Lituln 21:8 - UWONBƆR A GBƆNPƆŊ LIKƆƆNL

⁸ Le ni won kutaag le ti nyan Tolemasi, ki foo Sizariya, ki jon Filib wan ye umɔleenmɔɔn a niin ki tan be. U nan ye bijab bilile ban wee bi nan gann bi ke bi li tol tijiir n-yaa ni u ba le.

Uwumbɔr aagbaŋ

⁸ Naah woln kitaak na, le ti nyan kitiŋ ngbaan ni, ki ti fuu Siisarea aatiŋ ni. Taah ti fuu nima na, ti nan buen Filip do, ki ti koo udo. U nan ye unii u tuk binib Yesu aabɔnyaan na la. Baah nan nyan bijab bilole bi Jerusalem ponn ni, ke bi li yakr tijikaar tii Yesu aanib na, u nan ye bijab bilole ngbaan ponn ni ubaa.

Lituln 21:8 Iomraidhean Croise

Lituln 10:1

Uja uba le nan be Sizariya, le u yinl ye Kɔnelu. U nan ye Rom yaab a tɔtogib a sanliiru le, ki ŋmag bitɔtogib kobig, ki be Itali a tɔtogib a paabimin.

Lituln 16:10

Pɔɔl kaah kan zii nmɔn a bɔɔn, le ti ŋa sili weem ke ti jo Masedoniya, nan bu-n ti nan biɛ ke Uwonbɔr le ke ti jo nin yaan ki tan mɔɔn tibɔŋann nin ki sei nin yaan a ninfob.

Lituln 16:13

Likpakɔɔl daal le ti nɔɔ nyan kitiŋ nmɔn a timansanmɔnn ki jon nkpenn, ti nan ban nan yaan wee ti li miɛ Uwonbɔr le. Le ti kal ki piin ki pag tenn bipiib ban nan lagin niin nmɔn.

Lituln 16:16

Weemba le ti nan chaa baah miɛ Uwonbɔr nan yaan nin, taah nan chaa-n, le kibisiɛg ki ba to ti nsan, u nan ye uyom le. Le kinaaŋ be u bu le ki ŋa u uninligir. Waah nan ye uninligir nbu, u nan ga ilig takpem ki tenn u dam.

Lituln 18:22

Waah tan foo Sizariya n-yonn man nin, le u don tan poor biwonjiɛm a laguŋ, le ki ji jiir Antiɛg.

Lituln 20:13

Le ti chinn jon ki tan kɔɔ kuŋaluŋ, ki jon Asosi. Nin yaan le ti nan tan yin yuur Pɔɔl, u nan ŋa man a sili le, nan bu-n, u nan ban un choon tum le ki foo niin.

Lituln 20:6

Amaa Kuchiig kan wee bi ti ŋma boroboro kan kaa jɔɔ nnyɔg nni a bɔɔn bu le ti kɔɔ kuŋaluŋ, ki nyan Filipi ki chaa Tirosi. Ni ween iŋmu daal le ti foo bi ban Tirosi, ki paar be niin ki tan kpaa iweehn ilile.

Lituln 21:16

Le biwonjiɛm ban nyan Sizariya a ni biba chiɛn ti jon Minason a niin nan yaan wee ti nan tan yin be. Minason nmɔn mu pii nan ye Yisa a bɔɔnɔɔru le, u nan ye Saipuru a ninfou le ki ye chinchinn a wonjiɛmin a ni uba.

Lituln 23:23

Le bitɔtogib a yudaau win yin u sanliib bilee ki bei bi ke, “Ni ta bitɔtogib kobilee nin bitanjigib pilile, ki ta bikpantɔgib mu kobilee, ki ŋa sili ki jo Sizariya. Ni nya tikur tiwiɛ a yonn dinan a nyiɛg nan ki jo.

Lituln 27:1

Baah nan nan bei ke ti kɔɔ kuŋaluŋ ki jo Itali nan, le bi nan ta Pɔɔl ki kpiɛ biloondiikɔɔb biba bu ki sei bitɔtogib a sanliiru wan a yinl ye Juliɛsi nan, wee u be bibɔrtiib a yudaau a paabim n yaan nin.

Lituln 28:11

Ti nan be Malita iŋmal itaa le, ni bɔɔn bu le ti kɔɔ kuŋaluŋ kan nan be niin tiwar nin kufaag a yonn nin, kuŋaluŋ nmɔn nan nyan kitiŋ kan wee bi yi ki ke, Alɛgzandira nle, bi nan yi kuŋaluŋ nmɔn ke, “Tijaann a weem.” Ti nan kɔɔ kuŋaluŋ nmɔn le ki jon.

Lituln 28:16

Taah foo Rom n-yonn man nin, le bi jaa Pɔɔl le u be iniin le utɔtogir guu u.

Lituln 6:5

Ni nan gbee bininfobin biɛn a numa, le bi gann Sitifin, wan gbee nin Kasi a Naaŋ ki jɔɔ yada nan, nin Filib, Pirokorusi, nin Nikanor, nin Timonn, nin Pamenasi, nin Nikolasi, wan nan nyan Antiɛg wee ki kpenn u wonjiɛnl ki nɔɔ Juu yaab a wonjiɛnlin.

Lituln 9:30

N-yonn man wee n nabumin nan nan biɛ man ni, le bi ta Sɔɔl jon Sizariya a tiŋin, le ki che u kun Tarsusi.

Efesusi 4:11

Uma nan ta ipiin ki sei bininfosaalib, u gann biba le ki ŋa bi u tooi, le biba mu ye bilinlem, le biba mu ye bimɔleenmɔɔnib, le biba mu ye ban ŋmag biwonjiɛm a laguŋ nin ban wɔɔnn,

2 Timoti 4:5

Amaa fin ma, li ŋmag a ba n-yonn biɛn, ki li pɔɔn a ba a fala a jimin; ki wɔɔn bininfob tibɔŋann nan, ki li tun litoonl lan wee Uwonbɔr ta seiŋin biɛn na.