Lituln 28:22 - UWONBƆR A GBƆNPƆŊ LIKƆƆNL

²² Amaa ti ban ti biɛ a potiɛl le, ti pii nyi ke nwonjiɛn san man wee a nɔɔ nan, bininfob takpem li pag ki bii mi iyag biɛn.”

Uwumbɔr aagbaŋ

²² Ti nyi ke bi len ntim mɔmɔk ponn ni ke saah dii nsan mu na aa ŋan. Nima pu na, ti ban ti ŋun tibɔr ti bi aamɔb ni na.”

Lituln 28:22 Iomraidhean Croise

Tibɔnyaan ti Luk ŋmee ti na 2:34

Le Simiɛn nan kaab jaa bi bu, le ki sin bei kibigin a na Meri ke, “Uwonbɔr gann kibig nmɔn ke u li che Iziral yaab takpem n lu yɔli u bu; le bininfob takpem mu li kan nŋmarim u bu. Uma nan yin ye limagil lan wee bininfob takpem li pag ki bii u nan;

Lituln 15:5

Le biwonjiɛm ban nan si Farasii yaab a chaŋin fii sir ki ke, “Ni kpaa le nin ban kaa ye Juu yaabin jii bi pun, ki chee sei Moziz a siimin.”

Lituln 24:14

Amaa, n che ke, n jiɛn Uwonbɔr wan ye ti yaajam a weemin le, ki nɔɔ u siimin, man wee bi ke maa ye ibamɔn nin. N ŋa nan sɔb nsiim a gbɔŋin nin nan sɔb Uwonbɔr a linlem a gbann nin yaan biɛn yadau,

Lituln 26:5

Bi nyim ke ni fɔg ki bi li fir ji n siɛra, ni ye bi ban ke, bi li fir wɔɔniŋ ke n nan ŋmag Farasii yaab a siim man pɔɔn le ki jɔɔ Farasii yaab a binbem.

Lituln 5:17

Le biminmanib a yudaau nin u tab biɛn ban ye Sadusi yaab nan jɔɔ lipiiponl nin itoon nin.

Rom Yaab 1:8

Chinchinn, Yisa Masiya bu le n poor n Wonbɔru ni biɛn nan bu, nan bu-n dulinya nan yaan biɛn bi pag ni yada buu.

1 Korenti 11:19

Naa jɔɔ nbiɛnimi, ni ye ni li jɔɔ nbɔgirim le ni sisiigin wee nin wɔɔn ban ye bibamɔndamin kaah ye ban ni sisiigin.

1 Piita 2:12

Ni li be nbinben ŋan nmɔn a bosuu ban kaa ye biwonjiɛmin a sisiigin na, hali baah le galin ni ke ni tun tibirin na, ni biɛn yɔli ni li che bin kan ni toon ŋan ki sei Uwonbɔr kupag lidaal lan wee U nan yin gɔnn ti.

1 Piita 3:16

ki che ni potiɛl li ŋan na, wee ban pag bii ni nin kininaŋ ni binbenŋam Masiya ni-n nji ifa bi tingbiig nmɔn bu.