Lituln 3:16 - UWONBƆR A GBƆNPƆŊ LIKƆƆNL

¹⁶ “Yada nin Yisa a yinl bu le uja wan wee ni kan ki nyi u nan pɔɔg ki fin choon, waah ŋa Yisa a yinlin yada n bu. Yada kan wee u jɔɔn le che u kan kutebug ni biɛn a numin.

Uwumbɔr aagbaŋ

¹⁶ Ni kan uja wee, ki bee u. Yesu aayimbil le kpa mpɔɔn, le ki cha u pɔɔk. Waah ŋa Yesu aayimbil naadii pu na, nima le cha u pɔɔk. U gaa Yesu ki kii, le uma Yesu tii u laafee ninimbil ni.

Lituln 3:16 Iomraidhean Croise

Matiu 14:29

Le u jiin Piita ke, “Li chaan.” Le Piita nyan kuŋaluŋ a poolin ki tɔɔn n nyumin bu, ki piin ki choon ki too Yisa.

Matiu 9:22

Le Yisa gbiɛ lig ki kan u, le ki len ke, “N bisa, che a sufu li pɔɔu. Ŋaah ŋaam yada-n bu le a kan kutebug.” Libol nmɔn, le u sin kan kutebug.

Jɔnn 14:12

N bei ni ibamɔn le, wan biɛn ŋaam yada ke u li tun maah tun man nin. U li tun tiwann tan jon man, nan bu-n n chaa Baa-n ban le.

Jɔnn 7:23

Tɔ ni ye ke ni li fir jii kibig a punl likpakɔɔl daal wee Moziz a siimin laa bii ke, babu wee ni ŋuui fii n bu maah teb uninfomun likpakɔɔl daalin naa?

Lituln 14:9

Le u nan pelig Pɔɔl a mɔleen yin. Le Pɔɔl lig u chiim, ki biɛ ke u jɔɔ yada kan li sei u kutebug,

Lituln 16:18

U le nan ŋaan man le lidaal biɛn. Waah ŋaan man ni le Pɔɔl a ŋuul nan fii, le u gbiɛ lig u le ki bei kinaaŋ kan be u ni nmɔn ke, “Yisa Masiya a yinl bu, n ke a nyam u ni.” Libol nmɔn le kinaaŋin nyan u ni.

Lituln 3:6

Amaa le Piita bei u ke, “Maa jɔɔ iligi, amaa maah jɔɔ nan le n yin ta seiŋ nan. Yisa Masiya wan nyan Nazarif nan a yinl bu, fii choon na.”

Lituln 3:8

Le u yug sir u taai bu, le ki piin ki choon jin. Le ki nɔɔ bi kɔɔ iwonjiɛn niin ni, ki choon ki yugir ki mabir, ki pag don Uwonbɔr.

Lituln 4:10

ni ŋan nin nim Iziral yaab biɛn mu biɛ ke: Yisa Masiya wan ye Nazarif a ninfou win a yinl bu, le uja wan si ni numin nan kan kutebug. Yisa nmɔn le ni nan che bi kpaa u lidapunpunl bu-n, amaa le Uwonbɔr fiin u nkumin.

Lituln 4:30

Tann A nɔɔ paan bininfob bu ki che bin kan kutebug, tun ligaril a siɛra nin lijinjeel a toon, A kasi a toon tun Yisa a yinlin a pɔɔn n bu.”

Lituln 4:7

Le ki che bi ta Piita nin Jɔnn dan bi ban, le bi baan bi ibinbaan ke, “Npɔɔn mi la ba bee ŋma a yinl wee ni ta fiin kiwɔbim nan naa?”

Rom Yaab 3:22

Nbuchin binben man nyan Uwonbɔr ban nmɔn nyan yada kan wee bi jɔɔ nin Yisa Masiya nle, ki tenn ban biɛn ŋa u yada-n. Naa jɔɔ nbɔgirimi,

1 Korenti 13:2

Ni ye n jɔɔ ilinlen leen a piini, ki fin biɛr tibɔwoonkaar biɛn, ki jɔɔ nbiɛm biɛn, hali ki jɔɔ yada kan wee n li fir pag wee ijɔɔ nfii, amaa wee kaa sin jɔɔ njiɛm ke n ye yɔli le.