Lituln 13:50 - UWONBƆR A GBƆNPƆŊ LIKƆƆNL

⁵⁰ Amaa le Juu yaab fiin bipiib ban ye biwonsam ki ye biyudam nin kitiŋ nmɔn a yudam. Le bi mugir Pɔɔl nin Banabasi ki ŋɔɔr bi ki nyan bi tiŋin.

Uwumbɔr aagbaŋ

⁵⁰ Le bipiib bi kpa mpɔɔn ki pak Uwumbɔr na bi kitiŋ ngbaan ponn ni. Kitiŋ ngbaan aaninkpiib mu nan bi. Le Juu yaab ŋa, ki cha bi ŋma tijar Pɔɔl ni Banabas pu, ki ŋa bi falaa, ki nyan bi baatiŋ ni.

Lituln 13:50 Iomraidhean Croise

Matiu 10:23

Bi nan mugir ni kitiŋ kiba ni ke, ni nya niin wee ki lɔŋ ki tɔu; N bei ni ibamɔn le, naa li fir gɔnn Juu yaab a tim nan biɛn ni, le Uninfosaal a Big ndan.

Tibɔnyaan ti Mak ŋmee ti na 15:43

le Arimatiya a tiŋ a jau wan a yinl ye Josef nan dan. U nan ye Juu yaab a bɔjiru a ninkpelu uba le, ki ye u buchinn nin ibamɔn, ki nan guu Uwonbɔr a naam n-yaa foonim. Mambu, le u nan jon Palati ban kaa san bijawaami ke un ta Yisa a gbanann ki sei u ni.

Tibɔnyaan ti Mak ŋmee ti na 5:17

Le bininfobin ni nan balin Yisa ke, un nya bi tiŋin na.

Lituln 13:43

Bininfobin kaah nan worin nin, le Juu yaab takpem nin ibol yan nan jiɛn bi kaal wee ki nɔɔ Juu yaab a kaalin, ni nan nɔɔ Pɔɔl nin Banabasi. Le bi pag nin bi ki balin bi ke, bi li nɔɔ Uwonbɔr nin u nyunyunbasanlin.

Lituln 13:45

Juu yaab kaah nan kan kuninfogbaluŋin le ni ŋa bi lipiiponl, le bi pag bii Pɔɔl a wɔɔmin.

Lituln 14:19

Le Juu yaab biba nyan Antiɛg kan be Pisidiya a tiŋin, nin Ikoniɛm a tiŋin, ki dan ki nan pag ki sei kuninfogbaluŋin ki bii Pɔɔl nin Banabasi. Le bi gabir Pɔɔl itangbag ki fuul u nyan kitiŋ nmɔn a gbaam, ki tan gab ki nyi ke u kpo le.

Lituln 14:2

Amaa Juu yaab ban kaa nan chee ŋa yada-n nan bii ban kaa nan ye Juu yaabin a sufu le. Le bi ŋuui fii biwonjiɛmin bu.

Lituln 14:4

Le kitiŋ nmɔn a ninfob bɔgir nin tab; biba nan si Juu yaabin a chaŋ le, le biba mu si Yisa a tooi yin a chaŋ.

Lituln 14:5

Le Juu yaab nin ban kaa ye Juu yaabin, nin bi tiŋ nmɔn a yudam lagin tab, ki lol ke bin jin itoon nin fala ki gabir bi itangbag.

Lituln 16:14

Bipiib ban nan ka pelig tibɔr nmɔn, bi ni u ba a yinl le nan ye Lidiya, u nan nyan Tayatira le, ki choon kɔɔr ikinken man yan a daag pɔɔ, ki jiɛn Uwonbɔr. Le Uyudaan loor u sufu le u chee tibɔr tan wee Pɔɔl pagin.

Lituln 17:12

Le Juu yaab takpem nan ŋa yada ki kpiɛ Girig a piib ban jɔɔ liyinl nin Girig a jab takpem bu.

