Lituln 2:38 - UWONBƆR A GBƆNPƆŊ LIKƆƆNL

³⁸ Le Piita bei bi ke, “Ni jiɛn ni toonbir a tuma, wee ti fu ni biɛn nan Uwonbɔr a nyunful, Yisa Masiya a yinl bu, wee Uwonbɔr njiɛn ni bir ki per ni, ki sei ni ipiin yan ye Kasi a Naaŋin.

Uwumbɔr aagbaŋ

³⁸ Le Piita bui bi, “Ni mɔmɔk kpeln nimi aabimbin, ki cha ti muin nimi nnyun ni, Yesu Kristo aayimbil pu. Le Uwumbɔr ga di cha nimi aatunwanbir pinn nimi, ki tii nimi ipiin i ye Waafuur Nyaan na.

Lituln 2:38 Iomraidhean Croise

Matiu 28:19

Ni bu, ni li chaa kutingbɔŋ nan yaan, binib a booli biɛn ban ki ŋa bi n-yaa bɔɔnɔɔb, ki fu bi Uwonbɔr a nyunful, Baa nin Bija nin Kasi a Naaŋ a yinl bu,

Matiu 3:2

ki ke “Ni jiɛn tibira, nan bu-n paab a naamin a jim mala.”

Matiu 3:6

Le ki tan kpiir bi toonbir, le u fun bi Uwonbɔr a nyunful Jɔdann a kpenn.

Matiu 4:17

Iyaayoo nmɔn le Yisa piin ki mɔɔn ke, “Ni jiɛn ni toonbirin na ke paab a naamin malin na.”

Tibɔnyaan ti Mak ŋmee ti na 1:15

Ki ke, “Isaŋ foou, Uwonbɔr a niin a naamin mala, ni ma bu, ni kpenn ni binbema wee ki ŋa tibɔŋann nan yadau.”

Tibɔnyaan ti Mak ŋmee ti na 16:16

Wan biɛn ŋa yada wee bi fun u Uwonbɔr a nyunfulin ke u li kan nŋmarim; amaa wan kaa ŋa yada ke Uwonbɔr na li bii u.

Tibɔnyaan ti Luk ŋmee ti na 24:47

le nbinben a kpenim nin tibir a jiɛn per li mɔɔn u yinl bu ki piin Jerusalam ki sei ibol biɛn.

Tibɔnyaan ti Luk ŋmee ti na 3:10

Le kuninfogbaluŋ nmɔn nan baan, “Ke ti ni li ŋa nii?”

Lituln 10:43

Bilinlem biɛn nan jin u siɛra ke wan biɛn ŋa u yada ke u kan tibir a jiɛn pera u yaa yinlin bu.”

Lituln 10:48

Le ki ke bin fu bi Uwonbɔr a nyunful Yisa Masiya a yinlin buu. Le bi gɔɔ Piita ke un paar bi ban iweehn ilee.

Lituln 13:38

“Mambu, n nabum n ban ni li nyi ke Yisa bu le tibir a jiɛn per a mɔleen yin pag sei ni.

Lituln 16:15

Taah nan fun u ma nin u niin yaab Uwonbɔr a nyunfulin, le u gɔɔ ti ke ti jo u niin. Le ki ke, “Ni ye ni sin nyi ke n ŋa ti Yudaau yada ke, ni li chaan ki nan be n niin.” Le u balin ti le ti jon.

Lituln 17:30

Iyoo yan nan jon nin, wee bininfob kaa nan nyi Uwonbɔr nan, waa nan gar bi bir bu. Amaa daandaan nan, u ke uninfo biɛn nkpenn u binbema.

Lituln 20:21

N bei Juu yaab nin Girig yaab biɛn ke bin kpenn bi binbema ki jir Uwonbɔr ban, ki ŋa ti Yudaau Yisa yada.

Lituln 22:16

A ji ka ki guu baa? Fiim, wee n fuŋ Uwonbɔr a nyunful, wee a yin Yisa a yinl wee un ŋunn a bir.’

Lituln 26:18

a tan ligir bi num ki nyan bi libunbɔnlin ki kpenn bi ŋa nwonween ni na, ki nyan bi Sintani a pɔɔmin ki sei bi Uwonbɔr a pɔɔm, wee bin kan tibir a jiɛn per, nin npaan n ban wee Uwonbɔr n ta bi ŋa U yaab ban be kasi-n a sisiigin baah ŋaam yada n bu.’

Lituln 26:20

Chinchinn, n mɔɔn Uwonbɔr a bɔr nmɔn le ki sei Damasiko yaab, nin Jerusalam yaab, nin Judiya a tingbɔŋin biɛn. Le ki mɔɔn ti sei ban kaa ye Juu yaab mu. N wɔɔn bi le ke bin kpenn bi binbem wee ki ta biba ki sei Uwonbɔr a, ki li be nbinbem man sin li wɔɔn ke bi kpenn bi binbema.

Lituln 3:19

Mambu, ni kpenn ni binbema ki dan Uwonbɔr ban, wee un ŋunn ni toonbir, ni ŋa man na wee npɔŋim a yonn nnya Uyudaan ban ki foon,

Lituln 5:31

Le ki don u ki tan kaan U baan tɔɔl a nɔɔjiim paam, ki ŋa u ki Bɔrbig nin Ufeer, ke Iziral yaabin kpenn bi binbema, wee un jiɛn bi toonbir ki per bi.

Lituln 8:12

Amaa Filib kaah dan ki nan wɔɔn bi Uwonbɔr a naam a bɔŋann nin, nin Yisa Masiya a yinlin, bijab nin bipiib nan ŋa u yada, le u fun bi Uwonbɔr a nyunful.

Lituln 8:20

Amaa le Piita jiin u ke, “A tug ke a li fir ta ilig ki daa Uwonbɔr a piin yaa? Fin nin a ligi nmɔn n gabim yɔli!

Rom Yaab 6:3

Bee naa nyi ke tim ban biɛn nan fun Uwonbɔr a nyunful Masiya bu-n nan fun u kum a nyunful mu waa?

Efesusi 1:7

Yisa a chamin bu le ti kan nkpenim a manug, ni ma ye tibir a jiɛn per, Uwonbɔr a nyunyunbasanl takpenlin bu

Taitus 3:5

le U fee ti gab, naa ye ibuchin toon le ti tun ni, amaa U nyunyunbasanl bu. U fee ti gab waah nan fun ti nnyum ki sei ti nmaal pɔɔn nin kinaaŋ pɔŋ Kasi a Naaŋ a pɔɔm bu,

1 Piita 3:21

le nnyum nan, nin si Uwonbɔr a nyunfulin lan fee ni mu gabin a taai yin, kaa ye tigbanann a jaginn a funya, amaa tipoor tan wee ti poo ke ti li jɔɔ nbinben ŋan ki jiin Uwonbɔr paamin bu, li fee ni ki gab Yisa Masiya a kum a fiim bu.