Lituln 3:13 - UWONBƆR A GBƆNPƆŊ LIKƆƆNL

¹³ Uwonbɔr wan nan ye Abiraham nin Azig nin Jekɔb nin ti yaajam a Wonbɔru nan, U ma ye wan don U toon tun, Yisa le ni ta u ki ŋubin bi yudam a nɔɔn ke bin ku u, le Palati nan bigin un jaa u, le ni ji yii u Palati a nintogil.

Uwumbɔr aagbaŋ

¹³ Uwumbɔr le cha u pɔɔk. Abraham, ni Aisak, ni Jakob Aawumbɔr, u ye tiyaajatiib Aawumbɔr na, nyuŋ Waabo Yesu la. Nimi le nan di Yesu kooh, le ki yii u Pailat chee. Pailat nan ban u di u lii, le naa kii.

Lituln 3:13 Iomraidhean Croise

Matiu 11:27

“Tɔ, n Baa le wɔɔm tibɔr nan biɛn. Uba kaa nyi min Bija-n kaah ye wan ni see n Baa-n; le uba mu kaa nyi n Baa-n ni, see min, wan ye u bija nan, ke maah kpiir ki wɔɔn ban wee n ban ni.

Matiu 20:19

bi na li ta u sei ban kaa ye Juu yaab nan le bin laa u, ki boo u inaalab, ki kpaa u lidapunpunl bu, amaa iweehn itaa daal u li fii nkumin.”

Matiu 22:32

‘Min le ye Abiraham a weem nin Azig a weem nin Jekɔb a weem.’ Waa ye bitakpiib a Wonbɔr wi, amaa ban fo a Wonbɔru.”

Matiu 27:2

Le bi lol u tikulor ki ta u ki ŋubin ubɔr yudaau wan wee bi yi u ke Palati a nɔɔn.

Matiu 28:18

Le Yisa fɔɔr mal bi, ki len ke, “Uwonbɔr seim paab nin tum a ninkpera.

Tibɔnyaan ti Mak ŋmee ti na 15:11

Le kumanug a ninkpeeb nmɔn nan mann pag ki bei kuninfogbaluŋin ke, bin bei u wee un nyan Barabasi sei bi.

Tibɔnyaan ti Luk ŋmee ti na 22:57

Amaa le u niɛ. Ki ke, “Upii, maa nyi wi.”

Tibɔnyaan ti Luk ŋmee ti na 23:4

Le Palati mɔɔn ki bei kumanug a yudamin nin kuninfogbaluŋin yaan ke, “Maa kan nan wee n li ta galin uja nan ni.”

Tibɔnyaan ti Luk ŋmee ti na 6:37

“Ni laa ji bininfob tibɔr wee bi nan laa ji ni tibɔri. Ni laa bii bininfobi wee bi mu laa nan bii ni. Jiɛn per bininfoba wee bi mu nan jiɛn per ni.

Jɔnn 12:16

Chinchinn u bɔɔnɔɔb kaa nan biɛ ni niɛ biɛn nan ni. See Yisa a pag a bɔɔn le bi nin nan biɛ ke nan sɔb nan, nan sɔb u bu le, le bi nan tun ni niɛ nan biɛn ki sei u.

Jɔnn 18:40

Le bi tiɛn ki jiin ke, “Aai, naa ye uma! Nyan Barabasi ki sei ti!” Barabasi nan ye ban bii tininkper a pɔɔmin a ni uba le.

Jɔnn 19:11

Le Yisa jiin ki bei u ke, “Ŋaa bi li fir jɔɔ npɔɔn ki jon mi wee naa ye mi nyann paab le. Mambu wan taam ki ŋa a nɔɔn nin jɔɔ tibir takpem.”

Jɔnn 19:12

Iyaayoo nmɔn, le Palati nin gbaar ban waah li ŋa man ki fee Yisa jaa, le Juu yaab mu le mann tann ki ke, “A jaa uja nan jon ke, ŋaa ji ye Siiza a jɔ. Wan bei ke u ye ubɔr ke udaan yii Siiza le nmɔn.”

