Lituln 18:3 - UWONBƆR A GBƆNPƆŊ LIKƆƆNL

³ u mu kaah nan ye ugbanjab ke baah pii ti tun man nin, mambu le che u nan paar bi ban ki tun nin bi.

Uwumbɔr aagbaŋ

³ Uja ngbaan ni upuu nan jab igban le ki gaal ŋiboo. Baatuln le nan bi na. Pɔɔl aatuln ni baatuln kpaa la. Nima pu le u nan ti bi bido. Le bi tun lituln ngbaan tɔb chee.

Lituln 18:3 Iomraidhean Croise

1 Korenti 4:12

Ti nɔɔi le ti jɔɔ tun itoon nin inunman. Bi poo imɔɔŋ ŋa ti ke, ti mu kaab ikaab ŋan le ki tenn bi, bi mugir ti le amaa le ti mu chee sei bi.

1 Korenti 9:14

Mambu le Uyudaan sei bimɔb ke ban mɔɔn u bɔŋann nin a jiir nya tibɔŋann nmɔn yaan le.

1 Korenti 9:15

Amaa maa ta nsan nmɔn ki tun itoon ni. Kaa ji sɔb ni niɛ ke ni seim niba. N kpo ke ni sɔ nin uba n che n gbingbanfaal n ŋa yɔli.

1 Korenti 9:18

Ke n yɔr le ye ni laa? Ni ye nan le: Tibɔŋannin nmɔn a mɔɔnimin ni ye n mɔɔn ti le ki tenn bininfob le bin gbir ki laa yɔ niba, n jɔɔ nsan nin n gaa niba bi ban amaa n mu kaa gaan ni.

2 Korenti 11:7

Ni nan ye tibir lee nin maah nan jiin nba tum ke ni kan ndom ki mɔɔn Uwonbɔr a bɔŋann nin yɔli ki tenn ni nnaa?

2 Korenti 11:9

Maah nan be ni ban n-yonn man wee kaa jɔɔ niba-n, amaa maa nan mugir ni ke ni seim niba, ti nabum ban nyan Masedoniya nan seim maah ban nan na. N ŋmag nba le kaa ban n li mugir uba, n le ji yin ŋa man le.

2 Korenti 12:13

Ba a bɔgirim be nim nin ni wonjiɛn tab bimiɛnin a sisiigin naa? Maah kaa nan ye litugil ki sei ni nbuu? Ni jiɛn per ma.

1 Tesalonika 2:9

Ibamɔn buu, n nabum, ni li tiɛr ke taah mɔɔn Uwonbɔr a bɔŋann nin ki tenn nin, ti yaa baginn nin ti pɔɔninba-n; ti tun itoon nin le nween nin kunyiɛg naah li ŋa man wee ti laa ye litugil ki sei ni ni uba.

1 Tesalonika 4:11

Ni che ni li ye ni toonl ke ni li be nbinben ŋan, ki che ni baga li be ni tɔɔl a toon yin ki li jɔɔ ni nɔɔi tun ki jiu, ke taah bei ni man nin,