Lituln 14:22 - UWONBƆR A GBƆNPƆŊ LIKƆƆNL

²² ki pɔɔgir bi bɔɔnɔɔbin a gbanann nin bi sufu ke bi mann sir bi yada bu nin ibamɔn na. “Ni kpaa le nin ti kɔɔ tibɔmug kaarin takpem wee ki nin nan kɔɔ Uwonbɔr a naamin.”

Uwumbɔr aagbaŋ

²² Baah dii ntim ngbaan ni na, le bi pɔɔk Yesu aanib aataakpab, ki toor tuk bi Uwumbɔr aabɔr, le ki tuk bi ke bi sil Yesu aachaŋ ni, ke binib yaa ban bi koo Uwumbɔr aanaan ni kan, bi ga ji falaa sakpen le ki nin koo ni.

Lituln 14:22 Iomraidhean Croise

Matiu 10:38

le wan kaa ta u kum a dapunpunl ki nɔɔm ke, waa kpaan nin un ŋa n bɔɔnɔɔru wi.

Matiu 16:24

Amaa le ki bei u bɔɔnɔɔb ke, “Wan ban un nɔɔm ke, see ke u yii u ba le ki yuur u kum a dapunpunl ki nɔɔm.

Matiu 19:24

N ji bei ni le ke, ni pɔɔ pam nin ujɔɔndaan nnan kɔɔ paab a naamin ki jon alakoomi kaah li kuur siɛrig a bolin ki nyau.”

Tibɔnyaan ti Mak ŋmee ti na 10:30

u na li kan tiwann ke tin jo waah nan jiɛn tiwann tan ni biɛn. U na li kan iniin, nin watiib nin kpetiib, nin ninsiɛb, nin nam, nin nbum, nin tikpaann, a kobig kobig kutingbɔŋ nan yaan, ki biɛ na li kan limugil ki kpiɛ; le n-yonn man chaan nan le un nan kan limiɛfol lan kaa jɔɔ ndiɛm nan.

Tibɔnyaan ti Mak ŋmee ti na 9:47

A numbil mu li ti ji yin che a yiim ke, a logir mi ki nyan na, ni ŋan nin uninfo li jɔɔ nnumbim nba ki tan kɔɔ Uwonbɔr a niin a naamin ki jon nin u li jɔɔ inunbil ilee wee ki tan kɔɔ nŋmi man kaa jɔɔ njunim n-yaan na.

Tibɔnyaan ti Luk ŋmee ti na 24:26

Naa ye ni kpaa le ke Masiya n ji fala nmɔn, wee ki nan kɔɔ u pagin naa?”

Jɔnn 15:18

“Ni ye dulinya nan yaab nan ni ke, ni li nyi ke bi nan chinn nan min le.

Jɔnn 15:20

Ni li tiɛr imɔbon yan wee n nan pag ki sei nin na: ‘Utoontunn kaa yab jon u daau wi.’ Ni ye bi nan mugirim ke, bi li mugir ni mu. Ni ye bi chee sei n wɔɔm ke, bi li chee sei ni mu a wɔɔm.

Jɔnn 16:33

“N bei ni ni niɛ nan, naah li ŋa man wee ni li jɔɔ nposɔɔn nni. Dulinya nan yaan ni li kan tibɔmugkaar. Amaa ni che ni sufu li pɔɔu! N nyaŋ dulinyau.”

Jɔnn 3:5

Le Yisa jiin ke, “N beiŋ ibamɔn le, uba kaa li fir kɔɔ Uwonbɔr a naamin ni, see ke bi ma u nin nnyum nin Kasi a naaŋin.

Lituln 11:23

Waah nan tan foo niin ki kan Uwonbɔr kaah sei bi literil man nin, le ni mɔŋ u, le u kɔɔn bi biɛn lipoobil, ki bei bi ke bi li nɔɔ Uyudaan nin bi sufu biɛn nin ibamɔn.

Lituln 11:26

waah nan tan kan win, le u ta u jirin Antiɛg. Libinmunl le Banabasi nin Sɔɔl nan be nin biwonjiɛm a laguŋ ki wɔɔn bininfob takpem. Bi bɔɔnɔɔb nmɔn le nan ye chinchinn a wonjiɛm Antiɛg a tiŋin.

Lituln 11:29

Le Yisa a bɔɔnɔɔbin lol ke bin ter biwonjiɛn tab ban be Judiya a tiŋin uninfo biɛn kaah li fir man a tarig.

Lituln 13:43

Bininfobin kaah nan worin nin, le Juu yaab takpem nin ibol yan nan jiɛn bi kaal wee ki nɔɔ Juu yaab a kaalin, ni nan nɔɔ Pɔɔl nin Banabasi. Le bi pag nin bi ki balin bi ke, bi li nɔɔ Uwonbɔr nin u nyunyunbasanlin.

Lituln 14:20

Amaa bi bɔɔnɔɔbin kaah nan lagin ki gɔɔn win a bɔɔn le u fii ki jir kitiŋ nmɔn yaan. Le ni won kutaag le uma nin Banabasi jon Deba.

Lituln 14:28

Le bi nan paar nin yaan ki be nin bi bɔɔnɔɔbin ki yuur takpem.

