Lituln 19:10 - UWONBƆR A GBƆNPƆŊ LIKƆƆNL

¹⁰ Ni nan ye man le ki tan kpaa ibin ilee, mambu che Juu yaab nin Girig yaab ban biɛn nan be Asiya a tingbɔŋin nan gbir Uyudaan a bɔr nmɔn na.

Uwumbɔr aagbaŋ

¹⁰ U nan ŋani kina ki ti saa ŋibin ŋilee. Waah ŋa kina ŋibin ŋilee ngbaan pu na, le Asia aatiŋ aanib mɔmɔk, bi ye Juu yaab na, ni bi kaa ye Juu yaab na mɔmɔk ŋun Tidindaan aabɔr.

Lituln 19:10 Iomraidhean Croise

Lituln 13:12

Ubɔr uyudaan nin kaah kan nan tun nin, le u ŋa yada, nan bu-n waah nan kan ntinnim man nyan Uyudaan ban nin le ni ŋa u ligaril.

Lituln 16:6

Kasi a Naaŋ kaah kaa nan chee ke bin mɔɔn tibɔrin nmɔn Asiya a yerin nin ni, le Pɔɔl nin u ninɔɔtabin nan nɔɔ Ferijiya nin Galantiya a tingbɔŋin.

Lituln 18:11

Mambu Pɔɔl nan be niin le libinl nin iŋmal iloob, ki wɔɔn bininfob Uwonbɔr a bɔr.

Lituln 18:4

Le likpakɔɔl daal biɛn ke Pɔɔl n kɔɔ kuwonjiɛndiigin, ki far Juu yaab nin Girig yaab limɔkpel ki ban bin chee u bɔr tan wee u pag tenn bin.

Lituln 19:20

Ni ma nan che Uyudaan a bɔr nmɔn mann mɔɔn ki kɔɔ bininfobin, ki kpiɛ npɔɔn.

Lituln 19:22

U nan tun Timoti nin Erasitusi ban ye u toon terib bilee-n le, Masedoniya, amaa le u paar Asiya a tiŋin.

Lituln 19:8

Pɔɔl nan be Juu yaab a wonjiɛndiigin iŋmal itaa le, ki pag Uwonbɔr a bɔr ki tenn bi nin lipoobil, ki pɔɔn uba ke un kpenn bi potiɛl ki jiin Uwonbɔr a naamin paam.

Lituln 2:9

Ti ni biba nyan Patiya, nin Medisi nin Elam; nin Mesopotamiya, nin Judiya, nin Kapadosiya, nin Pontusi nin Asiya,

Lituln 20:18

Baah tan foo n-yonn man nin, le u bei bi ke: “Ni nyi n binbem kaah nan ye man, maah nan be ni ban nin, maah foon Asiya a tingbɔŋ nan yaan lidaal lan ki nan kpaa dinan.

Lituln 20:31

Ni bu, ni li guu ni ba! Ki li tiɛr ke ibin itaa sɔ le n le kpaan ni biɛn nan nin tinyinyinn, nween nin kunyiɛg.

Lituln 6:9

Le bininfob biba nan fii ki yii Sitifin a bɔr, bi nan ye ‘Yemba’ le ki nyan ban nan kan nŋmarim ki be Juu yaab a wonjiɛn bolin (ke baah yi bi man ni) bi nan nyan Sarene nin Alɛgzandira nin Silisiya, nin Asiya le. Le bi biɛn nan piin ki far limɔkpel nin Sitifin.

Rom Yaab 1:16

Ifa kaa jɔɔm tibɔŋann nin a mɔɔnim bu, nan bu-n ti ye Uwonbɔr a pɔɔm le ki sei ban biɛn ŋa yada ke bin kan feegab: Juu yaab li yin chinn kan feegab le ban kaa ye Juu yaabin mu nin paan.

Rom Yaab 10:12

Juu yaab nin ban kaa ye Juu yaab kaa jɔɔ nbɔgirimi, uyudaan uba nmɔn le ye bi biɛn nan a yudaau le u kaar takpem be ban biɛn yi win nbu,

Rom Yaab 10:18

Amaa le n baan ke, “Baa gbiraa? Ibamɔn bi gbira: “Bininfob gbir bi kukɔl kutingbɔŋ nan a gbanann biɛn na, bi bɔr foo dulinya nan a tariga.”

Galantiya 3:28

Mambu, nbɔgirim kaa ji be ban ye Juu yaab nin ban kaa ye Juu yaab a sisiigin ni, kaa be biyom nin ban ye bi ba nan a sisiigin ni, kaa be bijab nin bipiib mu a sisiigin ni, ni ma bu ni biɛn ye nba le Masiya ni.

Kolosiya 3:11

Ni ma kaa jɔɔ nbɔgirim ban ye Juu yaab nin Girig yaabin, ban jii bi pun nin ban kaa jii bi pun, ban ye bicham nin bidindamin, nin ban jɔɔ kulɔŋ a binbem nin ban jɔɔ kufɔŋ a binbem, biyom nin ban ye bi ba, amaa Masiya le ye bi biɛn le ki be bi biɛn ni.

2 Timoti 1:15

A nyi ke ban biɛn nan be Asiya a yerin n nan labir bi bɔɔn kpaa ma, bi ni bibam le ye Faajɛlusi nin Hɛrimojɛnesi.

1 Piita 1:1

Min Piita wan ye Yisa Masiya a toomin, Le sɔb kugbɔŋ nan ki tenn Uwonbɔr a ninfogannkaab ban ye bicham ki be dulinya ni, ki yal kɔɔ ntimin ki be Pɔntusi nin Galantiya nin Kapadosiya nin Asiya nin Batiniya,

Tibɔkpiirkaan 1:11

ki len ke, “Sɔb nan wee a kan nan ki ŋa kugbɔŋ kpabkaagin ki ta tan sei biwonjiɛm a laginn a kerim milile-n na: Ti ma ye Efesusi, nin Simarina, nin Pagamum, nin Tayatira, nin Sadusi, nin Filadelifiya nin Laodisiya.”

Tibɔkpiirkaan 1:4

Min Jɔnn, le sɔb kugbɔŋ nan ki tenn biwonjiɛm a laginn tilile tan be Asiya a yerin ni: Linyunyunbasanl nin nposɔɔn lan nyan Uwonbɔr ban li be nin ni, Uma wan be, nin wan nan be, nin wan yin dan, ki ji nyan ntinaam milile man be u naangbɔŋin u nintogilin li be ni ban.