Lituln 20:21 - UWONBƆR A GBƆNPƆŊ LIKƆƆNL

²¹ N bei Juu yaab nin Girig yaab biɛn ke bin kpenn bi binbema ki jir Uwonbɔr ban, ki ŋa ti Yudaau Yisa yada.

Uwumbɔr aagbaŋ

²¹ M sur Juu yaab ni binib bi kaa ye Juu yaab na mu, ke bi kpeln baabimbin ki dii Uwumbɔr aasan ki gaa Tidindaan Yesu ki kii.

Lituln 20:21 Iomraidhean Croise

Matiu 3:2

ki ke “Ni jiɛn tibira, nan bu-n paab a naamin a jim mala.”

Matiu 4:17

Iyaayoo nmɔn le Yisa piin ki mɔɔn ke, “Ni jiɛn ni toonbirin na ke paab a naamin malin na.”

Tibɔnyaan ti Mak ŋmee ti na 1:15

Ki ke, “Isaŋ foou, Uwonbɔr a niin a naamin mala, ni ma bu, ni kpenn ni binbema wee ki ŋa tibɔŋann nan yadau.”

Tibɔnyaan ti Mak ŋmee ti na 6:12

Le bi nan fii ki jon ki tan mɔɔn ke, bininfob n jiɛn bi toonbira,

Tibɔnyaan ti Luk ŋmee ti na 13:3

N bei ni le, aai! Amaa naa kpenn ni binbem ke, ni biɛn mu na yin kpo man le.

Tibɔnyaan ti Luk ŋmee ti na 13:5

N bei ni le, aai! Amaa naa kpenn ni binbem ke, ni biɛn mu nan yin kpo man le.”

Tibɔnyaan ti Luk ŋmee ti na 15:10

Ni ye man le, n bei ni le, npopeen be Uwonbɔr a malakam ban ni ye tibirdaan uba nan kpenn u binbem ke.”

Tibɔnyaan ti Luk ŋmee ti na 15:7

N bei ni le ke ni ye man le, ni ye ke titoonbir daan uba kpenn u binbem ke npopeen takpem li be paab ki jon bibuchim piwiɛ nin biwiɛ ban wee naa ji kpaa talar nin bin kpenn bi binbem nan buu.”

Tibɔnyaan ti Luk ŋmee ti na 16:28

nan bu-n n jɔɔ watiib biŋmu le. Che un tan kpaan ba wee bi mu laa nan dan nan yaan wee n be ki ji fala nan ni.’

Tibɔnyaan ti Luk ŋmee ti na 24:47

le nbinben a kpenim nin tibir a jiɛn per li mɔɔn u yinl bu ki piin Jerusalam ki sei ibol biɛn.

Jɔnn 20:31

Amaa nsɔbim nan ye ni ŋa mi yada le ke Yisa le ye Masiya, Uwonbɔr a Bija, le ni ŋa u yada ke ni li kan limiɛfol u yinlin.

Jɔnn 3:36

Wan le ŋa Bija-n yada ke u li kan limiɛfol lan kaa jɔɔ diɛm, amaa wan yii Bija-n ke waa li kan limiɛfoli, nan bu-n Uwonbɔr a ŋuufiiŋ yin gbaa be udaan bu le.”

Lituln 10:43

Bilinlem biɛn nan jin u siɛra ke wan biɛn ŋa u yada ke u kan tibir a jiɛn pera u yaa yinlin bu.”

Lituln 11:18

Baah nan gbir man n-yonn man nin, le bi jiɛn tifur, le ki don Uwonbɔr a yinl, ki len ke, “Uwonbɔr che ban kaa ye Juu yaabin kpenn bi binbema, ke bi mu n kan limiɛfol.”

Lituln 16:31

Le bi jiin bei u ke, “Ŋaam Uyudaan Yisa yada, wee ki kan feegab, fin nin a niin yaab biɛn.”

Lituln 17:30

Iyoo yan nan jon nin, wee bininfob kaa nan nyi Uwonbɔr nan, waa nan gar bi bir bu. Amaa daandaan nan, u ke uninfo biɛn nkpenn u binbema.

