Lituln 24:5 - UWONBƆR A GBƆNPƆŊ LIKƆƆNL

⁵ “Ti kan uja nan le n miin u ye kuŋmaruŋ daan le, ki jɔɔ limɔyiil Juu yaab a tingbɔŋ nan yaan biɛn. U ye bikɔnbam a sanliiru le ki be Nazarif yaab a wonjiɛmin,

Uwumbɔr aagbaŋ

⁵ Ti nyi ke Pɔɔl muk binib sakpen. U muk Juu yaab bi bi dulnyaa wee mɔmɔk ni na, ki cha bi ŋmɔ tijar. Binib bibaa bi, ki dii Yesu u ye Nasaref aatiŋ aanii na aasan. Pɔɔl ye bi ponn ni aaninkpel ubaa la.

Lituln 24:5 Iomraidhean Croise

Matiu 10:25

Ni ŋan nin wan tinn a binbem li be ke wan wɔɔnn u a binbemin, le uyom mu li be ke u yudaau kaah be man ni. Ni ye bi nan yin uniindaan Beelizebul ke (nnaanbiim a bɔru) bi nin yin yin u niin yaab ke baa?

Matiu 2:23

Le u nan jon ki tan kal kitiŋ kan wee bi yi ki ke, Nazarif nan. Le ni nan gbeen nan wee bilinlem nan sɔb ki ke, “Bi na li yin u Nazarif a ninfou.”

Tibɔnyaan ti Mak ŋmee ti na 1:24

“Fin Yisa, Nazarif a ninfou nan tim nin fin babu? A dan ke a nan bii ti lee? N nyi ŋaah ye wan, a ye Uwonbɔr a Kasi daan nle.”

Tibɔnyaan ti Luk ŋmee ti na 23:19

(Bi nan ta Barabasi ki jaa kuloondiigin u mɔyiil nin u ninfo kul kitiŋ nmɔn yaan bu le.)

Tibɔnyaan ti Luk ŋmee ti na 23:2

Le bi nan piin ki galin u ke, “Ti kan uja nan le u be bei ti ninfob ke bi laa yɔ lampo ki tenn Siiza, ki ke u ma ye Masiya, ki ye ubɔr.”

Tibɔnyaan ti Luk ŋmee ti na 23:25

Le ki nan nyan uja wan bininfob nan ban nin, wan bi nan ta jaa kuloondiigin u limɔyiil nin uninfo kul nbu-n, ki sin nan jaa Yisa ki sei bi ke bin ŋa u baah ban man.

Tibɔnyaan ti Luk ŋmee ti na 23:5

Amaa le bi le yii ke, “U wɔɔnim nmɔn che Judiya yaab a sufu fii le. U nan piin Galilii le ki nan kpa do.”

Lituln 15:5

Le biwonjiɛm ban nan si Farasii yaab a chaŋin fii sir ki ke, “Ni kpaa le nin ban kaa ye Juu yaabin jii bi pun, ki chee sei Moziz a siimin.”

Lituln 21:28

le ki ji tann ke “Iziral yaab, ni ter ti ni! Uja nan le choon ilog biɛn, ki pag ki bii ti ninfob ki bii ti siim nin iwonjiɛn niin nin paam, nan ji kpiɛ ye ti jɔɔ ban kaa ye Juu yaabin chaan tiwonjiɛn niin nan yaan, ki bii ti kasi a niin nmɔn.”

Lituln 22:22

Kuninfogbaluŋin le maan biba ki pel waah pag man nin nmɔn, nin waah nan nan len ni niɛ. Le bi don bi likukɔl ki tann papaab ke, “Uja nan kaa ŋan nin u li be kutingbɔŋ nan yaan ni. Ni ku mu man.”

Lituln 24:14

Amaa, n che ke, n jiɛn Uwonbɔr wan ye ti yaajam a weemin le, ki nɔɔ u siimin, man wee bi ke maa ye ibamɔn nin. N ŋa nan sɔb nsiim a gbɔŋin nin nan sɔb Uwonbɔr a linlem a gbann nin yaan biɛn yadau,

Lituln 24:4

Amaa maa ban n bii a saŋiyi, n baliŋ le ke a mɔr ki gbir ti bɔr nan wamau.

Lituln 25:7

Pɔɔl kaah foon n-yonn man nin, le Juu yaab ban nan nyan Jerusalam nan fii sir ki gɔɔn u, ki pag galin Pɔɔl tibɔr tan wee baa li fir ji ti siɛra.

Lituln 26:5

Bi nyim ke ni fɔg ki bi li fir ji n siɛra, ni ye bi ban ke, bi li fir wɔɔniŋ ke n nan ŋmag Farasii yaab a siim man pɔɔn le ki jɔɔ Farasii yaab a binbem.

Lituln 28:22

Amaa ti ban ti biɛ a potiɛl le, ti pii nyi ke nwonjiɛn san man wee a nɔɔ nan, bininfob takpem li pag ki bii mi iyag biɛn.”

Lituln 5:17

Le biminmanib a yudaau nin u tab biɛn ban ye Sadusi yaab nan jɔɔ lipiiponl nin itoon nin.

Lituln 6:13

Le bi ji ŋmag bininfob biba ni, ki ke bin por tibɔkar ke, “Iyoo biɛn uja nan le choon le ki pag ki bii iwonjiɛn niin nin Moziz a siimin.

1 Korenti 11:19

Naa jɔɔ nbiɛnimi, ni ye ni li jɔɔ nbɔgirim le ni sisiigin wee nin wɔɔn ban ye bibamɔndamin kaah ye ban ni sisiigin.

1 Korenti 4:13

Ni ye bi jɔɔ ti kutingbiig ke ti jiin tibɔŋann le. Ki nan kpaa daandaan nan ti nann tiwanchɔgin le dulinya nan yaan, ki ji nan dulinya nan a fatanpol a mɔɔr.

1 Piita 2:19

Nan bu-n, ni ye usaal kan nan kpaan a nan wi wee ki sin jɔɔ limɔril waah tiɛr Uwonbɔr bu-n ke, u li kan npagim Uwonbɔr ban.