Lituln 15:32

Judasi nin Silasi ban mu nan ye bilinlemin, nan pag takpem le ki pɔɔg biwonjiɛm nmɔn a gbanann nin bi sufu.

Lituln 15:41

Le u nɔɔ Siriya nin Silisiya a timin ki pɔɔgir biwonjiɛm a laginn a gbanann.

Lituln 18:23

Waah jin n-yonn wama Antiɛg nmɔn a bɔɔn bu, le Pɔɔl ji nan nyan nin yaan ki choon ntim ntim Galantiya nin Ferijiya a tinbumin ki pɔɔgir bi bɔɔnɔɔbin a sufu.

Lituln 6:7

Le bi mann mɔɔn Uwonbɔr a bɔrin. Le Yisa a bɔɔnɔɔb ban be Jerusalam nan a kanl nan kpiɛ weem weem, le Uwonbɔr a minmanib takpem chee Yisa a bɔŋann nin ki ŋa u yada.

Lituln 9:16

N li wɔɔn u naah kpaa talar nin un ji fala N yinlin bu man.”

Rom Yaab 8:17

Daandaan nan ni ye ti sin ye Uwonbɔr a buwaab ke, man ke ti ye U faajib le, tim nin Masiya le lagin ki ye Uwonbɔr a faajib, ni ye tim nin Masiya lagin ki jin U fala-n ke tim nin U ma ji na yin lagin kan U pag.

1 Korenti 1:8

U li ŋmag ni nbamɔm hali nin ndiɛm, wee ni laa nan jɔɔ igalin ti Yudaau Yisa Masiya a jirin daali.

Filipi 1:29

Uwonbɔr pii sei ni nsan ke ni li tun tenn Masiya wee ni laa pa ye naah ŋa u yada n yaa binba, amaa ke ni ji fala mu u bu.

Kolosiya 1:23

ni ye ni yin gbaa be nin ni yada ke, ki si chib, kaa fɔɔr tama kan wee tibɔŋann nin ŋmagin ke, ti ma ye tibɔŋann tan wee ni gbirin, wee bi mɔɔn ti sei kuwonaaŋ biɛn dulinya nan yaan, tan bu wee min Pɔɔl kpann utoontunn.

1 Tesalonika 3:13

Un pɔɔg ni sufu wee ni laa jɔɔ igbarigi ki li be kasi ti Baa Uwonbɔr a nintogil n-yonn man wee ti Yudaau Yisa na li foon nin u kasi a ninfobin.

2 Timoti 1:8

Mambu laa san ifa nin a ji ti Yudaau a siɛra bee min wan ye u loondikɔɔru win a siɛra, amaa Uwonbɔr a pɔɔm bu che min nin fin nlagin ki ji fala tibɔŋann nan bu,

2 Timoti 3:12

Ibamɔn, uninfo wan biɛn ban un be Uwonbɔr a bam Masiya a yinl bu li kan limugil,

1 Piita 2:21

Ni nan bu le Uwonbɔr nan yin ni, nan bu-n Masiya nan jin fala ni bu-u, ki wɔɔn ni limagil, ke ni li nɔɔ u tabogi ya.

1 Piita 5:10

Le Uwonbɔr wan ye linyunyunbasanl biɛn daan ni, wan yin ni ke ni kan u pag kan kaa jɔɔ diɛm Masiya nin, naah jin fala wama a bɔɔn nin, Uma tɔɔl le ji li jiin ni siin ni yada-n ki che ni pɔɔg, le ni sir kenken.

1 Piita 5:9

Ni laa chee, ki li ŋmag ni yada kenken na, nan bu-n ni nyi ni nabum ban be dulinya munl nan biɛn be man a fala ni le.

2 Piita 1:11

man le li che ni ga ipoor ŋan ki kɔɔ nnaam man kaa jɔɔ diɛm ti Yudaau nin ti feeru Yisa Masiya nin.

Juud 1:3

N jɔtiib, hali maah nan jɔɔ inunman ke n sɔb kugbɔŋ ki sei ni ki ta jiin nŋmarim man wee ti nan por nin tabin paami, n lig ki miin ni kpaa le nin n sɔb ki balin ni wee ni li kɔn yada kan wee Uwonbɔr nan ta ŋubin u ninfogannkaabin a nɔɔn nin buu.

Tibɔkpiirkaan 1:9

Min, Jɔnn wan ye ni nabig, wee ki ye ni kpiɛg ti fala-n nin ti naamin nin ti mɔril a nyiginimin nan ye ti yaan Yisa bu-n, wee ki nan be ligungonl lan be nnyum a sisiigin Patmosi-n Uwonbɔr a mɔleen bu nin maah ye Yisa a siɛra bu-n.

Tibɔkpiirkaan 2:10

Ni laa che bijawaam jɔɔ ni fala kan wee ni yin ji nbu. N bei ni le, Sintani li loon nim bibam tiloondirin ki mag ni, le nin che ni ji fala iweehn piig. Ni le li ŋmag ni yadau, hali ni le ye nkum ke ni, wee n nan sei ni limiɛfol a yuchigirig.

Tibɔkpiirkaan 7:14

Le n jiin ke, “N yudaau, fin le nyi.” Le u len ke, “Bi ma ye ban nyann limug takpenl a poolin; ki ye ban wee bi ta Kipeebigin a cham ki ŋunn biwan yɔɔr le ti nin peen.