Lituln 2:46 - UWONBƆR A GBƆNPƆŊ LIKƆƆNL

⁴⁶ Lidaal biɛn bi lagin iwonjiɛn niin a loob le ki jiɛn Uwonbɔr, ki lagin tab bi niin ki ji tijiir, ki jɔɔ nmɔn nin ibamɔn nin tab,

Uwumbɔr aagbaŋ

^46-47 Idaa mɔmɔk bi nan kuuni Uwumbɔr Aadichal ni, ki kpaani bido ki ji tijikaar, ki pak Uwumbɔr, ki kpa mpopiin, ni tibulchinn. Le binib mɔmɔk pak bi. Tidindaan nan joo binib bi ŋmar na kpae waanib pu idaa mɔmɔk la.

Lituln 2:46 Iomraidhean Croise

Matiu 6:22

“Linunbil le ye tigbanann a fila. Ni ye a numbili ŋan ke, a gbanann biɛn yin ye nwonween le.

Tibɔnyaan ti Luk ŋmee ti na 11:41

Amaa ni ta nan be ni yirin nin ni samin ni ki sei faladam ma wee ni bɔɔn nin ni poolin biɛn le ŋan.

Tibɔnyaan ti Luk ŋmee ti na 24:30

Waah nan kal un ji bi ban nin, le u yuur boroboro ki sei Uwonbɔr kunɔɔpoog, le ki nan piin ki war tenn bi.

Tibɔnyaan ti Luk ŋmee ti na 24:53

le bi nan be iwonjiɛn niin iyoo biɛn, ki donn Uwonbɔr a yinl.

Lituln 16:34

Le u nan ta Pɔɔl nin Silasi ki kɔɔ u niin le ki sei bi tijiir; ni nan mɔŋ u le, nan bu-n u ma nin u niin yaab biɛn kaah nan ŋa Uwonbɔr yada nbu.

Lituln 2:42

Le bi nan ta bi saŋi ki tinn itoon nmɔn a wɔɔm ki jɔɔ nɔɔ nin tab, ki lagin ji tijiir, ki lagin tab ki miɛ Uwonbɔr.

Lituln 20:7

Likpakɔɔl a weemba daal le ti lagin tab, ke ti ji ti yudaau a jiir. Le Pɔɔl pag Uwonbɔr a bɔr digdig nin kunyiɛgtasiig, nan bu-n u nan ban ni won ke un jo ni ba yaan le.

Lituln 3:1

Weemba a ween tikur titaa a yoo le Piita nin Jɔnn nan chaa iwonjiɛn niin liwonmiɛl a yoo.

Lituln 5:21

Baah gbir u bɔr nmɔn, le bi jon ki tan kɔɔ iwonjiɛn niin nmɔn yaan, njakpanyiɛn ki piin ki wɔɔn bininfob. Biminmanib a yudaau nin u tabin kaah nan dan ni, le bi yin Iziral yaab a yudamin biɛn, le ki tun ke bin tan nyan Yisa a toon yin kuloondiigin ni ki ta bi dan.

Lituln 5:42

Lidaal biɛn ke bi chaa iwonjiɛn niin ni le, le ki jin mɔɔn Yisa a yinl bininfob a niin yin, ke Yisa le ye Masiya, ki ji mɔɔn u bɔŋann nin.

Rom Yaab 12:8

ni ye wan a piin ye u li pɔɔgir u tab a gbanann ke, che u li pɔɔgira; ni ye wan a piin ye u li chaar tijiir ki ter bitab bi bɔr mugkaarin ke, che u li pu man na; ni ye wan a piin ye un ŋa usanliir le ke, che u li jɔɔ nsaliibinben nbamɔm; ni ye wan a piin ye u li san bininfob kunyunyunbaag le ke, che u li ŋaan man nin npopeen na.

1 Korenti 10:16

Naa ye kiyiinyɔɔg kan wee ti tenn Uwonbɔr kunɔɔpoog wee ki nyu ki poolin ni ye Masiya a cham lee? Boroboro kan wee ti war war ki ŋman ni, kaa ye Masiya a gbanann lee?

2 Korenti 1:12

Daandaan nan taah jɔɔ ligbingbanfaal lan sɔ: Ti potiɛl jin ti siɛra ti binbem dulinya nan a ninfobin, nin ni baantɔɔl a sisiigin, ti kasi a binbem nin ibamɔn nin nya Uwonbɔr ban le. Naa ye dulinya nan a lam le che ti tun man ni, amaa ni ye Uwonbɔr a nyunyunbasanl bu le.

2 Korenti 11:3

Amaa nlam yugir nim bu, nan bu-n n nyi bininfob kaah li dan ki nan lar ni ki ŋmarin ni potiɛri, ki ke ni laa ji nɔɔ Yisa nbamɔmi, a li ke uwaa kaah nan lar Iif man nin.

Efesusi 6:5

Biyom, ni li jɔɔ limɔcheel nin jilima ki tenn ni dulinya a yudam ki li san bi bijawaam, ki li tun itoon ki tenn bi nin ni sufu biɛn, ke naah bi li jɔɔ limɔcheel ki tenn Masiya man nin.

Kolosiya 3:22

Biyom, ni li cheel ni dulinya nan a yudam a mɔɔŋi niwann biɛn na, ni li tun man wee ni laa ye iyoo yan a binba wee bi lig ni, ke bi num ngbee ni, amaa wee ki li tun man nin ni sufu biɛn nin jilima ki tenn Uyudaan na.