Lituln 19:21 - UWONBƆR A GBƆNPƆŊ LIKƆƆNL

²¹ Ni niɛ nan biɛn kaah tun jon a bɔɔn, le Pɔɔl lol ke un nɔɔ Masedoniya nin Akaya ki jo Jerusalam. Waah nan be niin nmɔn a bɔɔn bu, le Pɔɔl bei u ba ke, “See ke n gɔnn Rom mu.”

Uwumbɔr aagbaŋ

²¹ Nee aapuwɔb, le Pɔɔl nan ban ke u bɔ dii Masedonia aatim ni, ni Akaya aatim ni, ki nin buen Jerusalem. Le u ŋa nlandak ke u yaa buen Jerusalem aatiŋ ni kan, u ga ti buen Rom aatiŋ mu ni.

Lituln 19:21 Iomraidhean Croise

Lituln 16:12

Ti nan nyan nin yaan ki jon Filipi, kitiŋ nmɔn nan be Rom yaab a nɔɔn le ki ye kitiŋ takpeŋ Masedoniya a yerin nin. Ti nan be niin ki yuur wamau.

Lituln 18:12

N-yonn man wee Galio nan ye Akaya a tingbɔŋ a bɔr yudaau win, le Juu yaab nan lagin tab ki tan leg Pɔɔl, ki ta u jon bibɔjib ban.

Lituln 18:21

Amaa waah nan chabir bi n-yonn man nin, le u bei bi ke, “Ni ye Uwonbɔr chee ke n ji li jirin ni ban.” Le ki kɔɔ kuŋaluŋ ki nyan Efesusi.

Lituln 19:22

U nan tun Timoti nin Erasitusi ban ye u toon terib bilee-n le, Masedoniya, amaa le u paar Asiya a tiŋin.

Lituln 19:29

Naa nan yuuri le kitiŋ nmɔn a ninfob fu, ki gaan tijar. Le ki bib Pɔɔl a ninɔɔtab bilee Gayɔsi nin Arisitakusi ban nyan Masedoniya nan, le kuninfogbaluŋin kpab tab ke ninfo uba a danin ki kɔɔ kinaakoog takpoŋin.

Lituln 20:16

Pɔɔl kaa nan ban un sir Efesusi, nan bu-n waa nan ban un yuur Asiya a tiŋin ni, le ki ban weem ke u bi li fir ke, un bin foo Jerusalam, lidaal lan wee bi yi ke, Pentikosi nan a daal.

Lituln 20:22

“Tɔ, daandaan nan Kinaaŋin le che n chaa Jerusalam, amaa maa nyi nan ta li ŋaam nin yaan ni.

Lituln 21:17

Taah foo Jerusalam n-yonn man nin, le biwonjiɛm ban nan be niin nin gaa ti nin npopeen.

Lituln 21:4

Niin le ti kan biwonjiɛm, le ki paar bi ban ki tan kpaa iweehn ilile. Le Kinaaŋ che bi balin Pɔɔl ke, un laa jo Jerusalami.

Lituln 23:11

Le niwonn ki nan be kunyiɛg, le Uyudaan dan nan sir Pɔɔl ban ki ke, “Che a sufu li pɔɔu, ke ŋaah pii jin siɛra man Jerusalam, man le a yin ji n siɛra Rom mu.”

Lituln 27:1

Baah nan nan bei ke ti kɔɔ kuŋaluŋ ki jo Itali nan, le bi nan ta Pɔɔl ki kpiɛ biloondiikɔɔb biba bu ki sei bitɔtogib a sanliiru wan a yinl ye Juliɛsi nan, wee u be bibɔrtiib a yudaau a paabim n yaan nin.

Lituln 27:24

le ki beim ke, ‘Laa san bijawaami, Pɔɔl. A li foo ubɔr Siiza a nintogil, Uwonbɔr li fee fin nin bininfob ban biɛn be kuŋaluŋ nan yaan nan a miɛfol ki jaa fin bu.’

Lituln 28:16

Taah foo Rom n-yonn man nin, le bi jaa Pɔɔl le u be iniin le utɔtogir guu u.

Rom Yaab 1:11

N ban n kan ni le wee ki ta kinaaŋin a piini ibam ki sei ni wee yin sei ni npɔɔn,

Rom Yaab 1:13

N nabum, maa ban ni laa nyi ke iyoo takpem n lolig le ke n dan ni ban (amaa le tibɔr kɔɔ le maa li fir ŋa man ni ki nan kpaa daandaan nan) naah li ŋa man wee n fir ki kan bininfob takpem ni sisiigin, ke maah pii kan man ban kaa ye Juu yaabin a sisiigin biba-n.

Rom Yaab 1:15

Ni ma bu le n numan ke n mɔɔn tibɔŋann nmɔn ki sei nim ban be Rom nan mu.

1 Korenti 16:5

Ni ye n jon Masedoniya ke, ni bɔɔn bu n li dan ni ban n yin nɔɔ Masedoniya paam le.

1 Korenti 4:19

Ni ye Uyudaan chee ke, n li gɔnn ni daandaan nan, naa ye kalanbaanidam nan a pipagir a binba bu le n na yin ligi, amaa n ban n kan npɔɔn man wee bi jɔɔ le.

2 Korenti 10:16

wee ti li fir jo ntim man fɔg ki jon ni yaa tiŋin, ki mɔɔn tibɔŋann nmɔn. Taa ban ti fa ligbingbanl uba kaah tun nan u yerin nin ni.

Galantiya 2:1

Ibin piig nin ina a bɔɔn le n ji nan jon Jerusalam, min nin Banabasi. N nan ta Tatusi tɔɔl jon na.

1 Tesalonika 1:7

Ni ma bu le che nim kpann limagil ki sei biwonjiɛm ban biɛn be Masedoniya nin Akaya a timin.