Lituln 23:6 - UWONBƆR A GBƆNPƆŊ LIKƆƆNL

⁶ Pɔɔl kaah biɛ ke Juu yaab a yudam nmɔn biba ye Sadusim yaab, wee biba mu ye Farasiimin, le u pag npɔɔn ke, “N nabum, n ye Farasii a ninfou le, le ki ye Farasii a big. Le baah jim tibɔr tan bu ye maah jɔɔ tama ke bitakpiib naah li fii nkumin nin bu.”

Uwumbɔr aagbaŋ

⁶ Tɔ, Pɔɔl nan bee ke bi ponn ni bibaa ye binib bi dii Sajusii yaab aamɔkm na, bibaa mu ye binib bi dii Farisii yaab aamɔkm na. Le u teen ke, “Nnaabitiib, m ye unii u dii Farisii yaab aamɔkm na la. Nte mu nan ye unii u dii Farisii yaab aamɔkm na la. M kpa limakl ke binib bi kpo na ga fikr nkun ni. Limakl ngbaan pu, le bi ji mi tibɔr.”

Lituln 23:6 Iomraidhean Croise

Matiu 10:16

“Ni lig man, n tun ni le, ni yin be le ke ipee kaah be igbingbel a sisiigin man ni. Ni ma bu ni che ni num li ween ke iwaa-n, amaa wee ki li be soon ke ilanjelin.

Matiu 22:23

Lidaal nmɔn le Sadusi yaab, ban ke bitakpiib kaa fii nkumin ni, biba nan dan Yisa ban ki nan baan ke,

Matiu 3:7

Amaa waah nan nan kan Farasii yaab nin Sadusi yaab takpem mu chaan u ban ke un fu bi Uwonbɔr a nyunful nan, le u bei bi ke, “Nim iwaalab a buwaab nan! Ŋma kpaan ni ke ni guun ki nya Uwonbɔr a ŋuufiiŋ kan yin dan ni bu nan naa?

Lituln 22:3

“N ye Juu a ninfou le, bi mam Tarsusi kan be Silisiya a tingbɔŋin nin le, amaa n nan ŋa uninfo Jerusalam nan le. Gamaliɛl le nan wɔɔnim. U nan wɔɔnim ti yaajam a siim le chib chib, le n nɔɔ Uwonbɔr nin linunmanl, ke ni biɛn nan kaah nɔɔ U dinan man nan.

Lituln 22:30

Naah nan won kutaag wee bitɔtogib a yudaau nmɔn nan ban un biɛ igalin yan wee Juu yaab pag ki jiin Pɔɔl paam nan a bamɔn chib chibin, le ni nan won kutaag, le u che bi lor u, le ki sin sei bimɔb ke, kumanug a ninkpeeb nin Juu yaab a yudamin biɛn lagin ni, le ki che Pɔɔl dan ki nan sir bi nintogil.

Lituln 22:5

a li ke kumanug a yudaau nin ti sanliib biɛn kaah li fir ŋa maah pag tan nan biɛn a siɛradam ke ni sin ye ibamɔn le-n. Hali gbaa n nan tan gaa tigbann bi ban ki ta tan sei bi nabum ban be Damasiko nan, ke n tan choo ban be niin ki nɔɔ Yisa nan, ki ta bi jirin Jerusalam ki nan ŋa bi kuloondiigin wee bin dar bi tuli.

Lituln 23:1

Le Pɔɔl lig Juu yaab a yudam nmɔn chiir ki nan len ke, “N nabum, maah be ki nan kpaa dinan, n biɛ n sufu ni ke n tun ki gbeen n toon kaah ye man Uwonbɔr ban na.”

Lituln 23:15

Daandaan nan ti ban nim le n sir Juu yaab a yudam a taalin ki tun u ba wee un jo bitɔtogib a yudaau n ban, ki tan bei u ke un ta Pɔɔl dan ni ban, ke ni ban ni baan u le ki mann biɛ u bɔr nmɔn nbamɔm. Amaa ti li ku u ke waa la foon do.”

Lituln 23:20

Le u ke: “Juu yaab le kpaag bimɔb ki ban a won nyan Pɔɔl ki che bin ta u ki dan Juu yaab a yudam ban, ke bi ban bin mann ki baan u le ki biɛ u bɔr a sam nbamɔm.

Lituln 23:7

Waah pag man nmɔn le limɔkpel dan Sadusi yaab nin Farasii yaabin a sisiigin, le bi laguŋ nmɔn bɔgir.

Lituln 24:15

le n jɔɔ tama uba le nin Uwonbɔr ke baah jɔɔ man nin, ke nkum a fiim na li be ki sei bininfoŋam nin bipootondam.

Lituln 24:21

See limɔbonl liba lan wee n nan tiɛn ki pag bi sisiigin ke, “Bitakpiib na li fii nkumin nin bu le n si a nintogil dinan nan.”

Lituln 28:20

Mambu le n ke bin che n kan ni ki bei ni tibɔr nmɔn. Iziral yaab biɛn kaah jɔɔ tama wan nin bu le bi lolim tikulor nan.”

Filipi 3:5

Baah nan mam a ween iniin daal le bi nan jii n punl, n ye Iziral a ninfou le, ki nyan Bɛnjamɛnn a bolin, ki ye Hiiburu a ninfou tob tob; ki jiin nsiim mu paam ke, n ye Farasii le;

Kolosiya 1:5

yada nin njiɛm man bun ki nya tama kan dɔ papaab ki guu ni, wee ni pii gbir ibamɔn a mɔleen yan ye tibɔŋann nin,

Hiibru Yaab 6:19

Tama kan wee ti jɔɔ nmɔn li ŋmag ti sufu le ki baa kenken. Tama nmɔn le jon lagir likinkenl lan gɔɔn nin bu, ki kɔɔ kasi a diig n-yaan ke uninfosaalin,