Lituln 20:32 - UWONBƆR A GBƆNPƆŊ LIKƆƆNL

³² “Daandaan nan, n jɔɔ ni ki ŋubin Uwonbɔr a nɔɔn nin U nyunyunbasanl a mɔleen yin bu, U bɔr nmɔn le li fir che ni nɔɔ nbamɔm, ki li fir sei nim ban biɛn wee u ŋa ni u kasi a ninfobin lifaal.

Uwumbɔr aagbaŋ

³² “Nnaabitiib, m di nimi ŋa Uwumbɔr aaŋaal ni, ke u li lik nimi. M tuk nimi waaliin i mɔk timi waah gee timi pu na. Waaliin ngbaan ga ter nimi, ke ni dii waasan mbamɔm. U ga di lifaal tii nimi, ni binib bimɔk bi chain na.

Lituln 20:32 Iomraidhean Croise

Tibɔnyaan ti Mak ŋmee ti na 10:17

Yisa kaah nan nyan ni yaan ki chaa nmɔn, le uja uba guun kenn u ki gbaan u nintogil, le ki baan u ke, “Wan wɔɔn ŋan, n yin ŋa nii wee ki nan kan limiɛfol lan kaa jɔɔ ndiɛm aa?”

Jɔnn 15:3

Nim pii be le chasi, nan bu-n maah nan bei ni imɔbon yan nin bu.

Jɔnn 17:17

Ŋa bi kasi ibamɔn nin buu; A mɔleen yin ye ibamɔn le.

Lituln 11:23

Waah nan tan foo niin ki kan Uwonbɔr kaah sei bi literil man nin, le ni mɔŋ u, le u kɔɔn bi biɛn lipoobil, ki bei bi ke bi li nɔɔ Uyudaan nin bi sufu biɛn nin ibamɔn.

Lituln 14:23

Le Pɔɔl nin Banabasi nan gann biwonjiɛm a laguŋ ni biba le ki ŋa bi bisanliib tiwonjiɛndir biɛn nin, le ki lol bimɔb ki miɛ Uwonbɔr, ki ta bi ŋa Uyudaan wan wee bi gaa u jin nan a nɔɔn.

Lituln 14:26

Le bi nyan Ataliɛn ki kɔɔ kuŋaluŋ ki jir Antiɛg, nin yaan le bi nan ta bi ŋa Uwonbɔr a nyunyunbasanlin, nin baah tun itoon ki diɛ nbu.

Lituln 14:3

Pɔɔl nin Banabasi nan be niin ki yuura, ki jɔɔ lipoobil ki pag Uyudaan a bɔr ki tenn bininfob, le Uyudaan nmɔn sei bi npɔɔn le bi pag u nyunyunbasanl a bɔr, ki tun ligaril a siɛra nin lijinjeel a toon.

Lituln 15:40

Amaa le Pɔɔl mu gann Silasi. Le biwonjiɛmin ta bi ki ŋa Uwonbɔr a nyunyunbasanlin le bi jon.

Lituln 20:24

Amaa n tiɛr ki n miɛfol ye yɔli ki seim, amaa nan kpaa le ye n tun itoon yan wee Uyudaan Yisa nan ta seimin ki diɛ, itoon nmɔn le ye n wɔɔn bininfob tibɔŋann nmɔn Uwonbɔr a nyunyunbasanl bu.

Lituln 26:18

a tan ligir bi num ki nyan bi libunbɔnlin ki kpenn bi ŋa nwonween ni na, ki nyan bi Sintani a pɔɔmin ki sei bi Uwonbɔr a pɔɔm, wee bin kan tibir a jiɛn per, nin npaan n ban wee Uwonbɔr n ta bi ŋa U yaab ban be kasi-n a sisiigin baah ŋaam yada n bu.’

Lituln 9:31

Judiya nin Galilii nin Samariya a wonjiɛm a laguŋ kan nposɔɔn n-yonn nmɔn. Kasi a Naaŋ a teril bu le bi kan ngbanann pɔɔn, le bi kanl kpiɛ, le ki be ki san Uyudaan.

Rom Yaab 8:17

Daandaan nan ni ye ti sin ye Uwonbɔr a buwaab ke, man ke ti ye U faajib le, tim nin Masiya le lagin ki ye Uwonbɔr a faajib, ni ye tim nin Masiya lagin ki jin U fala-n ke tim nin U ma ji na yin lagin kan U pag.

1 Korenti 1:2

le sɔb ki poor nim biwonjiɛm a laginn ban be Korenti a tiŋin, nin ban wee Uwonbɔr ŋa bi u yaab Masiya bu-n, le u yin bi ki ŋa bi kasi nin ban biɛn be nan yaan biɛn ki yi ti Yudaau Yisa Masiya a yinl ke bi yudaau nin ti mu a yudaau win.