Jɔnn 19:15

Amaa le bi tiɛn ki ke, “Ta u fɔra! Ta u fɔra! Kpaa mu!” Le Palati baan bi ke, “N kpaa ni bɔru waa?” Le biminmanib a yudam bei ke, “Taa jɔɔ ubɔri see Siiza a binba.”

Jɔnn 7:39

Yisa kaah nan pag man nin, u nan len Uwonbɔr a Kasi a Naaŋ kan wee ban ŋa u yada-n na yin ga-n le. Ki nan nan kpaa n-yonn nmɔn nin, Uwonbɔr kaa la nan ta Kinaaŋin ki sei ban ŋa u yada-n ni, nan bu-n Yisa kaa la nan kan kupagi.

Lituln 22:14

“Le u len ke, ‘Uwonbɔr wan ye ti yaajam a Weemin pii ganiŋ le, ke a biɛ u bam, ki kan U ninfo Buchiu, ki ji gbir u mu a mɔnn.

Lituln 24:14

Amaa, n che ke, n jiɛn Uwonbɔr wan ye ti yaajam a weemin le, ki nɔɔ u siimin, man wee bi ke maa ye ibamɔn nin. N ŋa nan sɔb nsiim a gbɔŋin nin nan sɔb Uwonbɔr a linlem a gbann nin yaan biɛn yadau,

Lituln 3:12

Piita kaah kan bininfobin n-yonn man nin, le u bei bi ke: “Nim Iziral yaab, ba ŋa wee ni gar ni uninfo nan buu? Ba ŋa wee ni lig ti, a li ke tim a pɔɔm bee ti binben ŋam bu le che kuwɔbig nmɔn fii ki choon naa?

Lituln 3:26

Uwonbɔr kaah nan gann U toon tun wi, u nan chinn tun u ni ban le, ke un kpenn ni pootom a binbem wee u kaar n nin fir pii ni.”

Lituln 4:27

“Ni ye ibamɔn le ke Herɔd, nin Pontiɛ Palati, nin ban kaa ye Juu yaab nin Iziral yaab sin nan lagin kitiŋ nan yaan le, ki lol ilol ke bin ku A kasi a yomu Yisa, wan wee A gann wee u ye A Masiya nan.

Lituln 4:30

Tann A nɔɔ paan bininfob bu ki che bin kan kutebug, tun ligaril a siɛra nin lijinjeel a toon, A kasi a toon tun Yisa a yinlin a pɔɔn n bu.”

Lituln 7:32

‘Min le ye ni yaajam a Weem, ki ye Abiraham a Weem, ki ye Azig nin Jekɔb a Weem.’ Le bijawaam kɔɔ Moziz, le u nin si ki jegil kaa ji fir lig niin ni.

Rom Yaab 9:5

Bi yaab le ye ti yaajam ninkpeebin, ban nyan ti yaajamin a bolin nin Masiya tɔɔl nyan niin le u ninforin nin bu, U ma ye Uwonbɔr wan jon niwann biɛn, U ma kpaan npagim man kaa jɔɔ diɛm! Ibamɔn.

Hiibru Yaab 2:9

Amaa ti kan Yisa, wan wee Uwonbɔr nan jiin u tum wama malakam ban nin, daandaan nan, u chig kupag nin jilima a yuchigirig le waah jin nkum a fala-n bu, wee Uwonbɔr a nyunyunbasanl bu u nan che u kpo uninfo biɛn bu-n.

Tibɔkpiirkaan 1:18

N ye Wan Fo-n le; N nan kpou, liga n fii nkumin na ki ye wan fo-n le hali nin iyoo yan kaa jɔɔ diɛm! Le ki ŋmag Nkum nin Kitakpiin tiŋ a naanganl a piin.

Tibɔkpiirkaan 1:5

Linyunyunbasanl nin nposɔɔn lan ji nyan Yisa Masiya, wan ye ibamɔn a siɛradaau win, kibininkpeeg kan chinn fii nkumin, nin wan ye dulinya nan a bɔrtiib biɛn a bɔru win li be ni ban. Wan jiɛ ti wee ki ta u cham ki nyan ti tibirin nin,