Lituln 15:12 - UWONBƆR A GBƆNPƆŊ LIKƆƆNL

¹² Le kulaguŋin nmɔn yaab jir ŋmin soon, ki nin pelig Banabasi nin Pɔɔl kaah pag Uwonbɔr kaah ta bi tun ligaril a siɛra nin lijinjeel a toonl man, ban kaa ye Juu yaabin a sisiigin.

Uwumbɔr aagbaŋ

¹² Piita aah len kina na, le bi mɔmɔk ŋmin, ki pel Banabas ni Pɔɔl aah len pu na. Le bi tuk bi Uwumbɔr aah ŋa pu ki cha bi tun lijinjiir aatun binib bi kaa ye Juu yaab na aakaasisik ni na.

Lituln 15:12 Iomraidhean Croise

Jɔnn 4:48

Le Yisa bei u ke, “Naa ye ni nan kan ligaril a siɛram nin ijenjee a toon ke, naa jɔɔ ni ŋa yada.”

Lituln 14:27

Baah nan foo Antiɛg nan, le bi bei biwonjiɛm a laguŋin Uwonbɔr kaah ta bi tun man, nin waah loor nsan man ki sei ban kaa ye Juu yaab wee bi ŋa yada man.

Lituln 15:3

Le biwonjiɛm a laguŋin nan tun bi, le baah nan choon ki nɔɔ Fonisiya nin Samariya nan, le bi bei bi ban kaa ye Juu yaabin kaah kpenn bi binbem ki ta biba ki sei Uwonbɔr man. Tibɔr nmɔn nan mɔŋ biwonjiɛm pam.

Lituln 15:4

N-yonn man wee bi foon Jerusalam nan, le biwonjiɛm a laguŋ nin Yisa a toon nin bisanliibin gaa bi kuchɔŋ. Le Pɔɔl nin Banabasi bei bi niwann nan biɛn wee Uwonbɔr che bi tun.

Lituln 21:19

Le Pɔɔl poor bi, ki wɔɔn bi Uwonbɔr kaah tun nan ki sei ban kaa ye Juu yaabin u ma Pɔɔl a toon yin.

Rom Yaab 15:18

Maa li nyi ki pag niba wee naa ye Masiya kaah taam tun litoonl lan ni, ke n liin ban kaa ye Juu yaabin a sam ki wɔɔn bi wee bin chee Uwonbɔr a mɔb nin maah wɔɔn bi man nin maah tun man.