Lituln 17:14 - UWONBƆR A GBƆNPƆŊ LIKƆƆNL

¹⁴ Libonl nmɔn le biwonjiɛmin nan chiɛn Pɔɔl nin biba ki tan jaa bi limɔgil a gbaam, amaa le Silasi nin Timoti ma paar Beriya.

Uwumbɔr aagbaŋ

¹⁴ Libuul ngbaan ni, le Yesu aanib cha Pɔɔl siir buen ki dii nsan mu cha nnyusakpem aagbaan na. Sailas ni Timoti ma nan bee Berea aatiŋ ni.

Lituln 17:14 Iomraidhean Croise

Matiu 10:23

Bi nan mugir ni kitiŋ kiba ni ke, ni nya niin wee ki lɔŋ ki tɔu; N bei ni ibamɔn le, naa li fir gɔnn Juu yaab a tim nan biɛn ni, le Uninfosaal a Big ndan.

Lituln 1:15

Iyaayoo nmɔn le Piita nan fii sir biwonjiɛm ban nan lagin a sisiigin, (bi na li foo bininfob kobig nin pilee paam)

Lituln 15:22

Le itoon nin bisanliibin, nin biwonjiɛmin biɛn lol ki nyan bibam bi ni, ki tun bi ma nin Pɔɔl nin Banabasi le bi jon Antiɛg. Le bi nan gann Judasi, (wan a yinl ye Basabasi) nin Silasi. Bijab bilee nmɔn le nan ye biwonjiɛm nmɔn a sanliib.

Lituln 16:1

Le Pɔɔl foon Deba, le ki jon foo Lisitira, nan yaan wee u kan ubɔɔnɔɔr wan wee bi yi u ke Timoti. Wan a na nan ye Juu a ninfou ki ye yada daan ni, amaa le u baa ye Girig a ninfou.

Lituln 17:10

Naah nan bɔŋ n-yonn man nin, le biwonjiɛmin nan chabir Pɔɔl nin Silasi le bi jon Beriya. Baah nan foo-n le bi kɔɔ Juu yaab a wonjiɛndiigin.

Lituln 17:15

Bininfob ban nan chiɛn Pɔɔl nan ta u foo Atensi le, ki nin jir kun, le Pɔɔl bei bi ke bin tan bei Silasi nin Timoti ke bin dan u ban weem.

Lituln 17:4

U nan pag ki kpenn Juu yaab biba a lam, le bi nin dan ki nan kpiɛ u ma Pɔɔl nin Silasi bu. Le Girig yaab ban jiɛn Uwonbɔr, nin bipiib ban jɔɔ jilima takpem nan kpiɛ bi bu.

Lituln 17:6

Amaa baah kaa nan kan bi n-yonn man ni, le bi choo Jasonn nin nnabum biba, ki dar bi dan kitiŋin a ninkpeeb ban, ki tiɛn ke “Bininfob nan le nan mugir bininfob ntim biɛn nin, le ki nan dan do nan mu,

Lituln 18:5

Le Silasi nin Timoti nan nyan Masedoniya ki dan. Le Pɔɔl nin ta u toon yin ki jiɛn ki nin ta u saŋi biɛn ki sei Yisa a bɔr n-yaa mɔɔnim, ki wɔɔn Juu yaab ke Yisa le ye Masiya.

Lituln 19:22

U nan tun Timoti nin Erasitusi ban ye u toon terib bilee-n le, Masedoniya, amaa le u paar Asiya a tiŋin.

Lituln 20:3

ki be niin iŋmal itaa. U nan ŋa u sili le ke un jo Siriya, amaa le ki gbir ke Juu yaab lolig nlolbirim le u bu, le u lol ke, un jir nɔɔ Masedoniya paam le.

Lituln 9:25

Kitiŋ nmɔn a gonl nan jɔɔ libonl. Le Sɔɔl a bɔɔnɔɔb yuur u kunyiɛg ki ŋa kukachiɛg takpeŋin, ki ta u nyan kitiŋ nmɔn a gonl a bonlin yaan.

Lituln 9:30

N-yonn man wee n nabumin nan nan biɛ man ni, le bi ta Sɔɔl jon Sizariya a tiŋin, le ki che u kun Tarsusi.

1 Timoti 1:3

Ke maah pii nan beiŋ man n-yonn man wee n nan jon Masedoniya-n, li be Efesusi wee ki che bininfob bibam nlaa ji wɔɔn tibɔkari,

Taitus 1:5

Nan bu wee n nan jiɛn niŋ Kereti a tiŋin nin nan ye nan le, n nan ban a gbaar itoon yan nan gur kaa diɛ n le ki sin gann bininkpeeb ntim biɛn nin ke maah nan wɔɔniŋ man nin.