Lituln 21:27 - UWONBƆR A GBƆNPƆŊ LIKƆƆNL

²⁷ Iweehn ilile nmɔn kaah nan nan mal ndiɛmin, le Juu yaab ban nyan Asiya ki dan nin kan Pɔɔl iwonjiɛn niin. Le ki fiin kuninfogbaluŋin a ŋuui Pɔɔl bu le ki choo u,

Uwumbɔr aagbaŋ

²⁷ Tɔ, iwiin ilole ngbaan aa nan kee fuu, le Juu yaab bibaa, bi nyan ni Asia aatim ni na, kan Pɔɔl Uwumbɔr Aadichal ni. Le bi cha kinipaak ŋma tijar Pɔɔl pu, ki chuu u mpɔɔn, ki tar ke,

Lituln 21:27 Iomraidhean Croise

Tibɔnyaan ti Luk ŋmee ti na 21:12

“Amaa ni nan biɛn nan yin ŋa ke, bi li choo ni ki mugir ni. Bi na li ta ni ki jo tiwonjiɛndirin nin tiloondirin, le ki ji li ta ni jo bibɔryudam nin kitiŋ a yudam ban, ki ji ni tibɔr n yinl bu.

Lituln 13:50

Amaa le Juu yaab fiin bipiib ban ye biwonsam ki ye biyudam nin kitiŋ nmɔn a yudam. Le bi mugir Pɔɔl nin Banabasi ki ŋɔɔr bi ki nyan bi tiŋin.

Lituln 14:19

Le Juu yaab biba nyan Antiɛg kan be Pisidiya a tiŋin, nin Ikoniɛm a tiŋin, ki dan ki nan pag ki sei kuninfogbaluŋin ki bii Pɔɔl nin Banabasi. Le bi gabir Pɔɔl itangbag ki fuul u nyan kitiŋ nmɔn a gbaam, ki tan gab ki nyi ke u kpo le.

Lituln 14:2

Amaa Juu yaab ban kaa nan chee ŋa yada-n nan bii ban kaa nan ye Juu yaabin a sufu le. Le bi ŋuui fii biwonjiɛmin bu.

Lituln 14:5

Le Juu yaab nin ban kaa ye Juu yaabin, nin bi tiŋ nmɔn a yudam lagin tab, ki lol ke bin jin itoon nin fala ki gabir bi itangbag.

Lituln 16:6

Kasi a Naaŋ kaah kaa nan chee ke bin mɔɔn tibɔrin nmɔn Asiya a yerin nin ni, le Pɔɔl nin u ninɔɔtabin nan nɔɔ Ferijiya nin Galantiya a tingbɔŋin.

Lituln 17:13

Juu yaab ban be Tesalonika nan kaah gbir ke Pɔɔl be mɔɔn Uwonbɔr a bɔr le Beriya a tiŋin nin, le bi tɔɔl jon niin ki tan pag ki bii Pɔɔl, ki fiin kuninfogbaluŋin a ŋuui, ke bin ŋɔɔr wa.

Lituln 18:12

N-yonn man wee Galio nan ye Akaya a tingbɔŋ a bɔr yudaau win, le Juu yaab nan lagin tab ki tan leg Pɔɔl, ki ta u jon bibɔjib ban.

Lituln 2:9

Ti ni biba nyan Patiya, nin Medisi nin Elam; nin Mesopotamiya, nin Judiya, nin Kapadosiya, nin Pontusi nin Asiya,

Lituln 20:19

N tun Uwonbɔr a toon le nin jiininba takpem nin tinyinyinn, nin nima biɛn ni n kan limagil takpem Juu yaab ban na.

Lituln 24:11

A li fir ki feen ki biɛ ke naah laa jon iweehn piig nin ilee le n nan jon Jerusalam ke n tan jiɛn Uwonbɔr.

Lituln 24:18

Bi nan nan kam ki miin n nan mann nba le ki be kasi iwonjiɛn niin ki mann kumanug nmɔn. Iyaayoo nmɔn bininfob takpem kaa nan be niin ni, le tifur mu kaa nan be.

Lituln 26:21

Ni ma bu le Juu yaab choom, iwonjiɛn niin a poolin ki ban bin kum.

Lituln 4:3

Le bi nan choo bi, naah nan ye kujɔɔg n bu le bi nan kɔɔn bi kuloondiigin ke ni wonn wee.

Lituln 5:18

Le bi choo itoon nin ki kɔɔn bi kuloondiig kan bi loog bininfob biɛn.

Lituln 6:12

Baah len man n-yonn man nin, le bininfobin, nin bininkpeebin, nin ban wɔɔnn Uwonbɔr a siimin a ŋuui fii, le bi fii ki choo Sitifin, ki ta u jon Juu yaab a yudamin ban.

Lituln 6:9

Le bininfob biba nan fii ki yii Sitifin a bɔr, bi nan ye ‘Yemba’ le ki nyan ban nan kan nŋmarim ki be Juu yaab a wonjiɛn bolin (ke baah yi bi man ni) bi nan nyan Sarene nin Alɛgzandira nin Silisiya, nin Asiya le. Le bi biɛn nan piin ki far limɔkpel nin Sitifin.

2 Korenti 11:26

N sanchonl a poolin, n nan ti ga kininbɔŋ ikpen ni, ki ji ga kininbɔŋ bininfob ban feen ban, nin n tɔɔl a tiŋ a ninfob ban, nin ban kaa ye Juu yaab ban, ki ji ga kininbɔŋ ntintakpemin, nin itindoo-n nin imɔgin nin n nabum ban choon ki larin ban.

1 Tesalonika 2:16

ki gbaar ban baah li ŋa man wee ti laa pag sei ban kaa ye Juu yaabin wee bin kan nŋmarimi. Man nmɔn le che bi bir lagin ki nan kpaa man. Le Uwonbɔr a ŋuul fii bi bu le u dar bi tul ni joorimin.