chee ke bin mɔɔn tibɔrin nmɔn Asiya a yerin nin ni, le Pɔɔl nin u ninɔɔtabin nan nɔɔ Ferijiya nin Galantiya a tingbɔŋin.

Lituln 18:24

Juu a jau uba le nan be, le u yinl ye Apolosi, amaa bi nan ma u Alɛgzandira le, le u nan dan Efesusi. U nan ye ubiɛndaan le, ki nyi Uwonbɔr a gbɔŋ nbamɔm.

Lituln 19:10

Ni nan ye man le ki tan kpaa ibin ilee, mambu che Juu yaab nin Girig yaab ban biɛn nan be Asiya a tingbɔŋin nan gbir Uyudaan a bɔr nmɔn na.

Lituln 19:26

Ni tɔɔl kan ki gbir Pɔɔl nan a bol kaah kpenn bininfob takpem a lam ki lar bi ki kɔɔn kulɔŋ man Efesusi nin Asiya a tingbɔŋin biɛn. U ke tiwann naan wann tan wee bininfob maa-n kaa ye itingban ni.

Lituln 21:27

Iweehn ilile nmɔn kaah nan nan mal ndiɛmin, le Juu yaab ban nyan Asiya ki dan nin kan Pɔɔl iwonjiɛn niin. Le ki fiin kuninfogbaluŋin a ŋuui Pɔɔl bu le ki choo u,

Lituln 21:39

Le Pɔɔl jiin u ke, “N ye Juu a ninfou le, n nyan Tarsusi kan be Silisiya a tingbɔŋin nin le, n ye kitintakpeŋ a ninfou le, n baliŋ le, che n pag ki sei bininfob nan.”

Lituln 22:19

“Le n jiin u ke, ‘Uyudaau, bininfob pii nyi ke min le nan chonn kɔɔ tiwonjiɛndirin ki chor bininfob ban nɔɔ a samin, ki boo bi ki kɔɔn bi tiloondirin.

Lituln 22:3

“N ye Juu a ninfou le, bi mam Tarsusi kan be Silisiya a tingbɔŋin nin le, amaa n nan ŋa uninfo Jerusalam nan le. Gamaliɛl le nan wɔɔnim. U nan wɔɔnim ti yaajam a siim le chib chib, le n nɔɔ Uwonbɔr nin linunmanl, ke ni biɛn nan kaah nɔɔ U dinan man nan.

Lituln 23:34

Le ubɔr karin kugbɔŋin le ki baan u waah nyan nan yaan. Le ki biɛ ke u nyan Silisiya le,

Lituln 24:18

Bi nan nan kam ki miin n nan mann nba le ki be kasi iwonjiɛn niin ki mann kumanug nmɔn. Iyaayoo nmɔn bininfob takpem kaa nan be niin ni, le tifur mu kaa nan be.

Lituln 26:11

Iyoo biɛn n ti kɔɔ tiwonjiɛndirin le ki dar bi tuli, ki mug bi ki che bin sug bi yudaau. N nan fiin n ŋuul bi bu ki tan lagira, mambu che n ni nan chaa itindoo le ki tan mugir bi.

Lituln 6:10

Amaa baa nan fir pag nyaŋ Sitifin ni, nan bu-n u na pag nin nlam gɔr kaam le nin Kinaaŋ a pɔɔm.

1 Korenti 1:20

Ni ye man ke, ulandaan nin be laa? Bee ubiɛndaan nin be laa? Bee ban jɔɔ nnyinyin dulinya nan yaan nin be laa? Naah ye Uwonbɔr taa dulinya nan a lam le ki labir ijɔrig aa?

Galantiya 1:21

Ni bɔɔn bu le n jon Siriya nin Silisiya.