Lituln 19:26 - UWONBƆR A GBƆNPƆŊ LIKƆƆNL

²⁶ Ni tɔɔl kan ki gbir Pɔɔl nan a bol kaah kpenn bininfob takpem a lam ki lar bi ki kɔɔn kulɔŋ man Efesusi nin Asiya a tingbɔŋin biɛn. U ke tiwann naan wann tan wee bininfob maa-n kaa ye itingban ni.

Uwumbɔr aagbaŋ

²⁶ Pɔɔl mu bi bii timi aatuln la. Ni kan aa? Ni ŋun waah len pu na. U len ke ŋiwaa ŋi binib mɔɔ ŋi na aa ye nibaa. Binib bi bi Efesus aatiŋ ni do, ni Asia aapepel mɔmɔk ponn ni na pam pak waah len pu na, kaa ki dii ŋiwaa.

Lituln 19:26 Iomraidhean Croise

Lituln 14:15

“Bininfob nan, ba ŋa wee ni tun man naa? Ti tɔɔl le ye bininfob le ke naah ye man nin. Ti ŋmagin tibɔŋann le ti nan sei ni wee ni jiɛn dulinya nan a wann yɔɔra wee ki li nɔɔ Uwonbɔr Wan fo-n, Wan naan paab nin tum nin imɔg nin nan biɛn be i yaan.

Lituln 17:29

“Mambu taah ye Uwonbɔr a buwaab nan, ti laa tiɛr ke Uwonbɔr ye kuwan naan waŋ ke salima, bee tikur ninann bee litangbagil lan wee uninfo ta u lam bee u biɛm ki naan li nni.

Lituln 18:19

Le bi nan chaa ki tan foo Efesusi, nan yaan wee Pɔɔl nan jaa Pirisila nin Akula nan, le u tɔɔl jon ki tan kɔɔ Juu yaab a wonjiɛndiigin, ki pag sei Juu yaab nmɔn.

Lituln 19:1

Apolosi kaah la na be Korenti nan, le Pɔɔl nan nyan niin ki nɔɔ kisanbig ki jon Efesusi. Nin yaan le u kan biwonjiɛm biba,

Lituln 19:10

Ni nan ye man le ki tan kpaa ibin ilee, mambu che Juu yaab nin Girig yaab ban biɛn nan be Asiya a tingbɔŋin nan gbir Uyudaan a bɔr nmɔn na.

Lituln 19:25

Le Dimitirusi nan yin bi biɛn ki lagin tab, nin ban biɛn tun itoon nmɔn a booli biɛn ki bei bi ke, “N jɔtiib, ni nyi taah ga tinyɔɔr tan itoon nan yaan.

1 Korenti 12:2

Ni nyi ke naah kaa nan ye biwonjiɛm n-yonn man ni, ni nan che bi ta ibawol yan kaa fin pagin ki lar ni kɔɔn kulɔŋ.

1 Korenti 8:4

Tɔ, ki ta jiin ibawol a jiir a jim paam: Ti nyi ke ibawol ye yɔli le dulinya nan yaan, le nweenba kaa ji be ki kpiɛ Uwonbɔr uba nmɔn bu.

Galantiya 4:8

N-yonn man nan jon wee naa la nan nyi Uwonbɔr nan, ni nan ye biyom le ki sei Uwonbɔr kaah naan tiwann tan kaa ye iween nin.

1 Tesalonika 1:9

bininfobin biɛn pag ki jiin naah nan gaa ti man, taah nan dan ni ban n-yonn man nin, nin naah nan jiɛn ni bawoli ki dan Uwonbɔr ban man, ke ni jiɛn Uma ibamɔn a Wonbɔru wan fo-n,

Tibɔkpiirkaan 9:20

Le bininfob ban gur wee imag nan kaa ku bi nan, kaa nan chee ke bin kpenn ki ta bitɔɔl kaah maa nan nin ki gabi, baa nan ta npɔniim a jiɛnim ki jiɛn ni, nin ibawol yan wee bi ta salima ki maa i, nin salima nin tikur ninann nin tikurdiin nin itangbag nin tidaar, kaa chee bin ta bi bawoli yan kaa gaa bee kaa gbiri bee kaa choon nin gabi.