Lituln 21:3 - UWONBƆR A GBƆNPƆŊ LIKƆƆNL

³ Taah nan tan ga Saipuru n-yonn man ni, le ti nɔɔ nnɔɔganpaam ki jon Siriya. Le ki tan foo Taya nan yaan wee bi nan tan yin nyan kuŋaluŋin a wan yɔɔr.

Uwumbɔr aagbaŋ

³ Taah cha na, le ti jer lidikl libaa bi yin li ke Saiprus, li bi ŋŋangan wɔb na, le ki ti fuu Taya, kitiŋ ki bi Siria aatiŋ ni na. Taah ti fuu nima na, le bi ban bi bi nima ni yunn siib, bi ti nyan ŋitun.

Lituln 21:3 Iomraidhean Croise

Matiu 11:21

“Woo Korazin yaab; woo Befisada yaab, ni ye ligaril a toon gbingbemi nan, nan bi tun Taya nin Sidonn a timin, ke naah nan tun man ni timin nan ke, naah bi nan bi jiɛn bi toonbir weem, ki pug bi ba nfatama.

Matiu 4:24

Le u yinl nan mɔɔn Siriya a tiŋin. Le bi nan ŋmagin bibaarib a booli biɛn, ki dan u ban: Tigbanann wiɛn, ban gbee nin nnaanbiim, ban nan lur likpikpiil, nin tigbanann kpiindam, le u teb bi biɛn.

Tibɔnyaan ti Luk ŋmee ti na 10:13

“Woo, Korazin yaab! Woo, Befisada yaab! Nan bu-n ni ye ligaril a toon biɛn nan nan bi tun Taya nin Sidonn yaab a sisiigin ke naah tun ni sisiigin man nan ke, bi bi li jiɛn bi toonbir weem, ki yee npoobiin a wan yɔɔr, ki pug bi gbanann nfatam, wee ni wɔɔn ke bi jiɛn bi toonbira.

Tibɔnyaan ti Luk ŋmee ti na 2:2

(Ni ma nan ye chinchinn a ninfokanl, n-yonn man wee Kiriniu nan ŋmag Siriya a tiŋ a ninkpelu win.)

Lituln 11:19

Yisa a bɔɔnɔɔb ban nan kan limugil Sitifin a kum a yonn nin, bi nan worin le ki jon ntim man fɔg, ki tan kpaa Fonisiya, nin Saipuru, nin Antiɛg ki jɔɔ Yisa a bɔr ki mɔɔn tenn Juu yaab a binba.

Lituln 12:20

Herɔd nan kɔnn Taya nin Sidom yaab le; le bi lagin tab ki ban nsan bin tan kan u. Baah nan kan nsan nmɔn Basitusi wan ye ubɔr Herɔd a toontunn wan wee u nan ŋau yada nban nin, le bi faa u tisandann, nan bu-n bi jiir nan nya ubɔr n yaa tiŋin le.

Lituln 13:4

N-yonn nmɔn le Kasi a Naaŋ nan ta bininfob bilee nmɔn ki nyan nsan bu, le ki che bi jon Selesiya ki tan kɔɔ kuŋaluŋ niin ki jon Saipuru.

Lituln 15:23

Le bi nan sɔb kugbɔŋ nan ki tun bi: Yisa a tooi nin biwonjiɛm a sanliib nin ban ye ni nabum le sɔb kugbɔŋ nan, Ki tenn nim yadadam ban kaa ye Juu yaab wee ki be Antiɛg nin Siriya nin Silisiya: Ti poor ni.

Lituln 15:39

Bi mɔkpel nmɔn kaah nan pɔɔn bu le nan che Pɔɔl nin Banabasi yiɛr tab. Le Banabasi ta Jɔnn Mag, le bi kɔɔ kuŋaluŋ ki jon Saipuru.

Lituln 15:41

Le u nɔɔ Siriya nin Silisiya a timin ki pɔɔgir biwonjiɛm a laginn a gbanann.

Lituln 18:18

Pɔɔl nan be Korenti a tiŋin iyoo takpem. Le ki nan chabir biwonjiɛmin ki kɔɔ kuŋaluŋ ki jon Siriya. Le Pirisila nin Akula chiɛn u. Waah kaa la nan kɔɔ kuŋaluŋin nin, le u koo u yul Senkariɛ a tiŋin nan bu-n waah poo tipoor tan nin bu.

Lituln 21:16

Le biwonjiɛm ban nyan Sizariya a ni biba chiɛn ti jon Minason a niin nan yaan wee ti nan tan yin be. Minason nmɔn mu pii nan ye Yisa a bɔɔnɔɔru le, u nan ye Saipuru a ninfou le ki ye chinchinn a wonjiɛmin a ni uba.

Lituln 21:2

Niin le ti kan kuŋaluŋ kan chaa Fonisiya, le ti kɔɔ kuŋaluŋin ki chaa.

Lituln 21:7

Le ti nyan Taya ki foo Tolemasi, ki jon tan poor biwonjiɛmin, le ki paar bi ban weemba.

Lituln 27:4

Le ti nyan nin yaan ki chaa, le nfaam daar ki too ti, mambu le che ti nan nɔɔ Saipuru ligungonl lan be nnyum a sisiigin liwonpɔɔnl paam ki jon.

Lituln 4:36

Uja uba nan be niin le u yinl ye Josef, u nan ye Liifai yaab a bol a ninfou le, wan wee bi ma u Saipuru a tiŋin nan, itoon nin yi u ke Banabasi (ni taai ye pɔɔninba daan a bija),