Lituln 25:8 - UWONBƆR A GBƆNPƆŊ LIKƆƆNL

⁸ Le Pɔɔl jin uba a siɛra ki ke, “Maa tun niba ki bii Juu yaab a siimi, bee ki bii iwonjiɛn niin ni bee ubɔr Siiza.”

Uwumbɔr aagbaŋ

⁸ Le Pɔɔl bui ke, “Maa bii Juu yaab aakaal, kaa bii Uwumbɔr Aadichal, kaa bii Rom yaab Aabɔrkpaan Siisa.”

Lituln 25:8 Iomraidhean Croise

Lituln 23:1

Le Pɔɔl lig Juu yaab a yudam nmɔn chiir ki nan len ke, “N nabum, maah be ki nan kpaa dinan, n biɛ n sufu ni ke n tun ki gbeen n toon kaah ye man Uwonbɔr ban na.”

Lituln 24:12

Ban galin min kaa kan maah far bininfob limɔkpel iwonjiɛn niin man ni, bee ki fiin bi ŋuui tiwonjiɛndirin ni, bee kitiŋ nmɔn yaan ni.

Lituln 24:14

Amaa, n che ke, n jiɛn Uwonbɔr wan ye ti yaajam a weemin le, ki nɔɔ u siimin, man wee bi ke maa ye ibamɔn nin. N ŋa nan sɔb nsiim a gbɔŋin nin nan sɔb Uwonbɔr a linlem a gbann nin yaan biɛn yadau,

Lituln 24:6

hali u nan ban un bii iwonjiɛn niin nin le. Ni bu le ti choo u.

Lituln 25:10

Le Pɔɔl jiin ke, “N le la si ubɔr Siiza a nintogil le u naakoon, nan yaan ŋan ki kpaan ni ji n bɔr. Maa tun niba ki bii Juu yaabi, ke fin tɔɔl kaah nyi ni nbamɔm man nin.

Lituln 28:17

Ni ween itaa a bɔɔn le Pɔɔl yin Juu yaab a yudam ki lagin tab. Baah lagin tab n-yonn man ni, le Pɔɔl bei bi ke: “N nabum, maa tun niba ki bii ti ninfob bee ti yaajam a kaali, amaa le bi nan choom ki taam ŋa kuloondiigin Jerusalam, le ki nan taam ŋubin Rom yaab a nɔɔn.

Lituln 28:21

Le bi jiin u ke, “Taa kan tigbann nyan Judiya ki pag a bɔri, le ti nabum ban nyan niin nan kaa pag niba ti ban ki bii ŋi.

2 Korenti 1:12

Daandaan nan taah jɔɔ ligbingbanfaal lan sɔ: Ti potiɛl jin ti siɛra ti binbem dulinya nan a ninfobin, nin ni baantɔɔl a sisiigin, ti kasi a binbem nin ibamɔn nin nya Uwonbɔr ban le. Naa ye dulinya nan a lam le che ti tun man ni, amaa ni ye Uwonbɔr a nyunyunbasanl bu le.