Lituln 2:33 - UWONBƆR A GBƆNPƆŊ LIKƆƆNL

³³ Le Uwonbɔr ji ta u kaan U nɔɔjiim paam. Waah kal n-yonn man nin, le u gaa Kasi a Naaŋ kan wee Uwonbɔr nan siin limɔsiinl ke U na li sei win, Kasi a Naaŋ nmɔn le u ta sei ti, le ti gbir ki kan.

Uwumbɔr aagbaŋ

³³ Uwumbɔr nyuŋ Yesu, ki di u kaan uŋangii wɔb. U gaa Nfuur Nyaan Ute Uwumbɔr chee, uma Uwumbɔr aah nan puu tipuur ti ke u ga tii u na. Naah kan pu na, ni naah ŋun pu dandana wee na, ye Uwumbɔr Aafuur Nyaan le u di ŋa ti ni.

Lituln 2:33 Iomraidhean Croise

Matiu 28:18

Le Yisa fɔɔr mal bi, ki len ke, “Uwonbɔr seim paab nin tum a ninkpera.

Tibɔnyaan ti Mak ŋmee ti na 16:19

Tɔ, Yisa kaah nan pag tibɔr nmɔn ki diɛ n-yonn man nin, le Uwonbɔr ta u don U niin ki tan kaan u ma Uwonbɔr a nɔɔjiim paam.

Tibɔnyaan ti Luk ŋmee ti na 24:49

N yin sei ni nan wee n Baa nan siin limɔsiinl ke u li sei ni-n le; amaa ni laa nya kitiŋin yaan ni, ki li guu n-yonn man wee npɔɔn na li nya paab ki jiirin ki nan piin ni bu.

Jɔnn 14:16

Le n li baan Baa-n, wee un ji sei ni utiter uba wan na li gbaa be nin ni n-yonn biɛn.

Jɔnn 14:26

Amaa Utiter, Kasi a Naaŋ, wan wee Baa-n yin tun u n yinl bu-n, li wɔɔn ni niwann biɛn ki tiɛr ni niwann nan biɛn wee n nan bei ni.

Jɔnn 15:26

“Utiter, wan wee n yin tun u wee un nyann Baa-n ban nin, ki ye ibamɔn a naaŋ kan nyann Baa-n ban nin dan ke, u li ji n siɛra.

Jɔnn 17:5

Le daandaan nan, n Baa, seim kupag A nintogil ni, kupag kan wee n nan kan A ban n-yonn man wee dulinya kaa la nan naan nin.

Lituln 1:4

Kulaguŋ kuba ni, le u nan lagin ki ka ji nin bi, le ki nan sei bi limɔsiinl nan: “Ni laa nya Jerusalami, amaa ni li guu ipiin yan wee n baa nan siin limɔsiinl lan wee ni gbir n pag li bɔrin.

Lituln 10:45

Le ni gar biwonjiɛm ban nan jii bi pun ki chiɛn Piita nan, Kasi a Naaŋ a piin kaah kpaar wur ban kaa ye Juu yaab n mu bu-n.

Lituln 2:17

‘Uwonbɔr nan len ke, dulinya nan a joorimin, n na li kpaar n naaŋin ki jaa bininfob biɛn bu. Le ni bijam nin ni bisiɛm na li pag ilinlen leen, le ni naachipɔm na li kan zii, le ni janinkpeeb mu na li dɔgin tidindɔgin.

Lituln 5:31

Le ki don u ki tan kaan U baan tɔɔl a nɔɔjiim paam, ki ŋa u ki Bɔrbig nin Ufeer, ke Iziral yaabin kpenn bi binbema, wee un jiɛn bi toonbir ki per bi.

Rom Yaab 5:5

Le tama kaa li che ti ji ifa, nan bu-n Uwonbɔr nan che U Kasi a Naaŋ kan wee U ta sei ti-n le kpaar U jiɛmin ki ŋa ti sufu ni.

Galantiya 3:14

U nan sei ti nkpenim a manug le ke Masiya bu le ban kaa ye Juu yaabin mu nkan tikaar tan wee Uwonbɔr nan ŋa Abiraham bu-n ni, ke ni ye ti ŋa yada ke, ti li kan Kinaaŋ kan wee U nan siin limɔsiinl ke U li sei ti-n.

Efesusi 1:13

Ni tɔɔl nan kpiɛ ki be nin Masiya le, naah nan gbir imɔleen yan ye ibamɔn nin, ki ye ni feeja a bɔŋann nin. Naah ŋa yada-n bu, le Uwonbɔr ta U yaa daagim ki daag ni, lan ye limɔsiinl Kasi a Naaŋin,

Efesusi 4:8

Ni ma bu le ni sɔb Uwonbɔr a gbɔŋin ke: “Waah nan don papaab n-yonn man nin; u nan ŋmag biyom takpem ma, le ki sei bininfob ipiin.”

Taitus 3:6

Kasi a Naaŋ nmɔn le U nan kpaar takpem ki jaa uninfo biɛn bu Yisa Masiya wan ye ti feegabdaan nin bu,

Hiibru Yaab 10:12

Amaa uminmann u niɛ man nan mann kumanugin nba bu le kpeŋileŋ tibir bu, le ki kal Uwonbɔr a nɔɔjiim paam.

Hiibru Yaab 2:9

Amaa ti kan Yisa, wan wee Uwonbɔr nan jiin u tum wama malakam ban nin, daandaan nan, u chig kupag nin jilima a yuchigirig le waah jin nkum a fala-n bu, wee Uwonbɔr a nyunyunbasanl bu u nan che u kpo uninfo biɛn bu-n.

1 Piita 1:21

Uma bu le ni ŋa Uwonbɔr yada, wan nan fiin Yisa nkumin ki sei u kupag, mambu ni yada a ŋaam nin ni tama be Uwonbɔr ban le.

1 Piita 3:22

Yisa wan nan don paab ki be Uwonbɔr a nɔɔjiim paam nin Malakam nin tininkper a pɔɔm nin ipɔɔn biɛn yan cheel u mɔbin.