Lituln 17:13

Juu yaab ban be Tesalonika nan kaah gbir ke Pɔɔl be mɔɔn Uwonbɔr a bɔr le Beriya a tiŋin nin, le bi tɔɔl jon niin ki tan pag ki bii Pɔɔl, ki fiin kuninfogbaluŋin a ŋuui, ke bin ŋɔɔr wa.

Lituln 17:17

Le u kɔɔ kuwonjiɛndiigin ki pag tenn Juu yaab nin ban kaa ye Juu yaab ki jiɛn Uwonbɔr nan tibɔr, ki ji chaa bi nyamin idaa biɛn, ki pag nin ban chaan nin yaan nmɔn tibɔr.

Lituln 17:4

U nan pag ki kpenn Juu yaab biba a lam, le bi nin dan ki nan kpiɛ u ma Pɔɔl nin Silasi bu. Le Girig yaab ban jiɛn Uwonbɔr, nin bipiib ban jɔɔ jilima takpem nan kpiɛ bi bu.

Lituln 18:7

Le Pɔɔl nyan kuwonjiɛndiig nmɔn yaan ki jon tan kɔɔ Tatusi Jasitusi a niin, u nan ye uwonjiɛn le.

Lituln 2:5

Juu yaab ban nan san Uwonbɔr nan be Jerusalam iyaayoo nmɔn, bi nan nyann dulinya nan a timin biɛn le.

Lituln 21:27

Iweehn ilile nmɔn kaah nan nan mal ndiɛmin, le Juu yaab ban nyan Asiya ki dan nin kan Pɔɔl iwonjiɛn niin. Le ki fiin kuninfogbaluŋin a ŋuui Pɔɔl bu le ki choo u,

Lituln 28:17

Ni ween itaa a bɔɔn le Pɔɔl yin Juu yaab a yudam ki lagin tab. Baah lagin tab n-yonn man ni, le Pɔɔl bei bi ke: “N nabum, maa tun niba ki bii ti ninfob bee ti yaajam a kaali, amaa le bi nan choom ki taam ŋa kuloondiigin Jerusalam, le ki nan taam ŋubin Rom yaab a nɔɔn.

Lituln 6:12

Baah len man n-yonn man nin, le bininfobin, nin bininkpeebin, nin ban wɔɔnn Uwonbɔr a siimin a ŋuui fii, le bi fii ki choo Sitifin, ki ta u jon Juu yaab a yudamin ban.

Lituln 8:1

Sɔɔl tɔɔl nan chee Sitifin a kum buu. Lidaal nmɔn le limugil takpenl nan dan biwonjiɛm a laguŋ kan nan be Jerusalam n bu, le bi biɛn nan nyan ki yal jon Judiya nin Samariya a tinbumin, ki jiɛn Yisa a toon n yaa binba nin yaan.

Rom Yaab 10:2

N li fir ji bi siɛra ke bi num man Uwonbɔr a toonl bu, amaa bi numan nmɔn kaa nɔɔ baah nyi U man ni.

2 Korenti 11:26

N sanchonl a poolin, n nan ti ga kininbɔŋ ikpen ni, ki ji ga kininbɔŋ bininfob ban feen ban, nin n tɔɔl a tiŋ a ninfob ban, nin ban kaa ye Juu yaab ban, ki ji ga kininbɔŋ ntintakpemin, nin itindoo-n nin imɔgin nin n nabum ban choon ki larin ban.

1 Tesalonika 2:14

Amaa nim ban ye ti nabum nan, ni toog biwonjiɛm a laginn ban be Judiya wee ki be Masiya ni nle. Ni jin fala ni tɔɔl a bol yaabin le ke biwonjiɛm a laginn nmɔn kaah nan jin fala Juu yaab a nɔɔn man nin,

2 Timoti 3:11

nin baah mugirim man, nin n fala a jim, nin tiwann tan biɛn nan kam Antiɛg, nin Ikoniɛm nin Lisitira, nin maah nan pɔɔn nba ki kan limugil lan. Nin ni ma biɛn Uyudaan nan nyan ma.