Lituln 16:25 - UWONBƆR A GBƆNPƆŊ LIKƆƆNL

²⁵ Le kunyiɛgtasiig le Pɔɔl nin Silasi nan miɛ Uwonbɔr ki gaa liwonpagil a lai-n ki pagir Uwonbɔr, le ban loo kpiɛ bi bu-n nin pelig.

Uwumbɔr aagbaŋ

²⁵ Kinyetaasiik le Pɔɔl ni Sailas bi mee Uwumbɔr, ki gaa ilahn ki pak u. Le binaagbiib biken ka pel.

Lituln 16:25 Iomraidhean Croise

Tibɔnyaan ti Luk ŋmee ti na 22:44

Le waah nan be nton ni bu le u miɛ Uwonbɔr nin u pɔɔm biɛn. Le kutuntoŋ nan pɔɔ u bu ki nann ncham ki too tum.

Lituln 15:22

Le itoon nin bisanliibin, nin biwonjiɛmin biɛn lol ki nyan bibam bi ni, ki tun bi ma nin Pɔɔl nin Banabasi le bi jon Antiɛg. Le bi nan gann Judasi, (wan a yinl ye Basabasi) nin Silasi. Bijab bilee nmɔn le nan ye biwonjiɛm nmɔn a sanliib.

Lituln 16:19

Kiyom bisiɛg nmɔn a dam kaah nan biɛ ke baa ji li kan ilig kibisiɛgin ban nin, le bi choo Pɔɔl nin Silasi ki dar bi jon kitiŋ nmɔn a bɔjib ban kinyaŋin ban jɔɔ tininkper a pɔɔm ban.

Lituln 16:33

Lidaal a nyiɛg, le uloondiiguurin nan ŋunn bi biɛi; le u ma nin u niin yaab biɛn nan gaa Uwonbɔr a nyunful.

Lituln 5:41

Le itoon nin nan nyan Juu yaab a yudamin ban nin nmɔn, nin baah kpaan nin bin ji ifa Yisa a yinl bu-n.

Rom Yaab 12:12

Ni che ni li mɔ na ni tama ni, ki li jɔɔ limɔril ni bɔr mugkaarin, ki li jɔɔ yada ni wonmiɛlin.

Rom Yaab 5:3

Naa ye man a binba, amaa ti fala a jimin gbaa ni mɔ ti le, nan bu-n fala a jim le jɔɔ nnyiginim chaan;

2 Korenti 6:10

ti jɔɔ npoobiin, amaa le iyoo biɛn ke ni mɔ ti, ti ye faladam le, amaa le ti che bininfob takpem kpann bijɔɔndam; taa jɔɔ niba, amaa le ki sin jɔɔ niwann biɛn.

Efesusi 5:19

Ni li pag tenn tab nin ilan na, liwonpagil a lan, nin Kinaaŋ a lan. Ki li gaah ilan ki pagir Uyudaan ni sufu-n na,

Filipi 2:17

Hali ni ye bi kpaarim le wur ke libawol a daam le bi ta mann kumanug ki jiin ni yada kan wee ni jɔɔ nin Uwonbɔr n bu ke, n pool peen le ni mɔm ni biɛn nan bu.

Kolosiya 1:24

Daandaan nan ni mɔm, nin maah jin fala kan nim bu-n, le n la gbee nin fala nmɔn le n gbanann nin ki jin nan la paar Masiya a fala a jimin paam, u gbanann nmɔn le ye biwonjiɛm a laguŋ.

Hiibru Yaab 5:7

Yisa kaah nan be dulinya nan yaan n-yonn man nin, u nan miɛ Uwonbɔr le ki bei U waah ban nan, ki mɔr nkukɔpɔɔn nin tinyinyinn ki ŋaan U, Uwonbɔr wan li fir fee u nkumin nin, waah nan jɔɔ jiininba ki tenn Uwonbɔr nin limɔcheelin bu le U nan gbir u miɛm.

Jemisi 1:2

N nabum, ni ye nbigim man biɛn dan ni bu ke, ni che ni li ye nmɔn takpen ki sei na,

Jemisi 5:13

Ni ni uba be tibɔmugkaarin naa? Un miɛm Uwonbɔr. Ni ni uba jɔɔ lipoopenl laa? Ni che un gaah ilan ki pag Uwonbɔr.

1 Piita 4:14

Ni ye bi sug ni Masiya a yinlin bu ke, ni kan tikaara, nan bu-n Kinaaŋ a pag nin Uwonbɔr be nin ni.