Lituln 19:17

N-yonn man wee Juu yaab nin Girig yaab ban be Efesusi a tiŋin nin biɛn nan gbir man nin, le bijawaam choo bi, le bi sei Uyudaan Yisa a yinl jilima.

Lituln 2:38

Le Piita bei bi ke, “Ni jiɛn ni toonbir a tuma, wee ti fu ni biɛn nan Uwonbɔr a nyunful, Yisa Masiya a yinl bu, wee Uwonbɔr njiɛn ni bir ki per ni, ki sei ni ipiin yan ye Kasi a Naaŋin.

Lituln 2:40

Le Piita sei bi ikpaan takpem, le ki ji balin bi ke, “Ni fee niba gaba wee ki nyan dulinya nan a ŋmaruŋ nan yaan na.”

Lituln 20:23

Amaa maah choon ntim man biɛn nin, Kasi a Naaŋ ti chinn beim le ke kuloondiig nin fala be n nintogil ki guum.

Lituln 20:24

Amaa n tiɛr ki n miɛfol ye yɔli ki seim, amaa nan kpaa le ye n tun itoon yan wee Uyudaan Yisa nan ta seimin ki diɛ, itoon nmɔn le ye n wɔɔn bininfob tibɔŋann nmɔn Uwonbɔr a nyunyunbasanl bu.

Lituln 24:24

Ni bɔɔn bu, le Fɛlisi dan tibɔr a ji bol, u ma nin u poo Dirusila, wan nan ye Juu a bisiɛg nan, le ki che bi yin Pɔɔl ki dan bi ban. Le Pɔɔl pag uninfo kaah li ŋa Yisa Masiya yada man, le u pelig.

Lituln 26:18

a tan ligir bi num ki nyan bi libunbɔnlin ki kpenn bi ŋa nwonween ni na, ki nyan bi Sintani a pɔɔmin ki sei bi Uwonbɔr a pɔɔm, wee bin kan tibir a jiɛn per, nin npaan n ban wee Uwonbɔr n ta bi ŋa U yaab ban be kasi-n a sisiigin baah ŋaam yada n bu.’

Lituln 26:20

Chinchinn, n mɔɔn Uwonbɔr a bɔr nmɔn le ki sei Damasiko yaab, nin Jerusalam yaab, nin Judiya a tingbɔŋin biɛn. Le ki mɔɔn ti sei ban kaa ye Juu yaab mu. N wɔɔn bi le ke bin kpenn bi binbem wee ki ta biba ki sei Uwonbɔr a, ki li be nbinbem man sin li wɔɔn ke bi kpenn bi binbema.

Lituln 28:23

Le bi nan siin lidaal lan wee bi li jir u ban, le bininfob takpem nan lagin u niin kɔɔ kaai nmɔn yaan le u piin ki wɔɔn bi Uwonbɔr a naam a bɔr njakpanyiɛn ki tan kpaa kujɔɔg, ki wɔɔn bi Yisa a bɔr tan be Moziz a siimin yaan, nin Uwonbɔr a linlem a sɔbimin kaah ye man ki gbaar un kpenn bi potiɛl wee bin ŋa Yisa yada.

Lituln 3:19

Mambu, ni kpenn ni binbema ki dan Uwonbɔr ban, wee un ŋunn ni toonbir, ni ŋa man na wee npɔŋim a yonn nnya Uyudaan ban ki foon,

Lituln 8:25

Ni bɔɔn bu Piita nin Jɔnn kaah nan mɔɔn Uyudaan a bɔrin ni, le bi jir Jerusalam. Baah nan chaan bi nan mɔɔn Yisa a bɔŋann n le, Samariya a tinbumin.

Rom Yaab 1:14

Ni kpaa le nin n pag tibɔŋann nan ki sei Girig yaab nin ban kaa ye Girig yaab, ki pag ti ki sei bilandam nin tijɔri.

