Lituln 26:16 - UWONBƆR A GBƆNPƆŊ LIKƆƆNL

¹⁶ Fii ki sir a taai buu. N degir a bu le ki ganiŋ ke a li ye N toontunnu, ki ye siɛra ki wɔɔn bininfob ŋaah kam man, nin nan wee n la yin kpiir ki wɔɔniŋ.

Uwumbɔr aagbaŋ

¹⁶ Fii sil. M dan aa chee, ke m lee si aan aa tun maatuln, ki ji seeraa, ki tuk binib saah kan mi pu na, ki tuk bi maah ga mɔk si n‑yoonn mu choo na pu na.

Lituln 26:16 Iomraidhean Croise

Tibɔnyaan ti Luk ŋmee ti na 1:2

Binib ban kan tibɔr nan a piinim nin tidiɛmin nan mɔɔn ti le ki wɔɔn tim le ki ye ban tun tibɔr nmɔn a tooi.

Lituln 1:17

U nan ye ti kpiɛg uba le, ki kpiɛ ti bu itoon nan yaan.”

Lituln 1:25

wee un ŋa a toom ki gaa a toon yan wee Judasi ta jiɛn ki sin jon tan be nan yaan kpaan nin win.”

Lituln 20:24

Amaa n tiɛr ki n miɛfol ye yɔli ki seim, amaa nan kpaa le ye n tun itoon yan wee Uyudaan Yisa nan ta seimin ki diɛ, itoon nmɔn le ye n wɔɔn bininfob tibɔŋann nmɔn Uwonbɔr a nyunyunbasanl bu.

Lituln 21:19

Le Pɔɔl poor bi, ki wɔɔn bi Uwonbɔr kaah tun nan ki sei ban kaa ye Juu yaabin u ma Pɔɔl a toon yin.

Lituln 22:10

“Le n baan u ke, ‘Uyudaau n yin ŋa nii?’ “Le Uyudaan beim ke, ‘Fiim paab ba ki li chaa Damasiko. Bi ta li wɔɔniŋ nan biɛn wee Uwonbɔr ke a ŋa.’

Lituln 23:11

Le niwonn ki nan be kunyiɛg, le Uyudaan dan nan sir Pɔɔl ban ki ke, “Che a sufu li pɔɔu, ke ŋaah pii jin siɛra man Jerusalam, man le a yin ji n siɛra Rom mu.”

Lituln 26:15

“Le n baan u ke, ‘Uyudaau, a ye ŋmiɛ?’ “Le Uyudaan jiin ke, ‘Min Yisa le a mugir nmɔn.

Lituln 6:4

wee tim nta ti tɔɔl a saŋi ki ŋa liwonmiɛlin, nin Uwonbɔr a bɔrin a wɔɔnimin.”

Rom Yaab 1:5

U ma nin U yinlin bu, le Uwonbɔr san ti kunyunyunbaag, le ki ŋa ti itoon ke ti yin bininfob ban kaa ye Juu yaabin a booli biɛn ke bi li jɔɔ limɔcheel bi yada kan wee bi jɔɔ-n bu.

Rom Yaab 15:16

ke n ŋa Masiya a toontunnu ki sei ban kaa ye Juu yaabin ki ta Uwonbɔr a bɔŋann nin tun itoon ke uminmanirin, wee Uwonbɔr n gaa ban kaa ye Juu yaabin ke kumanug kan wee Kasi a Naaŋ ŋa ki kasi-n.

2 Korenti 4:1

Naah ye Uwonbɔr a nyunyunbasanl bu le u ta itoon nan ki ŋa ti nɔɔn ni, nibu che naa gbɔɔ ti gbanann ni.

2 Korenti 5:18

Ni niɛ biɛn nyan Uwonbɔr ban le, u ma che ti jir mɔŋ nin U Masiya bu, le ki sei ti jir mɔŋ a toon.

Galantiya 1:12

Maa gaa ti uninfosaal ban ni, naa ye uba mu le ta ti ki wɔɔnimi; amaa, n gaa ti Yisa Masiya wan kpiir ti ki wɔɔnimin ban le.

Galantiya 2:2

Uwonbɔr le nan kpiir wɔɔnim ke n jo, ki tan bei bi tibɔŋann tan wee n ti mɔɔn ban kaa ye Juu yaab ban nin. Amaa n nan yin biwonjiɛn sanliibin a binba le ki wɔɔn bi, nan bu-n, n nan san le kaa ban maah tun nan nin bee nan wee n la yin tun nin n gab yɔli.

Efesusi 3:3

ni ma ye waah nan kpiir tibɔwoonkaar ki wɔɔm, ke maah pii sɔb ti kugbɔŋ nan yaan wama-n.

Kolosiya 1:23

ni ye ni yin gbaa be nin ni yada ke, ki si chib, kaa fɔɔr tama kan wee tibɔŋann nin ŋmagin ke, ti ma ye tibɔŋann tan wee ni gbirin, wee bi mɔɔn ti sei kuwonaaŋ biɛn dulinya nan yaan, tan bu wee min Pɔɔl kpann utoontunn.

Kolosiya 1:25

N nin kpann biwonjiɛm a laguŋin a toontunnu le, litoonl lan wee Uwonbɔr ta seimin, ke n ta U mɔleen yin biɛn ki sei ni,

Kolosiya 1:7

Ni nan tinn Uwonbɔr a nyunyunbasanl nmɔn ti toontunn kpiɛg Epafarasi wan wee ti ban win ban le, wan sir ti taalin ki ye Yisa a toontunnu wan si bogil liba-n,

1 Tesalonika 3:2

Ti tun Timoti wan ye ti toon tun kpiɛg Uwonbɔr a toon n-yaan wee ki mɔɔn Masiya a bɔŋann nle ni ban, ke un nan pɔɔg ni gbanann nin ni yada-n,

1 Timoti 1:12

N poor ti Yudaau Masiya, nin waah seim npɔɔn, ki ŋaam yada daan, ki taam ŋa u toon yin.

1 Timoti 4:6

A ta ni niɛ nan ki wɔɔn a nabum ke, a li ŋa usanliiŋan Masiya a toontumin, ŋaah nɔɔ ibamɔn a yada nin nwɔɔn ŋam man wugiriŋin.

2 Timoti 4:5

Amaa fin ma, li ŋmag a ba n-yonn biɛn, ki li pɔɔn a ba a fala a jimin; ki wɔɔn bininfob tibɔŋann nan, ki li tun litoonl lan wee Uwonbɔr ta seiŋin biɛn na.