Lituln 20:24 - UWONBƆR A GBƆNPƆŊ LIKƆƆNL

²⁴ Amaa n tiɛr ki n miɛfol ye yɔli ki seim, amaa nan kpaa le ye n tun itoon yan wee Uyudaan Yisa nan ta seimin ki diɛ, itoon nmɔn le ye n wɔɔn bininfob tibɔŋann nmɔn Uwonbɔr a nyunyunbasanl bu.

Uwumbɔr aagbaŋ

²⁴ Tɔ, m yaa kpo, bee m yaa bi kan, ntafal aa bi ni ni. Tidindaan Yesu tii mi lituln, ke m tuk binib tibɔnyaan ngbaan, ke Uwumbɔr gee bi. Ntafal bi lituln ngbaan ponn ni, ke m tun li ti doo.

Lituln 20:24 Iomraidhean Croise

Tibɔnyaan ti Luk ŋmee ti na 16:28

nan bu-n n jɔɔ watiib biŋmu le. Che un tan kpaan ba wee bi mu laa nan dan nan yaan wee n be ki ji fala nan ni.’

Jɔnn 15:27

Ni ye ni mu nji n siɛra le, nan bu-n ni be n ban le npiinimin na.

Jɔnn 17:4

N ŋmagin kupag nan dulinya-n le n nan seiŋ maah diɛ litoonl lan wee A nan ta seim ke n tun nin.

Lituln 1:17

U nan ye ti kpiɛg uba le, ki kpiɛ ti bu itoon nan yaan.”

Lituln 11:23

Waah nan tan foo niin ki kan Uwonbɔr kaah sei bi literil man nin, le ni mɔŋ u, le u kɔɔn bi biɛn lipoobil, ki bei bi ke bi li nɔɔ Uyudaan nin bi sufu biɛn nin ibamɔn.

Lituln 13:25

Jɔnn kaah nan nan be diɛr u toon nni, le u baan bi ke, ‘Ni tiɛr ke n ye ŋmiɛ? Maa ye Uma. Aai, amaa Uwonbɔr a Masiya wan yin ŋɔɔrin n bɔɔn ki dan nin, maa kpaan nin n gbin u naatagi a ŋmimi.’

Lituln 14:3

Pɔɔl nin Banabasi nan be niin ki yuura, ki jɔɔ lipoobil ki pag Uyudaan a bɔr ki tenn bininfob, le Uyudaan nmɔn sei bi npɔɔn le bi pag u nyunyunbasanl a bɔr, ki tun ligaril a siɛra nin lijinjeel a toon.

Lituln 15:7

Bi nan pag ti ni yuur le Piita nan nan fii sir ki ke, “N nabum, ni nyi ke iyoo yan jon nin, Uwonbɔr nan gannim le ni poolin ke n pag tibɔŋann nin ki sei ban kaa ye Juu yaab, wee bin gbir ki ŋa yada.

Lituln 18:5

Le Silasi nin Timoti nan nyan Masedoniya ki dan. Le Pɔɔl nin ta u toon yin ki jiɛn ki nin ta u saŋi biɛn ki sei Yisa a bɔr n-yaa mɔɔnim, ki wɔɔn Juu yaab ke Yisa le ye Masiya.

Lituln 20:21

N bei Juu yaab nin Girig yaab biɛn ke bin kpenn bi binbema ki jir Uwonbɔr ban, ki ŋa ti Yudaau Yisa yada.

Lituln 20:23

Amaa maah choon ntim man biɛn nin, Kasi a Naaŋ ti chinn beim le ke kuloondiig nin fala be n nintogil ki guum.

Lituln 20:32

“Daandaan nan, n jɔɔ ni ki ŋubin Uwonbɔr a nɔɔn nin U nyunyunbasanl a mɔleen yin bu, U bɔr nmɔn le li fir che ni nɔɔ nbamɔm, ki li fir sei nim ban biɛn wee u ŋa ni u kasi a ninfobin lifaal.

Lituln 21:13

Amaa le Pɔɔl jiin ke, “Ba ŋa wee ni mɔr ki ku n gbanann naa? Naa ye ba tan yin lolimin a binba bu le n chaa, amaa n ŋa sili nin n tan kpo Jerusalam Uyudaan Yisa a yinl buu.”

Lituln 22:21

“Le Uyudaan beim ke, ‘Fin le li chaau; min le yin tuŋ nan fɔg bininfob ban kaa ye Juu yaabin ban.’ ”

Lituln 9:15

Amaa le Uyudaan bei u ke, “Fin li chaau, uma ye wan wee N gann u ke un mɔɔn N yinl ki bei ban kaa ye Juu yaab nin bi bɔrtiib nin Juu yaab.

Rom Yaab 11:6

Ke ni ye U nyunyunbasanl bu le U gann bi ke, man ke naa ye baah tun nan bu; ni bi ye baah tun nan bu ke, U nyunyunbasanl nmɔn kaa ji bi yin ye linyunyunbasanli.

Rom Yaab 4:4

Ni ye uninfo tun litoonl ki gaa tiyɔr ke, baa kaan u yɔr nmɔn ke ti ye ipiin ni, amaa ni kpaan un gaa le.

1 Korenti 15:58

Mambu n nabum, ni mann sir nbamɔma. Ni laa che niba n boon ni, ki li tun u yudaan a toon yin iyoo biɛn na, nan bu-n ni nyi ke ni toon yan wee ni tun ki tenn u yudaan ni kaa yin gab yɔli.

