Lituln 27:40 - UWONBƆR A GBƆNPƆŊ LIKƆƆNL

⁴⁰ Le bi jii iŋmin nin chinn, le tikur tan kpiɛgin lu nnyumin, le ki ji lor iŋmin yan lol tidaar tan wee bi jɔɔ don kuŋaluŋin ni, le ki nin don likinkenl kuŋaluŋin a titogil, ke ntafaam li daar bi chaa, le ki tan mal likpengonl.

Uwumbɔr aagbaŋ

⁴⁰ Le bi chuu geei tikur na aaŋmin, le ti bee nnyun ni. Le bi chuu gbiln tiŋɔpann aaŋmin, ki nan di likekeln gbin liŋɔyil ndɔ pu paacham. Libuln aah daar na, le bi ban ke likekeln ngbaan li joo buŋɔb chuun cha nnyun aagbaan. Le bu chuun buen.

Lituln 27:40 Iomraidhean Croise

Matiu 4:18

Yisa kaah nan chonn Galilii a mɔgil a gbaamin, le u nan kan nnabum milee, bi ma nan ye Simɔnn wan wee bi nan yi u ke Piita, nin u waal Anduru. Bi nan ye bijanchoob le ki be jaar kujanlaaŋ limɔgilin.

Lituln 27:17

Le bi nin dar kubulunkpoŋin ki kɔɔn kuŋaluŋin yaan, le ki ta nŋmin ki lol kuŋaluŋin kenken. Bi nan san bijawaam ki nyi ke bi tan li par fel Libiya a tiŋ ban nan yaan a nyum kaa nyɔɔ-n. Mambu le nan che bi jiin kuŋaluŋin a kulorin le ntafaam nin daar bi ki chaa.

Lituln 27:41

Le kuŋaluŋin a titogil fel titann nin, kaa ji li fir jo, le kuŋaluŋin sir le kunyungbɔŋ nin chaan ki nan liɛr kuŋaluŋin a bɔɔn le ku nan choo bɔgir bɔgir.