Lituln 27:21 - UWONBƆR A GBƆNPƆŊ LIKƆƆNL

²¹ Ni nan yuur takpem ke bininfobin kaa jin ni, le Pɔɔl nan fii sir ki bei bi ke, “N jɔtiib, ni nan bi chee n mɔb, wee kaa nan bi nyan Kereti a tiŋin ke, ni bi li ŋan, naa bi li kan kidaŋ nin kininbɔŋ nan a bosu.

Uwumbɔr aagbaŋ

²¹ Tɔ, baa nan ki ji tijikaar, ni ti yunn. Baah kaa ki ji tijikaar ni yunn na, le Pɔɔl fii sil binimbiin ni, ki bui bi, “Njɔtiib, ni yaa ba pel maah nan len pu na, ki yaa kaa ba nyan ni Krete aadikl ni kan, ni ba ga li ŋan. Timi aawan aa ba ga bii.

Lituln 27:21 Iomraidhean Croise

Lituln 27:12

Sisibol ŋanl kaa nan be nin kuŋaluŋ n sir wee kufaag a yonn n jo, mambu le che bininfob takpem nan len ke ti pɔɔn ti ba ki foo Fonisi kitiŋ kan be Kereti a tingbɔŋin nin, Fonisi nmɔn jɔɔ tiŋalin kaah sii nan yaan, ni nan too nnɔɔgan nin nnɔɔjiin a wonlul paam le.

Lituln 27:13

Le ntafaam nan fii nnɔɔgan paam limɔgil nmɔn yaan ki daar soon, soon, le bi tiɛr ke bi nyaŋ le nmɔn; le ki choo tikulor tan baag kuŋaluŋ siigin lor, le ki gaa nsan, ki kpag Kereti a mɔgil a gbaam.

Lituln 27:20

Taah nan be ntafaam nmɔn a poolin ki chaa, ni nan jin idaa takpem ke taa kan nween bee iŋmabili, ni che taa ji nan jɔɔ tama ke ti li ŋmari.

Lituln 27:7

Ki chaa soon soon, ti nan yuur nsan wamau, ki tan foo Kenidusi a tiŋin ban. Nfaamin kaa nan che ti nɔɔ taah nan ban nan paamin ni, ni bu che ti ni nan nɔɔ ligungonl lan be Kereti a tiŋ kan be nnyum a sisiigin Salmone a logil paamin le.