2 Korenti 12:10

Mambu, Masiya le che n num gbee, n daburigin, n sugirin, limugilin, fala a poolin, ki ga tibɔmugkaar. Ni ye idaburig choom ke, iyaayoo le n jɔɔ npɔɔn.

2 Korenti 4:1

Naah ye Uwonbɔr a nyunyunbasanl bu le u ta itoon nan ki ŋa ti nɔɔn ni, nibu che naa gbɔɔ ti gbanann ni.

2 Korenti 4:12

Ni bu nkum be mi toon ni le ti ni, amaa le limiɛfol mu be mi toon yin ni bu.

2 Korenti 5:8

N len na, ti jɔɔ tidindann, n bi li ban ke na ti pii bi nyan tigbanann a niin nan yaan na ki kun Uyudaan ban na.

2 Korenti 7:4

N jɔɔ tidindann takpem ni bu; nin ligbingbanfaal ni bu, n jɔɔ ngbanann pɔɔn takpem, nin ti yaa bɔmugkaarin biɛn n gbee nin nmɔn le.

Galantiya 1:1

Min Pɔɔl wan ye Masiya a toom nan, maa nyann bininfob ban ni bee naa ye uninfo le tunimi, amaa Yisa Masiya nin ti Baa Uwonbɔr, wan fiin u nkumin nin,

Efesusi 1:6

che ti pag Uwonbɔr U jilima nin U nyunyunbasanl lan wee U sei ti yɔli U bijiɛkaagin ni.

Efesusi 3:13

Ni ma bu, n balin ni le, ni laa che ni gbanann ngbɔɔ maah ji fala wan ni bu nni, ni ye kupag le sei ni.

Filipi 2:17

Hali ni ye bi kpaarim le wur ke libawol a daam le bi ta mann kumanug ki jiin ni yada kan wee ni jɔɔ nin Uwonbɔr n bu ke, n pool peen le ni mɔm ni biɛn nan bu.

Filipi 2:30

nan bu-n ni nan gur wama nin un kpo Masiya a toon yin bu, ki ta u miɛfol ki tun ki seim naah kaa bi li fir terim nan ni.

Kolosiya 1:24

Daandaan nan ni mɔm, nin maah jin fala kan nim bu-n, le n la gbee nin fala nmɔn le n gbanann nin ki jin nan la paar Masiya a fala a jimin paam, u gbanann nmɔn le ye biwonjiɛm a laguŋ.

1 Tesalonika 2:2

Ni nyi taah nan be Filipi a tiŋin wee bi sugir ti ki jin ti fala man, biba nan gbaar le ke bin gɔɔ ti wɔɔnimin, amaa Uwonbɔr a pɔɔmin le ti kan lipoobil ki mɔɔn U bɔŋann nan ki tenn ni.

1 Tesalonika 3:3

wee u ba n laa lu u yada-n limugil nan bu. Ni tɔɔl nyi ke ni ye Uwonbɔr a wiib le ke ti kan limugil nmɔn a booli.

2 Timoti 1:12

Ni ma che n ji fala ke maah ji man nan. Nin ni ma biɛn ni, ifa kaa jɔɔmi, nan bu-n n nyi wan wee n ŋa u yada-n, le n nyi ke u sin li guurim ki nan kpaa u jirin daal.

2 Timoti 3:11

nin baah mugirim man, nin n fala a jim, nin tiwann tan biɛn nan kam Antiɛg, nin Ikoniɛm nin Lisitira, nin maah nan pɔɔn nba ki kan limugil lan. Nin ni ma biɛn Uyudaan nan nyan ma.

2 Timoti 4:17

Amaa le Uyudaan sir n bɔɔn ki seim npɔɔn, wee min bu U bɔrin n fir mɔɔn nbamɔm wee ban kaa ye Juu yaabin ngbir ti. Le u nan nyam ugbegin a mɔn.

Taitus 1:3

le iyoo kaah nan nan foo-n le u nyan tibɔr nmɔn nween ni ke Uma Uwonbɔr wan ye ti feeru win kaah wɔɔnim ke n mɔɔn ti man nin,

Taitus 2:11

Uwonbɔr a nyunyunbasanl lan ta feegab dan ni, kpiir uninfo biɛn bu-u.

Hiibru Yaab 10:34

Ni nan jogir biloondiikɔɔbin le, le ki chee sei ban yug ni wan yɔɔrin nin nmɔn, nan bu-n ni tɔɔl nyi naah jɔɔ nan nin kaah ŋan kaa jɔɔ diɛmi.

1 Piita 5:12

Silasi wan wee n nyi ke u ye uwonjiɛn ibamɔn nin, li terim le n sɔb kugbɔŋ nan wama, ke n pɔɔg ni gbanann wee nin jin siɛra ke nan be nan ye Uwonbɔr a nyunyunbasanl le ibamɔn. Mambu ni li ŋmag ni nin nbamɔma.

1 Jɔnn 3:16

Ni niɛ nan le che ti biɛr njiɛm kaah ye nan: Yisa Masiya kaah nan gaa ti kum ki kpe-n. Ni ŋan nin ti mu nkpo ti nabum bu.

Tibɔkpiirkaan 12:11

Bi nyaŋ wa kipeebig a cham bu nin bi siɛram bu baa nan jiɛ bi miɛfolin ki tan kaagi ki sul jir bɔɔn ki nyan nkumin ni.

Tibɔkpiirkaan 6:11

Le bi nan sei bi biɛn daalapeen fufɔbir, ki bei bi ke bin guur wamau hali nin bitoontum tab nin bi nabum ban wee bi na yin ku ke baah nan ku bi miɛnin man nin a kanlin nan foo.