Lituln 6:5 - UWONBƆR A GBƆNPƆŊ LIKƆƆNL

⁵ Ni nan gbee bininfobin biɛn a numa, le bi gann Sitifin, wan gbee nin Kasi a Naaŋ ki jɔɔ yada nan, nin Filib, Pirokorusi, nin Nikanor, nin Timonn, nin Pamenasi, nin Nikolasi, wan nan nyan Antiɛg wee ki kpenn u wonjiɛnl ki nɔɔ Juu yaab a wonjiɛnlin.

Uwumbɔr aagbaŋ

⁵ Yesu aakpambalb aah len pu na, le ni piir bi mɔmɔk aasui. Le bi nyan uja ubaa, bi yin u ke Stiifen, u gaa Yesu ki kii mbamɔm ki gbii Uwumbɔr Aafuur Nyaan na. Bi nan nyan Filip, ni Prokorus, ni Nikanor, ni Timonn, ni Pamenas, ni Nikolas, u nan ye Antiok aatiŋ aanii na mu. Nikolas aa nan ye Juu aanii. U nan kpeln le ki dii Juu yaab aasan.

Lituln 6:5 Iomraidhean Croise

Matiu 23:15

“Woo nim ban wɔɔnn Uwonbɔr a siim nin Farasii yaab nan, nim le ye bilinlarib nmɔn, nan bu-n ni don imɔg ki lagir ntim ki ban wan li kpenn u binbem ki li nɔɔ ni bɔɔn le, le ni ye ni nan kan uba wee u nɔɔ ni ke, ni che u labir Sintani a ŋmiimin a big, le u binbem nmann ki kpiɛ nfim milee ki jo ni yaal.

Lituln 11:19

Yisa a bɔɔnɔɔb ban nan kan limugil Sitifin a kum a yonn nin, bi nan worin le ki jon ntim man fɔg, ki tan kpaa Fonisiya, nin Saipuru, nin Antiɛg ki jɔɔ Yisa a bɔr ki mɔɔn tenn Juu yaab a binba.

Lituln 11:20

Le Yisa a bɔɔnɔɔb biba nyan Saipuru, nin Sarene ki jon Antiɛg, ki tan be mɔɔn ti Uyudaan Yisa a bɔŋann nin ki tenn ban kaa ye Juu yaabin.

Lituln 11:22

Biwonjiɛm a laguŋ kan be Jerusalam nan gbir tibɔr nmɔn le ki tun Banabasi jon Antiɛg a tiŋin.

Lituln 11:24

Banabasi nan ye uninfoŋan le, ki gbee nin Kasi a Naaŋ nin yada, le ki nan ta-n bininfob takpem ki sei Uyudaan.

Lituln 11:26

waah nan tan kan win, le u ta u jirin Antiɛg. Libinmunl le Banabasi nin Sɔɔl nan be nin biwonjiɛm a laguŋ ki wɔɔn bininfob takpem. Bi bɔɔnɔɔb nmɔn le nan ye chinchinn a wonjiɛm Antiɛg a tiŋin.

Lituln 11:27

Iyaayoo nmɔn le bilinlem biba nyan Jerusalam, ki dan Antiɛg a tiŋin.

Lituln 13:1

Antiɛg a tiŋin, biwonjiɛm a laguŋ nan jɔɔ bilinlem nin ban wɔɔnn: Bi nan yi bi ke Banabasi nin Simiɛn wan a yinl ji nan ye Naga, nin Lusiɛsi, wan nan nyan Sarene, nin Manann (wan wee bi nan lagin ki wubir nin Galilii a bɔrbig Herɔd) nin Sɔɔl.

Lituln 15:22

Le itoon nin bisanliibin, nin biwonjiɛmin biɛn lol ki nyan bibam bi ni, ki tun bi ma nin Pɔɔl nin Banabasi le bi jon Antiɛg. Le bi nan gann Judasi, (wan a yinl ye Basabasi) nin Silasi. Bijab bilee nmɔn le nan ye biwonjiɛm nmɔn a sanliib.

Lituln 2:4

Le bi biɛn nan gbee nin Kasi a Naaŋ ki piin ki pag ileen pɔɔn kinaaŋin a pɔɔmin.

Lituln 21:8

Le ni won kutaag le ti nyan Tolemasi, ki foo Sizariya, ki jon Filib wan ye umɔleenmɔɔn a niin ki tan be. U nan ye bijab bilile ban wee bi nan gann bi ke bi li tol tijiir n-yaa ni u ba le.

Lituln 22:20

Le baah nan ke bin ku a siɛradaau Sitifin nin, n tɔɔl nan be niin, ki chee ke bin ku mu. Min le ji nan ŋmag ban nan ku win a wan yɔɔr.’

Lituln 6:10

Amaa baa nan fir pag nyaŋ Sitifin ni, nan bu-n u na pag nin nlam gɔr kaam le nin Kinaaŋ a pɔɔm.

Lituln 6:3

N nabum, ni lig wee ki gann bijab bilile ni sisiigin, ban wee ni nyi ke bi gbee nin Kinaaŋin nin nlam gɔr kaam, wee ti ta man a toon ki sei bi,

Lituln 6:8

Daandaan nan, Sitifin uja wan wee Uwonbɔr a nyunyunbasanl nin u pɔɔm nan be u bu-n, u nan tun ligaril a siɛra nin lijinjeel a toon le bininfobin a sisiigin.

Lituln 7:1

Le biminmanib a yudaau baan Sitifin ke, “Baah galiŋ man nan sin ye ibamɔn naa?”

Tibɔkpiirkaan 2:15

Man le ni mu jɔɔ ban ŋmag Nikolatan yaab a wɔɔnim.

Tibɔkpiirkaan 2:6

Amaa naah ŋaan nan wee ni ŋan sɔ: Ni nan titoonbir tan wee Nikolatan yaab tun ni, ke n baantɔɔl kaah kaa nan ti man nin le.