Lituln 19:33 - UWONBƆR A GBƆNPƆŊ LIKƆƆNL

³³ Le Juu yaab nyan uja uba le bi yi u ke Alɛgzanda, ki siin u bi nintogil ke un pag bi bu, le Alɛgzanda don u nɔɔi papaab, ki ban un pag ki sei kuninfogbaluŋin, ki nyan bi limɔkpel nmɔn yaan.

Uwumbɔr aagbaŋ

³³ Le Juu yaab bi nan bi nima na nan nyan uja ubaa bi yin u ke Aleksanda, ke u sil kinipaak ngbaan aanimbiin ni. Nima pu na, binib bibaa mu nan dak ke ni ye uma Aleksanda aabɔr la. Le u yoor uŋaal ki nyii bi pu, ki ban ke u tuk bi ke naa ye Juu yaab aabɔr.

Lituln 19:33 Iomraidhean Croise

Tibɔnyaan ti Luk ŋmee ti na 1:22

Waah nan nan nyan n-yonn man nin, waa nan fir pagi, u nan pag libir le ki tenn bi, le bi biɛ ke u kan lijinjeel a wan le kudiig nmɔn yaan.

Lituln 12:17

Le u don u nɔɔ ke bin ŋmin tifura, le ki wɔɔn bi Uyudaan kaah nyan u kuloondiigin man. Le u bei bi ke, “Ni li chaa ki tan bei Jemisi nin biwonjiɛmin nan tun nan a bɔr,” le u fɔɔr jiɛn bi ki yaar jon niba paam.

Lituln 13:16

Le Pɔɔl fii sir ki don u nɔɔ le ki piin pag ke, “Nim Iziral yaab nin nim ban kaa ye Juu yaab ki jiɛn Uwonbɔr nan, ni pelim man!

Lituln 19:34

Amaa baah nan nan biɛ ke u ye Juu a ninfou le-n, le bi biɛn tann ki pag bɔr tiba ke, “Tim Efesusi yaab a tingbanl Atemisi ye litingbanl takpenl le!” Bi nan tiɛn man ki tan kpaa tikur tilee le gbaa.

Lituln 21:40

Le bitɔtogib a yudaan win sei npaan. Le Pɔɔl sir bitɔtogibin a diig a tisanmɔnn nan yaan wee bi tɔɔg ki kɔɔ-n, ki don u nɔɔ bininfobin bu ke bin ŋmin na. Baah ŋmin n-yonn man nin, le u pag sei bi Juu yaab a leen yin, ke:

Lituln 24:10

Ubɔr nmɔn kaah wɔɔn Pɔɔl nnɔɔ ke un fii ki pagin: Le Pɔɔl ke, “N nyi ke ŋaah ŋa ubɔjir ti tingbɔŋ nan yaan, ni ŋa ibin takpem ma. Mambu, ni ŋaam npopeen pam nin maah yin ji min tɔɔl a siɛra a ban.

Filipi 1:7

Ni ŋan nin maah tiɛr ni biɛn nan bu, naah be n sufu-n nin bu; maah be libaalin bee maah pag ki wɔɔn ki mann tibɔŋannin, ni biɛn nan por Uwonbɔr a nyunyunbasanlin nin ma.

1 Timoti 1:20

Bi ma ye Hamenasi nin Alɛgzanda, ban wee n ta bi ŋubin Sintani a nɔɔn ke un dar bi tul wee bin jiɛn Uwonbɔr a sugir.

2 Timoti 4:14

Alɛgzanda wan ye ucha-n ŋaam nan kaa ŋan na. Uyudaan li yɔ u ki jiin waah tun nan nmɔn bu.