Lituln 23:1 - UWONBƆR A GBƆNPƆŊ LIKƆƆNL

¹ Le Pɔɔl lig Juu yaab a yudam nmɔn chiir ki nan len ke, “N nabum, maah be ki nan kpaa dinan, n biɛ n sufu ni ke n tun ki gbeen n toon kaah ye man Uwonbɔr ban na.”

Uwumbɔr aagbaŋ

¹ Le Pɔɔl lik bi, ki len ke, “Nnaabitiib, m bee nsui ni ke maabimbin le ŋan Uwumbɔr chee ki nan saa din.”

Lituln 23:1 Iomraidhean Croise

Matiu 5:22

Amaa N bei ni le ke uninfo wan fiin u ŋuul u nabig bu ke u li kan litudaril tibɔr a ji daal. Le wan mu ji sug u nabig ke, ‘wan yɔli nan’ ke, ni ye bin ta u ki jo Juu yaab a yudam a laguŋ ban le. Bee wan mu ji sug u nabig ke, ‘kujɔrug nan!’ Ke, u na li be nŋmi man kaa jɔɔ ndiɛmin a daŋin.

Lituln 22:1

“N nabum nin n baam, ni gbirim n siɛra nan.”

Lituln 22:30

Naah nan won kutaag wee bitɔtogib a yudaau nmɔn nan ban un biɛ igalin yan wee Juu yaab pag ki jiin Pɔɔl paam nan a bamɔn chib chibin, le ni nan won kutaag, le u che bi lor u, le ki sin sei bimɔb ke, kumanug a ninkpeeb nin Juu yaab a yudamin biɛn lagin ni, le ki che Pɔɔl dan ki nan sir bi nintogil.

Lituln 22:5

a li ke kumanug a yudaau nin ti sanliib biɛn kaah li fir ŋa maah pag tan nan biɛn a siɛradam ke ni sin ye ibamɔn le-n. Hali gbaa n nan tan gaa tigbann bi ban ki ta tan sei bi nabum ban be Damasiko nan, ke n tan choo ban be niin ki nɔɔ Yisa nan, ki ta bi jirin Jerusalam ki nan ŋa bi kuloondiigin wee bin dar bi tuli.

Lituln 23:15

Daandaan nan ti ban nim le n sir Juu yaab a yudam a taalin ki tun u ba wee un jo bitɔtogib a yudaau n ban, ki tan bei u ke un ta Pɔɔl dan ni ban, ke ni ban ni baan u le ki mann biɛ u bɔr nmɔn nbamɔm. Amaa ti li ku u ke waa la foon do.”

Lituln 23:20

Le u ke: “Juu yaab le kpaag bimɔb ki ban a won nyan Pɔɔl ki che bin ta u ki dan Juu yaab a yudam ban, ke bi ban bin mann ki baan u le ki biɛ u bɔr a sam nbamɔm.

Lituln 23:28

N nan ban n biɛ nan bu wee bi choo u le, mambu le n nan ta u ki jon bi ma Juu yaa a yudam ban.

Lituln 23:6

Pɔɔl kaah biɛ ke Juu yaab a yudam nmɔn biba ye Sadusim yaab, wee biba mu ye Farasiimin, le u pag npɔɔn ke, “N nabum, n ye Farasii a ninfou le, le ki ye Farasii a big. Le baah jim tibɔr tan bu ye maah jɔɔ tama ke bitakpiib naah li fii nkumin nin bu.”

Lituln 24:16

Mambu, n pɔɔn n baa le iyoo biɛn ke n tun nan kpaan, wee n sufu li be nbamɔm nin Uwonbɔr nin uninfosaal ban.

Lituln 6:15

Le ban nan lagin ka Juu yaab a yudam a laguŋ nmɔn yaan biɛn nan ta bi numbili ki kpaa Sitifin, ki nan kan u num paam kaah nann Malaka a num.

1 Korenti 4:4

Maa tiɛr n galin yi, amaa naa wɔɔn ke maa tun tibiri, Uyudaan le ji n bɔr.

2 Korenti 1:12

Daandaan nan taah jɔɔ ligbingbanfaal lan sɔ: Ti potiɛl jin ti siɛra ti binbem dulinya nan a ninfobin, nin ni baantɔɔl a sisiigin, ti kasi a binbem nin ibamɔn nin nya Uwonbɔr ban le. Naa ye dulinya nan a lam le che ti tun man ni, amaa ni ye Uwonbɔr a nyunyunbasanl bu le.

2 Korenti 4:2

Amaa ti yii tibɔwoonkaar nin ifa a tooi le, taa lar uba, bee ki bii Uwonbɔr a bɔri. Amaa ibamɔn a wɔɔm a poolin le ti ta tiba ki wɔɔn uninfo biɛn a potiɛl kaah wɔɔn u ke un nɔɔ man wee nin gbee Uwonbɔr a num.

2 Timoti 1:3

N poor Uwonbɔr wan wee n jiɛn u nan, ke n yaajam kaah nan ŋaan man nin, nin lipotiɛŋanl, n wonmiɛlin n tiɛr nibu n sufu ni, nween nin kunyiɛg.

Hiibru Yaab 13:18

Ni li miɛ Uwonbɔr ki tenn ta. Ti nyi ke ti jɔɔ potiɛri yan ween le ti ban ti li be jilima a binbemin niwann biɛn nin.

1 Piita 3:16

ki che ni potiɛl li ŋan na, wee ban pag bii ni nin kininaŋ ni binbenŋam Masiya ni-n nji ifa bi tingbiig nmɔn bu.