Lituln 18:4 - UWONBƆR A GBƆNPƆŊ LIKƆƆNL

⁴ Le likpakɔɔl daal biɛn ke Pɔɔl n kɔɔ kuwonjiɛndiigin, ki far Juu yaab nin Girig yaab limɔkpel ki ban bin chee u bɔr tan wee u pag tenn bin.

Uwumbɔr aagbaŋ

⁴ Likpaakool daal mɔmɔk kan, Pɔɔl nan chaa mmeen aadiik ni. Juu yaab ni Griik yaab mu nan bi nima. Le u ni bi gbaa tɔb chee Yesu aabɔr. Le u pɔɔni ubaa ki ban ke bi gaa Yesu ki kii.

Lituln 18:4 Iomraidhean Croise

Tibɔnyaan ti Luk ŋmee ti na 16:31

“Le Abiraham bei u ke, ‘Ni ye baa pel Moziz nin Bilinlem a bɔr ke, uninfo fii nkumin wee ki tan pag sei bi ke baa le yin chee u mɔbi.’ ”

Tibɔnyaan ti Luk ŋmee ti na 4:16

Le Yisa nan jon Nazarif, nan yaan wee bi nan wubiri u, u buwaan nin nan. Le likpakɔɔl daal nan foo, le u kɔɔ kuwonjiɛndiigin, ke waah pii ti kɔɔ man nin, ki nan fii ke un karin Uwonbɔr a gbɔŋ.

Jɔnn 7:35

Le Juu yaabin nin baan tab ke, “Uja nan yin jo laa wee taa li fir ban kan waa? U li jo nan yaan wee ti yaa ninfob yaal ki be Girig yaabin ni, ki tan li wɔɔn Girig yaabaa?

Lituln 13:14

Le bi nyan Pega, ki jon Antiɛg kan be Pisidiya a tiŋin nin. Le likpakɔɔl daal foo le bi kɔɔ kuwonjiɛndiigin ki ka.

Lituln 14:1

Pɔɔl nin Banabasi kaah nan foo Ikoniɛm nan, le bi kɔɔ Juu yaab a wonjiɛndirin, ke baah pii ti ŋaan man nin. Niin le bi nan pag nbamɔm, le Juu yaab nin ban kaa ye Juu yaab takpem ŋa yada.

Lituln 17:11

Beriya a tiŋ a ninfob pel Pɔɔl a bɔrin ki jon Tesalonika yaaba, le ki gaa tibɔrin nin njiɛm takpem ki dibir imɔleen nmɔn lidaal biɛn ki lig njee Pɔɔl kaah pag nan nmɔn sin ye ibamɔn naa.

Lituln 17:17

Le u kɔɔ kuwonjiɛndiigin ki pag tenn Juu yaab nin ban kaa ye Juu yaab ki jiɛn Uwonbɔr nan tibɔr, ki ji chaa bi nyamin idaa biɛn, ki pag nin ban chaan nin yaan nmɔn tibɔr.

Lituln 18:13

Ki tan bei ke, “Uja nan le lar bininfob le bi jiɛn Uwonbɔr nin nsan man kaa nɔɔ ti siimi.”

Lituln 18:19

Le bi nan chaa ki tan foo Efesusi, nan yaan wee Pɔɔl nan jaa Pirisila nin Akula nan, le u tɔɔl jon ki tan kɔɔ Juu yaab a wonjiɛndiigin, ki pag sei Juu yaab nmɔn.

Lituln 19:26

Ni tɔɔl kan ki gbir Pɔɔl nan a bol kaah kpenn bininfob takpem a lam ki lar bi ki kɔɔn kulɔŋ man Efesusi nin Asiya a tingbɔŋin biɛn. U ke tiwann naan wann tan wee bininfob maa-n kaa ye itingban ni.

Lituln 19:8

Pɔɔl nan be Juu yaab a wonjiɛndiigin iŋmal itaa le, ki pag Uwonbɔr a bɔr ki tenn bi nin lipoobil, ki pɔɔn uba ke un kpenn bi potiɛl ki jiin Uwonbɔr a naamin paam.

Lituln 26:28

Le Ubɔr Agiripa jiin Pɔɔl ke, “A tiɛr ke a li fir che n ŋa uwonjiɛn n-yonn wama nan yaan naa?”

Lituln 28:23

Le bi nan siin lidaal lan wee bi li jir u ban, le bininfob takpem nan lagin u niin kɔɔ kaai nmɔn yaan le u piin ki wɔɔn bi Uwonbɔr a naam a bɔr njakpanyiɛn ki tan kpaa kujɔɔg, ki wɔɔn bi Yisa a bɔr tan be Moziz a siimin yaan, nin Uwonbɔr a linlem a sɔbimin kaah ye man ki gbaar un kpenn bi potiɛl wee bin ŋa Yisa yada.

Lituln 9:20

Libol nmɔn le u piin ki mɔɔn Yisa a bɔr tiwonjiɛndirin, ke Yisa ye Uwonbɔr a Big le.

2 Korenti 5:11

Mambu, ti nyi naah ye ti li san Uwonbɔr man, nibu le ti pɔɔgir bininfob a gbanann baah li ta biba ki jirin u ban man. Uwonbɔr nyi ti binbem kaah be man, le n jɔɔ tama ke ni mu nyi n sufu ni naah ye man.