Lituln 26:7 - UWONBƆR A GBƆNPƆŊ LIKƆƆNL

⁷ Limɔsiinl nmɔn bu le che tim Juu yaab a bol piig nin ilee nan jɔɔ tidindann ke li na li gbeen, ni ma che bi jiɛn Uwonbɔr nween nin kunyiɛg. Ubɔr aa, tama wan wee n jɔɔ nan bu le che Juu yaab galinim nan.

Uwumbɔr aagbaŋ

⁷ Timi Juu yaab aanibol kipiik ni ŋilee dooni Uwumbɔr nwiin pu ni kinyeek, ki mu kpa limakl ke bi ga kan tipuur ngbaan. Ubɔr Agripa, m mu kpa limakl ngbaan, nima le cha Juu yaab galn mi.

Lituln 26:7 Iomraidhean Croise

Matiu 19:28

Le Yisa bei bi ke, “N bei ni ibamɔn le, n-yonn man wee Uninfosaal a Big nan kal u naangbann bu nin npɔɔn takpen, dulinya pɔŋ n-yaan ke, nim ban ye n bɔɔnɔɔb nan mu na yin kal tinaangbann piig nin tilee bu le, ki li ji Iziral yaab piig nin bilee a bɔr.

Tibɔnyaan ti Luk ŋmee ti na 2:25

Uja uba le nan be Jerusalam, bi nan yi u ke Simiɛn. U nan ye uninfo buchinn le ki sin ŋmag Uwonbɔr a siimin nbamɔm, le Kasi a Naaŋ nan be u bu, ki lig lidaal man wee Uwonbɔr na li fee Iziral yaab ki jaa.

Tibɔnyaan ti Luk ŋmee ti na 22:30

wee ni li fir ji ki nyu n ban n naamin, ki nan kal tinaangbann bu ki ji Iziral yaab a bol piig nin ilee-n tibɔr.”

Lituln 20:31

Ni bu, ni li guu ni ba! Ki li tiɛr ke ibin itaa sɔ le n le kpaan ni biɛn nan nin tinyinyinn, nween nin kunyiɛg.

Lituln 24:15

le n jɔɔ tama uba le nin Uwonbɔr ke baah jɔɔ man nin, ke nkum a fiim na li be ki sei bininfoŋam nin bipootondam.

Lituln 26:2

“Ubɔr Agiripa, ni ye liyul ŋanl le ki seim nin maah si a nintogil dinan ke n pag nbamɔm ki wɔɔniŋ, nin Juu yaab kaah pag ki galinim man biɛn,

Lituln 26:3

diginn, n nyi ke a jɔɔ nbiɛm ki nyi Juu yaab a kaal nin bi mɔkpel kaah ye man. Ni ma bu n baliŋ le a mɔr ki gbir n bɔr nan ki seim.

Lituln 28:20

Mambu le n ke bin che n kan ni ki bei ni tibɔr nmɔn. Iziral yaab biɛn kaah jɔɔ tama wan nin bu le bi lolim tikulor nan.”

Filipi 3:11

ni ye niwann biɛn ke, n na li kan nkum a fiim.

1 Tesalonika 3:10

Nween nin kunyiɛg ti le miɛ Uwonbɔr ki bi ban ti kan ni jigin wee ki ter ni nan par ni yada-n.

1 Timoti 5:5

Lipukɔɔl lan sin ban nterimin wee kaa jɔɔ wan li ter win, u tama be Uwonbɔr ban le, le u miɛ Uwonbɔr ki ban nterim nween nin kunyiɛg.

Jemisi 1:1

Min Jemisi wan ye Uwonbɔr nin Uyudaan Yisa Masiya a yomu-n: N poor Uwonbɔr a ninfob ibol piig nin ilee yan yal be dulinya nan a logi ina nan biɛn nin.