Lituln 2:10 - UWONBƆR A GBƆNPƆŊ LIKƆƆNL

¹⁰ Ferijiya nin Pamfiliya, Ijibir nin Libiya a yagil lan mal Sarene a tiŋin; le tim bibam mu nyan Rom,

Uwumbɔr aagbaŋ

¹⁰ bibaa mu nyan ni Frijia aatiŋ ni, bibaa mu nyan ni Pamfilia aatiŋ ni, bibaa mu nyan ni Ijipt aatiŋ ni, bibaa mu nyan ni Libia aatim mu bi Sairene aatiŋ chee na, bibaa nan ye Juu yaab, ni Biniyayam bi kpeln bibaa ki dii Juu yaab aasan na, ki nyan ni Rom aatiŋ ni na,

Lituln 2:10 Iomraidhean Croise

Matiu 2:15

nan yaan wee u nan tan be hali nin ubɔr Herɔd kaah nan nan kpo. Ni niɛ nan biɛn nan tun ki gbeen nan wee Uwonbɔr che u linlem nan pag ke, “Ijibir a tiŋin le n yin n bija nmɔn nyann.”

Matiu 23:15

“Woo nim ban wɔɔnn Uwonbɔr a siim nin Farasii yaab nan, nim le ye bilinlarib nmɔn, nan bu-n ni don imɔg ki lagir ntim ki ban wan li kpenn u binbem ki li nɔɔ ni bɔɔn le, le ni ye ni nan kan uba wee u nɔɔ ni ke, ni che u labir Sintani a ŋmiimin a big, le u binbem nmann ki kpiɛ nfim milee ki jo ni yaal.

Matiu 27:32

Baah nan chaa nyan Palati a naakoon nin, le bi tan kan Sarene a tiŋ a jaa uba le u yinl ye Simɔnn, le bi choo u, ki mug u le u tu Yisa a dapunpunl.

Tibɔnyaan ti Mak ŋmee ti na 15:21

Baah nan be nsan bu ki chaa n-yonn man nin, le bi kenn u jaa uba le u yinl ye Simɔnn. Le bitɔtogib nmɔn mug u le u gaa Yisa a kum a dapunpunl nmɔn. (Uja nmɔn nan ye Sarene a jau le, u nan nyan kitinbig kiba ni le ki chaan Jerusalam. U nan ye Alɛgzanda nin Rufusi a baa le.)

Lituln 11:20

Le Yisa a bɔɔnɔɔb biba nyan Saipuru, nin Sarene ki jon Antiɛg, ki tan be mɔɔn ti Uyudaan Yisa a bɔŋann nin ki tenn ban kaa ye Juu yaabin.

Lituln 13:1

Antiɛg a tiŋin, biwonjiɛm a laguŋ nan jɔɔ bilinlem nin ban wɔɔnn: Bi nan yi bi ke Banabasi nin Simiɛn wan a yinl ji nan ye Naga, nin Lusiɛsi, wan nan nyan Sarene, nin Manann (wan wee bi nan lagin ki wubir nin Galilii a bɔrbig Herɔd) nin Sɔɔl.

Lituln 13:13

Baah nan nyan Pafosi nan, le Pɔɔl nin u ninɔɔtab kɔɔ kuŋaluŋ ki jon Pega kan be Pamfiliya a tiŋin nin, nin yaan le Jɔnn jiɛn bi ki jir Jerusalam.

Lituln 13:43

Bininfobin kaah nan worin nin, le Juu yaab takpem nin ibol yan nan jiɛn bi kaal wee ki nɔɔ Juu yaab a kaalin, ni nan nɔɔ Pɔɔl nin Banabasi. Le bi pag nin bi ki balin bi ke, bi li nɔɔ Uwonbɔr nin u nyunyunbasanlin.

Lituln 14:24

Baah nan choon Pisidiya a timin ki diɛ-n, ni bɔɔn bu le bi jon Pamfiliya a tiŋin,

Lituln 15:38

amaa le Pɔɔl kaa chee ke bin ta Jɔnn Mag ki kpiɛ, nan bu-n u nan jiɛn bi le Pamfiliya ki labir kun kaa ji kpiɛg bi bu itoon nin yaan ni.

