Lituln 14:15 - UWONBƆR A GBƆNPƆŊ LIKƆƆNL

¹⁵ “Bininfob nan, ba ŋa wee ni tun man naa? Ti tɔɔl le ye bininfob le ke naah ye man nin. Ti ŋmagin tibɔŋann le ti nan sei ni wee ni jiɛn dulinya nan a wann yɔɔra wee ki li nɔɔ Uwonbɔr Wan fo-n, Wan naan paab nin tum nin imɔg nin nan biɛn be i yaan.

Uwumbɔr aagbaŋ

¹⁵ “Njɔtiib, ba pu ni ŋani kina? Ti po ye binibɔm ke naah ye pu na la. Ti dan ti nan tuk nimi tibɔnyaan la. Di cha man, ki taa ki dii ŋiwaa man. Ŋi ye fam la. Ni li dii Uwumbɔr u fu na. Uma le nan naan paacham ni kitiŋ, ni nnyusakpem, ni tiwan mɔmɔk.

Lituln 14:15 Iomraidhean Croise

Matiu 16:16

Le Simɔnn Piita bei u ke, “Fin le ye Masiya, Uwonbɔr wan fo nan a bija.”

Jɔnn 5:26

Ke Baa-n kaah jɔɔ limiɛfol u baantɔɔl man nin, man le u sei Bija-n npɔɔn ke u mu li jɔɔ limiɛfol u baantɔɔla.

Jɔnn 7:18

Wan pag u tɔɔl a bɔr ke u pag man un kan u tɔɔl a jilima le, amaa wan tun ki ban Uwonbɔr wan nan tun win kan jilima ke u ye ubamɔndaan le; waa jɔɔ igalin iba.

Lituln 10:26

Amaa le Piita bei u ke, “Fiiu, min tɔɔl ye uninfo le.” Le ki fiin u.

Lituln 13:32

Ti bei ni tibɔŋann nin le: Tan wee Uwonbɔr nan siin limɔsiinl ki sei ti yaajamin.

Lituln 14:21

Bi nan mɔɔn tibɔŋann nmɔn le kitiŋ nmɔn yaan le bininfob takpem ŋa bi bɔɔnɔɔb. Le bi jir jon Lisitira, nin Ikoniɛm nin Antiɛg,

Lituln 14:7

nin yaan le bi ji nan tan tugir ki mɔɔn tibɔŋann nmɔn.

Lituln 16:30

Le u nan ta bi ki nyan tan baan bi, “N yin ŋa ni wee ki kan feegabaa?”

Lituln 27:10

“N jɔtiib, n nyi ke ti li kan kidaŋ ti sanchonl nan yaan, naa ye tiwann yɔɔr tan be kuŋaluŋ nan yaan a binba bu bee kuŋaluŋin a binba bu, amaa ti baantɔɔl a miɛfol be kidaŋin.”

Lituln 27:21

Ni nan yuur takpem ke bininfobin kaa jin ni, le Pɔɔl nan fii sir ki bei bi ke, “N jɔtiib, ni nan bi chee n mɔb, wee kaa nan bi nyan Kereti a tiŋin ke, ni bi li ŋan, naa bi li kan kidaŋ nin kininbɔŋ nan a bosu.

Lituln 27:25

Mambu n jɔtiib ni che ni sufu li pɔɔu man, n ŋa Uwonbɔr yada ke ni li tun ke waah len man nin.

Lituln 4:24

Bi mu kaah gbir man nin, le bi biɛn lagin ki miɛ Uwonbɔr nin nmɔpɔɔn ki ke, “Npɔɔn takpen daan, fin le naan paab nin tum, nin imɔg nin nan biɛn be i yaan.

Lituln 7:26

Le ni won kutaag, le u ji kan Iziral yaab bilee kaah be kɔn. Le u ban waah li ŋa bi man wee bin jir ki mɔŋ nin tab, le ki bei bi ke, ‘Ni lig ni ye nnabum le nin tab; ke ba ŋa wee ni boo tab baa?’

1 Korenti 8:4

Tɔ, ki ta jiin ibawol a jiir a jim paam: Ti nyi ke ibawol ye yɔli le dulinya nan yaan, le nweenba kaa ji be ki kpiɛ Uwonbɔr uba nmɔn bu.

Efesusi 4:17

Ni niɛ nan le n bei ni, Uyudaan bu le n si maah pag n bɔr tan nan bu, ki ke ni laa ji be ke ban kaa ye Juu yaabin kaah be man nin ni, wee bi potiɛl kaa jɔɔ nyɔɔrin ni.

1 Tesalonika 1:9

bininfobin biɛn pag ki jiin naah nan gaa ti man, taah nan dan ni ban n-yonn man nin, nin naah nan jiɛn ni bawoli ki dan Uwonbɔr ban man, ke ni jiɛn Uma ibamɔn a Wonbɔru wan fo-n,

1 Timoti 3:15

ni ye maa dan weem ke, kugbɔŋ nmɔn li che a biɛ bininfob a binbem kaah ye man Uwonbɔr a niin, ban ye Uwonbɔr wan fo a wonjiɛmin, ki ye kijaantelig nin ibamɔn a fiɛl.

Hiibru Yaab 3:12

N nabum, ni li nyi wee ni ni uba laa jɔɔ sufu birug kan li che un fɔɔr ki jiɛn Uwonbɔr wan ye limiɛfol daan nin ban ni.

Jemisi 5:17

Elaja nan ye uninfosaal le ke taah ye man nan, u nan miɛ nin linunmanl ke utaal nlaa nu, le utaal kaa sin nan nun kitiŋ nmɔn yaan ki tan kpaa ibin itaa nin iŋmal iloob.

Tibɔkpiirkaan 14:7

Le u pag nin nkukɔpɔɔn ke, “Ni li san Uwonbɔr wee ki li tenn U kupaga, nan bu-n U bɔjil a yoon foou. Ni li jiɛn wan nan naan paab, nin kutingbɔŋ, nin limɔgil nin nnyunbuma.”

Tibɔkpiirkaan 19:10

Iyaayoo le n lu u taatum ki jiɛn u. Amaa le u beim ke, “Laa ŋa man ni! N ye a toontum kpiɛg le nin a nabum ban ŋmag Yisa a siɛra-n. Li jiɛn Uwonbɔr a! Nan bu-n Yisa a siɛra ye Kinaaŋ a linlen leen le.”

Tibɔkpiirkaan 19:19

Le n kan kuwanbiigin nin kutingbɔŋ nan a bɔrtiib nin bitɔtogib kaah lagin bin to utaan jigirin nin u tɔtogib bitɔb.

Tibɔkpiirkaan 22:9

Amaa le u beim ke, “Laa ŋa ni! N ye fin nin a nabum ban ye bilinlemin a toontunn kpiɛg le, nin ban biɛn nɔɔ kugbɔŋ nan kaah len man nin. Li jiɛn Uwonbɔr a!”

Tibɔkpiirkaan 4:11

“Ti Yudaau Uwonbɔr, a sin kpaan, a gaa kupag nin jilima nin npɔɔn na nan bu-n fin le nan naan niwann biɛn, a bam bu le bi nan naan niwann biɛn, le ki fo be.”