Lituln 19:22 - UWONBƆR A GBƆNPƆŊ LIKƆƆNL

²² U nan tun Timoti nin Erasitusi ban ye u toon terib bilee-n le, Masedoniya, amaa le u paar Asiya a tiŋin.

Uwumbɔr aagbaŋ

²² Le u nyan binib bi ter u na ponn ni bilee, bi yin ubaa ke Timoti, ki yin uken ke Erastus, le ki cha bi loln u pu nsan ki cha Masedonia aatiŋ ni. Uma Pɔɔl nan laa beenin bi Asia aatiŋ ni, ki yunn siib.

Lituln 19:22 Iomraidhean Croise

Lituln 13:5

Baah nan foo Salami nan, le bi kɔɔ Juu yaab a wonjiɛndirin le ki mɔɔn Uwonbɔr a bɔr ki tenn bi. Jɔnn le nan be bi ban ki ter bi.

Lituln 16:1

Le Pɔɔl foon Deba, le ki jon foo Lisitira, nan yaan wee u kan ubɔɔnɔɔr wan wee bi yi u ke Timoti. Wan a na nan ye Juu a ninfou ki ye yada daan ni, amaa le u baa ye Girig a ninfou.

Lituln 16:3

Pɔɔl nan ban un ta Timoti le jo nsan nmɔn, ni ma bu le u nan jii u punl Juu yaab ban nan be niin nin bu, nan bu-n bi biɛn nan nyi Timoti a baa kaah ye Girig a jau.

Lituln 18:5

Le Silasi nin Timoti nan nyan Masedoniya ki dan. Le Pɔɔl nin ta u toon yin ki jiɛn ki nin ta u saŋi biɛn ki sei Yisa a bɔr n-yaa mɔɔnim, ki wɔɔn Juu yaab ke Yisa le ye Masiya.

Lituln 19:10

Ni nan ye man le ki tan kpaa ibin ilee, mambu che Juu yaab nin Girig yaab ban biɛn nan be Asiya a tingbɔŋin nan gbir Uyudaan a bɔr nmɔn na.

Lituln 19:21

Ni niɛ nan biɛn kaah tun jon a bɔɔn, le Pɔɔl lol ke un nɔɔ Masedoniya nin Akaya ki jo Jerusalam. Waah nan be niin nmɔn a bɔɔn bu, le Pɔɔl bei u ba ke, “See ke n gɔnn Rom mu.”

Lituln 19:29

Naa nan yuuri le kitiŋ nmɔn a ninfob fu, ki gaan tijar. Le ki bib Pɔɔl a ninɔɔtab bilee Gayɔsi nin Arisitakusi ban nyan Masedoniya nan, le kuninfogbaluŋin kpab tab ke ninfo uba a danin ki kɔɔ kinaakoog takpoŋin.

Lituln 20:1

Kufuug nmɔn kaah nan ŋmin nin, le Pɔɔl yin biwonjiɛm, le ki pɔɔg bi gbanann, ki chabir bi, le ki jon Masedoniya a tingbɔŋin.

Lituln 20:34

Ni tɔɔl nyi ke min tɔɔl a nɔɔi le n jɔɔ tun, ki lig nba nin n ninɔɔtab.

Rom Yaab 16:23

Gayɔsi, wan gaa min nin biwonjiɛm a laguŋin biɛn kuchɔŋin wee ni mɔ ti-n poor ni. Erasitusi wan ye kitiŋ poolin a lig ŋmagir win, nin ti nabig Kuratusi poor ni.

2 Korenti 1:16

N nan lol le ke, n nan chaa Masedoniya ke, n burin ki nan gɔnn ni, wee ki ji nan nyan Masedoniya ke, n jirin ni ban, wee ni terim wee n jo Judiya.

2 Korenti 11:9

Maah nan be ni ban n-yonn man wee kaa jɔɔ niba-n, amaa maa nan mugir ni ke ni seim niba, ti nabum ban nyan Masedoniya nan seim maah ban nan na. N ŋmag nba le kaa ban n li mugir uba, n le ji yin ŋa man le.

2 Korenti 2:13

Amaa maah kaa nan kan n na a big Tatusi nin yaan ni bu che n sufu kaa nan dɔ, nibu le n chabir nin yaan yaab, le ki jon Masedoniya.

2 Korenti 8:1

Daandaan nan ti nabum, ti ban ni biɛ Uwonbɔr kaah san Masedoniya a wonjiɛm a laginn kunyunyunbaag man le.

2 Korenti 8:19

Nan kpiɛ, biwonjiɛm a laginn nin le ji gann u ke u li nɔɔ ta wee ti tu ipiin yan wee bi nan ŋaan wee yin don uyudaan baantɔɔl a yinl, ki ji wɔɔn taah jɔɔ linunmanl nin ti ter man.

1 Tesalonika 1:8

Ti yudaau a bɔŋann nmɔn kaa nan nyan ni ban ki kɔɔ Masedoniya nin Akaya a binba le, amaa naah ŋa Uwonbɔr yada kan nin pii kɔɔ ilog nan biɛn na. Ni ma bu naa ji kpaan ti pag ni ki kpiɛ,

2 Timoti 4:20

Erasitusi nan paar Korenti a tiŋin na, le Tirofimusi mu buŋ le n jiɛn u Miletusi a tiŋin.