Lituln 16:6

Kasi a Naaŋ kaah kaa nan chee ke bin mɔɔn tibɔrin nmɔn Asiya a yerin nin ni, le Pɔɔl nin u ninɔɔtabin nan nɔɔ Ferijiya nin Galantiya a tingbɔŋin.

Lituln 17:21

(Atensi yaab biɛn nin ban nyan ntim miba ki dan nan be niin nin, kaa ji nan tun niba amaa bi le ni nan pag ki sin pelig tibɔchann tan la yɔɔn dan nin a bɔr le.)

Lituln 18:2

Nin yaan le u nan kan Juu yaab a ninfo uba, le u yinl ye Akula, amaa le bi nan ma u Pɔntusi, le u ma nin u poo Pirisila la nyan Itali ki dan Korenti, nan bu-n ubɔr yudaan Kuladiyasi le nan sei bi bimɔb ke Juu yaab biɛn nya Rom a tiŋin na. Le Pɔɔl jon ke un tan kan bi,

Lituln 18:23

Waah jin n-yonn wama Antiɛg nmɔn a bɔɔn bu, le Pɔɔl ji nan nyan nin yaan ki choon ntim ntim Galantiya nin Ferijiya a tinbumin ki pɔɔgir bi bɔɔnɔɔbin a sufu.

Lituln 2:11

(le ti ni bibam ye Juu yaab, le bi ba mu ji ye ibol iba yaab ban nan labir ki jiɛn Juu yaab a Wonbɔru win) le biba mu ji nyan Kereti nin Arabiya, le ti biɛn gbir baah pag ti boli a leen yin, ki donn Uwonbɔr a yinl nin lijinjeel a toon yan wee U tun nin!”

Lituln 23:11

Le niwonn ki nan be kunyiɛg, le Uyudaan dan nan sir Pɔɔl ban ki ke, “Che a sufu li pɔɔu, ke ŋaah pii jin siɛra man Jerusalam, man le a yin ji n siɛra Rom mu.”

Lituln 27:5

Taah lɔŋ limɔgil nni, le ti nɔɔ Silisiya nin Pamfiliya, ki tan foo Mara, Lisiya a tingbɔŋin.

Lituln 28:15

Nnabum man be niin nin nan gbir taah chaan na, le bi fii ki kenn ti Apiu a nyaŋin, le bi ba mu kenn ti ichanniin yan kpiɛ itaa ki mal Rom a tiŋin ni. Pɔɔl kaah kan bi n-yonn man ni, le ni sei u ngbananpɔɔn, le u poor Uwonbɔr.

Lituln 6:5

Ni nan gbee bininfobin biɛn a numa, le bi gann Sitifin, wan gbee nin Kasi a Naaŋ ki jɔɔ yada nan, nin Filib, Pirokorusi, nin Nikanor, nin Timonn, nin Pamenasi, nin Nikolasi, wan nan nyan Antiɛg wee ki kpenn u wonjiɛnl ki nɔɔ Juu yaab a wonjiɛnlin.

Lituln 6:9

Le bininfob biba nan fii ki yii Sitifin a bɔr, bi nan ye ‘Yemba’ le ki nyan ban nan kan nŋmarim ki be Juu yaab a wonjiɛn bolin (ke baah yi bi man ni) bi nan nyan Sarene nin Alɛgzandira nin Silisiya, nin Asiya le. Le bi biɛn nan piin ki far limɔkpel nin Sitifin.

Rom Yaab 1:15

Ni ma bu le n numan ke n mɔɔn tibɔŋann nmɔn ki sei nim ban be Rom nan mu.

Rom Yaab 1:7

N poor nim ban biɛn be Rom wee Uwonbɔr jiɛ ni ki yin ni wee ni ye U ninfogann kaabin: Ti Baa Uwonbɔr nin ti Yudaau Yisa Masiya a nyunyunbasanl nin nposɔɔn li be nin ni.

2 Timoti 1:17

Waah nan foon Rom a tiŋin nin, u nan bam le linunmanl hali ki nan kan n bol.

Tibɔkpiirkaan 11:8

Bi gbanann na li dɔɔn kitintakpeŋ a sanjal bu, ntim man wee pag woon a poolin bi yi mi ke Sodom nin Ijibir, nan yaan mu jigin wee bi nan kpaa bi Yudaau lidapunpunl bu-n.