Lituln 15:22 - UWONBƆR A GBƆNPƆŊ LIKƆƆNL

²² Le itoon nin bisanliibin, nin biwonjiɛmin biɛn lol ki nyan bibam bi ni, ki tun bi ma nin Pɔɔl nin Banabasi le bi jon Antiɛg. Le bi nan gann Judasi, (wan a yinl ye Basabasi) nin Silasi. Bijab bilee nmɔn le nan ye biwonjiɛm nmɔn a sanliib.

Uwumbɔr aagbaŋ

²² Jems aah len ti doo na, le Yesu aakpambalb, ni Yesu aanib mɔmɔk, ni baaninkpiib kpokl ke bi ga nya bi ponn ni bijab bibaa, ki di kpee Pɔɔl ni Banabas pu, ki tun bi Antiok aatiŋ ni, bi ti di kigbaŋ ngbaan tii bi. Le bi nyan bijab bilee. Bi yin ubaa ke Judas Basabas, ki yin uken ke Sailas. Bijab bilee ngbaan nan ye biyidam le Yesu aanib ponn ni.

Lituln 15:22 Iomraidhean Croise

Lituln 1:23

Le bi nyan bijab bilee: Josef wan wee bi nan yi u ke Basabasi, (bi ji yi u ma le Jasitusi) nin Matiyasi.

Lituln 11:19

Yisa a bɔɔnɔɔb ban nan kan limugil Sitifin a kum a yonn nin, bi nan worin le ki jon ntim man fɔg, ki tan kpaa Fonisiya, nin Saipuru, nin Antiɛg ki jɔɔ Yisa a bɔr ki mɔɔn tenn Juu yaab a binba.

Lituln 11:20

Le Yisa a bɔɔnɔɔb biba nyan Saipuru, nin Sarene ki jon Antiɛg, ki tan be mɔɔn ti Uyudaan Yisa a bɔŋann nin ki tenn ban kaa ye Juu yaabin.

Lituln 11:22

Biwonjiɛm a laguŋ kan be Jerusalam nan gbir tibɔr nmɔn le ki tun Banabasi jon Antiɛg a tiŋin.

Lituln 11:27

Iyaayoo nmɔn le bilinlem biba nyan Jerusalam, ki dan Antiɛg a tiŋin.

Lituln 15:23

Le bi nan sɔb kugbɔŋ nan ki tun bi: Yisa a tooi nin biwonjiɛm a sanliib nin ban ye ni nabum le sɔb kugbɔŋ nan, Ki tenn nim yadadam ban kaa ye Juu yaab wee ki be Antiɛg nin Siriya nin Silisiya: Ti poor ni.

Lituln 15:25

Ni bu le ti chee ki gann bininfob biba bi ma nin ti jɔtiib Banabasi nin Pɔɔl ke bin dan ni ban,

Lituln 15:27

Nima bu le ti tun Judasi nin Silasi ke bin nan ta bi mɔb ki pag bei ni ta sɔb nan.

Lituln 15:3

Le biwonjiɛm a laguŋin nan tun bi, le baah nan choon ki nɔɔ Fonisiya nin Samariya nan, le bi bei bi ban kaa ye Juu yaabin kaah kpenn bi binbem ki ta biba ki sei Uwonbɔr man. Tibɔr nmɔn nan mɔŋ biwonjiɛm pam.

Lituln 15:30

Le bi tun bi, le bi jon jir Antiɛg, nin yaan le bi lagin biwonjiɛm a laguŋin biɛn ki sei be kugbɔŋin.

Lituln 15:32

Judasi nin Silasi ban mu nan ye bilinlemin, nan pag takpem le ki pɔɔg biwonjiɛm nmɔn a gbanann nin bi sufu.

Lituln 15:40

Amaa le Pɔɔl mu gann Silasi. Le biwonjiɛmin ta bi ki ŋa Uwonbɔr a nyunyunbasanlin le bi jon.

Lituln 16:19

Kiyom bisiɛg nmɔn a dam kaah nan biɛ ke baa ji li kan ilig kibisiɛgin ban nin, le bi choo Pɔɔl nin Silasi ki dar bi jon kitiŋ nmɔn a bɔjib ban kinyaŋin ban jɔɔ tininkper a pɔɔm ban.

Lituln 16:25

Le kunyiɛgtasiig le Pɔɔl nin Silasi nan miɛ Uwonbɔr ki gaa liwonpagil a lai-n ki pagir Uwonbɔr, le ban loo kpiɛ bi bu-n nin pelig.

Lituln 16:29

Le uloondiiguurin ke bin sei nŋmi ni, le ki guun kɔɔ weem ki jegil, ki tan gbaan tum Pɔɔl nin Silasi a nintogil.

Lituln 17:10

Naah nan bɔŋ n-yonn man nin, le biwonjiɛmin nan chabir Pɔɔl nin Silasi le bi jon Beriya. Baah nan foo-n le bi kɔɔ Juu yaab a wonjiɛndiigin.

Lituln 17:14

Libonl nmɔn le biwonjiɛmin nan chiɛn Pɔɔl nin biba ki tan jaa bi limɔgil a gbaam, amaa le Silasi nin Timoti ma paar Beriya.

Lituln 17:4

U nan pag ki kpenn Juu yaab biba a lam, le bi nin dan ki nan kpiɛ u ma Pɔɔl nin Silasi bu. Le Girig yaab ban jiɛn Uwonbɔr, nin bipiib ban jɔɔ jilima takpem nan kpiɛ bi bu.

Lituln 18:5

Le Silasi nin Timoti nan nyan Masedoniya ki dan. Le Pɔɔl nin ta u toon yin ki jiɛn ki nin ta u saŋi biɛn ki sei Yisa a bɔr n-yaa mɔɔnim, ki wɔɔn Juu yaab ke Yisa le ye Masiya.

Lituln 8:14

Yisa a toon ban be Jerusalam nan kaah gbir ke Samariya yaab gaa Uwonbɔr a bɔrin ni, le bi tun Piita nin Jɔnn bi ban.

2 Korenti 1:19

Amaa Uwonbɔr a bija Yisa Masiya wan wee min nin Silasi nin Timoti nan mɔɔn u bɔr ki sei nin, waa ye “Nn” nin “Aai,” amaa u ma bu ke iyoo biɛn u “Nn” le ye “Nn” le.

1 Tesalonika 1:1

Min Pɔɔl nin Silasi nin Timoti; Le sɔb kugbɔŋ nan ki tenn Tesalonika a wonjiɛm a laguŋ kan wee ti Baa Uwonbɔr nin ti yudaau Yisa Masiya ye-n; Uwonbɔr a kaar nin nposɔɔn li be nin ni.

2 Tesalonika 1:1

Min Pɔɔl nin Silasi nin Timoti, Le sɔb kugbɔŋ nan ki tenn biwonjiɛm a laguŋ kan be Tesalonika ki be nin ti Baa Uwonbɔr nin ti Yudaau Yisa Masiya bu:

1 Piita 5:12

Silasi wan wee n nyi ke u ye uwonjiɛn ibamɔn nin, li terim le n sɔb kugbɔŋ nan wama, ke n pɔɔg ni gbanann wee nin jin siɛra ke nan be nan ye Uwonbɔr a nyunyunbasanl le ibamɔn. Mambu ni li ŋmag ni nin nbamɔma.