Lituln 14:19 - UWONBƆR A GBƆNPƆŊ LIKƆƆNL

¹⁹ Le Juu yaab biba nyan Antiɛg kan be Pisidiya a tiŋin, nin Ikoniɛm a tiŋin, ki dan ki nan pag ki sei kuninfogbaluŋin ki bii Pɔɔl nin Banabasi. Le bi gabir Pɔɔl itangbag ki fuul u nyan kitiŋ nmɔn a gbaam, ki tan gab ki nyi ke u kpo le.

Uwumbɔr aagbaŋ

¹⁹ Le Juu yaab bibaa nyan ni Antiok aatiŋ ni, ni Ikonium aatiŋ ni, ki dan Listra aatiŋ ni, bi nan bii Pɔɔl ni Banabas ki cha binib gee liŋuul bi pu. Le bi mae Pɔɔl ŋitakpal, ki dar fuul u nyan kitiŋ ni, ki ti di bil, ki dak ke u kpo, le ki siir cha u.

Lituln 14:19 Iomraidhean Croise

Lituln 13:14

Le bi nyan Pega, ki jon Antiɛg kan be Pisidiya a tiŋin nin. Le likpakɔɔl daal foo le bi kɔɔ kuwonjiɛndiigin ki ka.

Lituln 13:45

Juu yaab kaah nan kan kuninfogbaluŋin le ni ŋa bi lipiiponl, le bi pag bii Pɔɔl a wɔɔmin.

Lituln 14:1

Pɔɔl nin Banabasi kaah nan foo Ikoniɛm nan, le bi kɔɔ Juu yaab a wonjiɛndirin, ke baah pii ti ŋaan man nin. Niin le bi nan pag nbamɔm, le Juu yaab nin ban kaa ye Juu yaab takpem ŋa yada.

Lituln 14:18

Hali Pɔɔl nin Banabasi kaah le pag man ni nmɔn biɛn na, ni nan pɔɔ le nin bin fir gɔɔ kuninfogbaluŋin nmɔn ke bi laa mann kumanug ki sei bi.

Lituln 14:2

Amaa Juu yaab ban kaa nan chee ŋa yada-n nan bii ban kaa nan ye Juu yaabin a sufu le. Le bi ŋuui fii biwonjiɛmin bu.

Lituln 14:21

Bi nan mɔɔn tibɔŋann nmɔn le kitiŋ nmɔn yaan le bininfob takpem ŋa bi bɔɔnɔɔb. Le bi jir jon Lisitira, nin Ikoniɛm nin Antiɛg,

Lituln 14:26

Le bi nyan Ataliɛn ki kɔɔ kuŋaluŋ ki jir Antiɛg, nin yaan le bi nan ta bi ŋa Uwonbɔr a nyunyunbasanlin, nin baah tun itoon ki diɛ nbu.

Lituln 14:4

Le kitiŋ nmɔn a ninfob bɔgir nin tab; biba nan si Juu yaabin a chaŋ le, le biba mu si Yisa a tooi yin a chaŋ.

Lituln 14:5

Le Juu yaab nin ban kaa ye Juu yaabin, nin bi tiŋ nmɔn a yudam lagin tab, ki lol ke bin jin itoon nin fala ki gabir bi itangbag.

Lituln 15:26

ban junn bi miɛfol ti Yudaau Yisa Masiya a yinl bu-n.

Lituln 17:13

Juu yaab ban be Tesalonika nan kaah gbir ke Pɔɔl be mɔɔn Uwonbɔr a bɔr le Beriya a tiŋin nin, le bi tɔɔl jon niin ki tan pag ki bii Pɔɔl, ki fiin kuninfogbaluŋin a ŋuui, ke bin ŋɔɔr wa.

Lituln 22:20

Le baah nan ke bin ku a siɛradaau Sitifin nin, n tɔɔl nan be niin, ki chee ke bin ku mu. Min le ji nan ŋmag ban nan ku win a wan yɔɔr.’

Lituln 7:58

le ki dar u nyan kitiŋ nmɔn a gbaam, ki tan gabir u itangbag. Ki miin siɛra jibin ta bi wan yeer ki bil unaachipɔɔn wan wee bi yi u ke Sɔɔl nan a tatum, le ni wɔɔn ke nkum nmɔn tɔɔ u yaa yul bu le.

Lituln 9:16

N li wɔɔn u naah kpaa talar nin un ji fala N yinlin bu man.”

1 Korenti 15:31

N nabum, n be nkum a daŋin le lidaal biɛn, n jɔɔ ligbingbanfaal nin taah jɔɔ nbinben man ti Yudaau Masiya-n nin bu, ni ma bu le n len man.

2 Korenti 11:23

Bi ye Masiya a toontum lee? (N nann uwaar le maah pag man nin nbu.) Min jon ba, ki kɔɔ tiloondirin ke naa jɔɔ tarigi, le bi boom inaanbaan te-n, le n kan kininbɔŋ kan mal nkum jigin.

2 Korenti 11:25

Rom yaab nan boom ilanbɔn nfim mitaa. Bininfob nan gabirim itangbag isaŋ iba ki nyi ke n kpou. Tiŋalin nan labirim ki chigin nnyumin nfim mitaa, le n be limɔgilin liwonmunl nin kunyiɛmuŋ.

2 Korenti 11:26

N sanchonl a poolin, n nan ti ga kininbɔŋ ikpen ni, ki ji ga kininbɔŋ bininfob ban feen ban, nin n tɔɔl a tiŋ a ninfob ban, nin ban kaa ye Juu yaab ban, ki ji ga kininbɔŋ ntintakpemin, nin itindoo-n nin imɔgin nin n nabum ban choon ki larin ban.

1 Tesalonika 2:14

Amaa nim ban ye ti nabum nan, ni toog biwonjiɛm a laginn ban be Judiya wee ki be Masiya ni nle. Ni jin fala ni tɔɔl a bol yaabin le ke biwonjiɛm a laginn nmɔn kaah nan jin fala Juu yaab a nɔɔn man nin,

2 Timoti 3:11

nin baah mugirim man, nin n fala a jim, nin tiwann tan biɛn nan kam Antiɛg, nin Ikoniɛm nin Lisitira, nin maah nan pɔɔn nba ki kan limugil lan. Nin ni ma biɛn Uyudaan nan nyan ma.