1 Korenti 6:10

bee binaayigib, bee kujaŋuuŋ, bee bidanyub bee bitingbiib, bee ban ji tab dulim bi niɛ nan biɛn kaa na yin kɔɔ Uwonbɔr a naamin ni.

1 Korenti 6:11

Nim bibam nan ye man le. Amaa le Uwonbɔr ŋunn ni bir, ki ŋa ni kasi, ki ke ni bɔr ŋan Uyudaan Yisa Masiya a yinlin nin Uwonbɔr a Kasi a Naaŋin bu.

1 Korenti 6:9

Naa nyi ke bipootondam kaa na li kɔɔ Uwonbɔr a naamin naa? Ni laa lar niba: Bininfob ban tun iwanchɔgin toon lipiibanl bee lijabanl bee bibawomanib, bee iwanchɔgin toon bee bijab ban chon tun iwanjaab toon bee bijab ban taar bijatab ki kpann bipiibin,

Efesusi 1:14

Kasi a naaŋ nmɔn li ye lifaal nmɔn a siɛra hali nin n-yonn man wee ti na li kan nkpenim a manug tim ban ye U ninfobin, tim li pagir U ki tenn U kupag.

Efesusi 1:18

N ji miɛ Uwonbɔr le ke Un ligir ni sufu wee ni biɛ tama kan bu wee U yin ni-n, ki ji biɛ U jilima takpenl a faal lan wee U nan siin limɔsiinl ki sei U ninfogannkaabin,

Efesusi 4:12

U nan ŋa ni niɛ nan ke un mann Uwonbɔr a ninfob biɛn le wee bin fir tun Uwonbɔr a toon ki che Uma Masiya a gbanann n maa ki do.

Efesusi 4:16

U ma bu le ti gbanann tug ki ŋmag tab, le tigbanann nmɔn tug tab ki maa tab kpiɛg nin njiɛm, le ligbanann bɔgil biɛn tun litoonl.

Efesusi 5:5

Ni nyi ni niɛ nan bu: Ke uninfo wan tun iwanchɔgin toon upiibanlin bee ujabanlin, bee tijaginn a toon, bee kujaŋuuŋ ke, u yaa daan ye utingban kɔɔr le, le kaa na yin kan niba Masiya nin Uwonbɔr a naamin ni.

Kolosiya 1:12

wee ni li tenn ti Baa Uwonbɔr kunɔɔpoog, wan sei ni npaan ke nim nin uninfo gannkaabin nan por lifaal lan be nwonween a naam a yerin nin yaan nin.

Kolosiya 2:7

ki baan inyaan ki yabig nin uma, ki pɔɔg ni yada-n ke baah nan wɔɔn ni man nin, ki che ni nɔɔpoog li yaba ki tenn Uwonbɔr.

Kolosiya 3:24

naah nyi ke ni na li gaa lifaal Uyudaan ban nin wee ni ye tiyɔrin. Ni ma bu Uyudaan Masiya le ni tun ki tenn.

Hiibru Yaab 10:14

nan bu-n kumanug kiba nmɔn le u che ban wee u nyan bi tibirin ki ŋaan bi kasi hali nin iyoo yan kaa jɔɔ diɛm.

Hiibru Yaab 13:9

Ni laa che nwɔɔncham nan a booli biɛn nboon ni. Ni ŋan nin ti sufu n kan npɔɔn Uwonbɔr a nyunyunbasanlin bu, naa ye ikaal a jiir tan kaa ter ban ji ti nni.

Hiibru Yaab 2:11

Yisa le che bininfob be kasi, le kasi dam nmɔn nin Yisa ye iniin yaab. Ni bu ifa kaa jɔɔ Yisa nin un yin bi ke u nabumi.

Hiibru Yaab 9:15

Ni ma bu le Masiya ye ti sandanfaaru tipoopɔnn n-yaan, ke nin che ban wee Uwonbɔr yin bin kan Uwonbɔr a mɔsiinl lan ye lifaal lan kaa jɔɔ diɛmi. Nan bu-n Masiya pii nan kpo ke un da ban nan tun tibir n-yonn man wee tipookpegirin la nan si-n le, ki nyan bi tibir nmɔn a tudarilin.

Juud 1:1

Min Juud wan ye Yisa Masiya a toontunnu ki ye Jemisi a nabigin, Le sɔb kugbɔŋ nan tenn bininfob ban wee Uwonbɔr yin bin, wee bi ye Uwonbɔr a ninfob jiɛkaab wee Yisa Masiya ŋmag bin:

Juud 1:20

Amaa nim, n jɔtiib, ni li kpiɛg ni ba ni kasi a yada wee ki li miɛ Kasi a Naaŋ.