Rom Yaab 1:16

Ifa kaa jɔɔm tibɔŋann nin a mɔɔnim bu, nan bu-n ti ye Uwonbɔr a pɔɔm le ki sei ban biɛn ŋa yada ke bin kan feegab: Juu yaab li yin chinn kan feegab le ban kaa ye Juu yaabin mu nin paan.

Rom Yaab 10:9

Ke ni ye a yaar a mɔb ki len ke, “Yisa le ye Uyudaan,” wee ki ŋa yada a sufu ni ke Uwonbɔr fiin U nkumin ke, a li kan feegab.

Rom Yaab 2:4

Bee a ziɛn Uwonbɔr a binben ŋamin a yabim nin U chee sei nin U mɔril nlee, kaa nyi ke Uwonbɔr kaah jɔɔ nbinben ŋan man nin ban a kpenn a binbem lee?

Rom Yaab 4:24

amaa tim tɔɔl, ban wee Uwonbɔr li kan kpiɛ ban jɔɔ nbuchin binben nin. Taah ŋa yada nin U ma Uwonbɔr wan fiin ti yudaau Yisa nkumin nin bu.

Rom Yaab 5:1

Mambu, ti yada kan che ti ŋa bininfoŋam Uwonbɔr ban nin, li che ti be Uwonbɔr ban nin nposɔɔn ti yudaau Yisa Masiya bu,

1 Korenti 1:22

Juu yaab ban bin kan ligaril a toonl le, le Girig yaab mu ban nlam,

2 Korenti 7:10

Biwonjiɛm a poobiim che bi ga nkpenim man tenn bi nŋmarim le mambu npoobiim nmɔn a bosu kaa mugir bi, amaa dulinya nan ma a poobiim jɔɔ nkum le chaan.

Galantiya 2:16

ti nyi ke naa ye uninfo wan ŋmag nsiim le bi ke u ye uninfo ŋan Uwonbɔr ban ni, amaa ban ŋa Yisa Masiya yada-n. Ti tɔɔl ŋa Masiya yada le ke nin che ti bɔr li ŋan Uwonbɔr ban, ti yada n bu, amaa naa ye taah ŋmag nsiim n bu, uba kaa li fir ŋa uninfo ŋan Uwonbɔr ban nsiimin bu.

Galantiya 2:20

Bi nan kpaam lidapunpunl bu le nin Masiya le naa ji ye min le be, amaa Masiya nmɔn le be nim. Limiɛfol lan wee n jɔɔ be nin tigbanann nin, n be nin yada le Uwonbɔr a bija-n bu, wan jiɛm wee ki ta u ba seimin.

Galantiya 3:22

Amaa Uwonbɔr a gbɔŋin bei ke, uninfo biɛn be tibir a loondiigin le, naah li ŋa man wee Uwonbɔr kaah nan siin limɔsiinl ke U li sei ban ŋa Yisa Masiya yada lifaal lan nin, bi yada nmɔn bu le U yin sei bi.

Efesusi 1:15

Mambu n-yonn man wee n nan gbir naah ŋa ti Yudaau Yisa yada nin naah jiɛ Uwonbɔr a ninfogannkaab a bɔr man nin,

Kolosiya 2:5

Nan bu-n, hali maah kaa be ni ban nin tigbanann ni, n be ni ban kinaaŋin le ni mɔm, le ban n kan naah si nbamɔm man nin naah ŋmag ni yada-n man kenken Masiya ni.

Filemonn 1:5

nan bu-n n gbir ŋaah ŋa Uyudaan Yisa yada wee ki jiɛ Uwonbɔr a ninfogannkaab biɛn man na.

1 Jɔnn 5:1

Uninfo wan biɛn ŋa yada ke Yisa le ye Masiya ke, Uwonbɔr le ma u, le uninfo wan biɛn jiɛ Baa-n jiɛ U bigin tɔɔl.

1 Jɔnn 5:5

Ŋma ye u ki nyaŋir dulinyaa? Wan le ŋa yada ke Yisa ye Uwonbɔr a bija-n.