Lituln 18:7 - UWONBƆR A GBƆNPƆŊ LIKƆƆNL

⁷ Le Pɔɔl nyan kuwonjiɛndiig nmɔn yaan ki jon tan kɔɔ Tatusi Jasitusi a niin, u nan ye uwonjiɛn le.

Uwumbɔr aagbaŋ

⁷ Le u siir cha bi, ki buen unii ubaa do, bi yin u ke Titius Justus, u nan ye unii u pak Uwumbɔr na. Udo ni mmeen aadiik si gbɔk tɔb la.

Lituln 18:7 Iomraidhean Croise

Jɔnn 9:31

Ti nyi ke Uwonbɔr kaa pelig tibirdam a wonmiɛli. U pelig wan nyi Uwonbɔr ki tun u bamin a wonmiɛl le.

Lituln 10:2

Kɔnelu nin u niin yaab biɛn nan ye biwonsam le. U nan ter bilanjiim pam, ki miɛ Uwonbɔr iyoo biɛn.

Lituln 10:22

Le bi jiin ke, “Kɔnelu le tun ti, u ye Rom yaab a tɔtogib a sanliiru le, ki ye uninfo buchin, ki san Uwonbɔr, le Juu yaab biɛn tenn u jilima. Kasi a malaka le dan ki nan bei u ke un yiŋ wee a dan u niin, wee un gbir nan wee a li pag sei u.”

Lituln 13:42

Pɔɔl nin Banabasi kaah nyan kuwonjiɛndiig nmɔn yaan nin, le bininfob nmɔn balin bi ke bin pɔɔn biba wee ki nan jirin likpakɔɔl daal lan chaan nin, ki nan wɔɔn bi tibɔr nmɔn ki kpiɛ.

Lituln 13:43

Bininfobin kaah nan worin nin, le Juu yaab takpem nin ibol yan nan jiɛn bi kaal wee ki nɔɔ Juu yaab a kaalin, ni nan nɔɔ Pɔɔl nin Banabasi. Le bi pag nin bi ki balin bi ke, bi li nɔɔ Uwonbɔr nin u nyunyunbasanlin.

Lituln 13:50

Amaa le Juu yaab fiin bipiib ban ye biwonsam ki ye biyudam nin kitiŋ nmɔn a yudam. Le bi mugir Pɔɔl nin Banabasi ki ŋɔɔr bi ki nyan bi tiŋin.

Lituln 16:14

Bipiib ban nan ka pelig tibɔr nmɔn, bi ni u ba a yinl le nan ye Lidiya, u nan nyan Tayatira le, ki choon kɔɔr ikinken man yan a daag pɔɔ, ki jiɛn Uwonbɔr. Le Uyudaan loor u sufu le u chee tibɔr tan wee Pɔɔl pagin.

Lituln 17:4

U nan pag ki kpenn Juu yaab biba a lam, le bi nin dan ki nan kpiɛ u ma Pɔɔl nin Silasi bu. Le Girig yaab ban jiɛn Uwonbɔr, nin bipiib ban jɔɔ jilima takpem nan kpiɛ bi bu.

Kolosiya 4:11

Josuwa wan wee bi yi Jasitusi mu poor ni. Bijab bita nmɔn le ye Juu a ninfob ban kpiɛg n bu wee ti tun Uwonbɔr a naam a toon yin nmɔn. Bi sɔŋir n sufu pam.