Lituln 13:43 - UWONBƆR A GBƆNPƆŊ LIKƆƆNL

⁴³ Bininfobin kaah nan worin nin, le Juu yaab takpem nin ibol yan nan jiɛn bi kaal wee ki nɔɔ Juu yaab a kaalin, ni nan nɔɔ Pɔɔl nin Banabasi. Le bi pag nin bi ki balin bi ke, bi li nɔɔ Uwonbɔr nin u nyunyunbasanlin.

Uwumbɔr aagbaŋ

⁴³ Binib mɔmɔk aah nyan mmeen aadiik ni na, le Juu yaab, ni binib bi nan kpeln ki dii Juu yaab aasan na pam nan dii Pɔɔl ni Banabas. Le Pɔɔl ni Banabas len bi chee ki tuk bi ke Uwumbɔr aah san bi kinimbaak pu na, bi li beenin dii waasan.

Lituln 13:43 Iomraidhean Croise

Matiu 23:15

“Woo nim ban wɔɔnn Uwonbɔr a siim nin Farasii yaab nan, nim le ye bilinlarib nmɔn, nan bu-n ni don imɔg ki lagir ntim ki ban wan li kpenn u binbem ki li nɔɔ ni bɔɔn le, le ni ye ni nan kan uba wee u nɔɔ ni ke, ni che u labir Sintani a ŋmiimin a big, le u binbem nmann ki kpiɛ nfim milee ki jo ni yaal.

Lituln 11:23

Waah nan tan foo niin ki kan Uwonbɔr kaah sei bi literil man nin, le ni mɔŋ u, le u kɔɔn bi biɛn lipoobil, ki bei bi ke bi li nɔɔ Uyudaan nin bi sufu biɛn nin ibamɔn.

Lituln 13:50

Amaa le Juu yaab fiin bipiib ban ye biwonsam ki ye biyudam nin kitiŋ nmɔn a yudam. Le bi mugir Pɔɔl nin Banabasi ki ŋɔɔr bi ki nyan bi tiŋin.

Lituln 14:22

ki pɔɔgir bi bɔɔnɔɔbin a gbanann nin bi sufu ke bi mann sir bi yada bu nin ibamɔn na. “Ni kpaa le nin ti kɔɔ tibɔmug kaarin takpem wee ki nin nan kɔɔ Uwonbɔr a naamin.”

Lituln 14:3

Pɔɔl nin Banabasi nan be niin ki yuura, ki jɔɔ lipoobil ki pag Uyudaan a bɔr ki tenn bininfob, le Uyudaan nmɔn sei bi npɔɔn le bi pag u nyunyunbasanl a bɔr, ki tun ligaril a siɛra nin lijinjeel a toon.

Lituln 16:14

Bipiib ban nan ka pelig tibɔr nmɔn, bi ni u ba a yinl le nan ye Lidiya, u nan nyan Tayatira le, ki choon kɔɔr ikinken man yan a daag pɔɔ, ki jiɛn Uwonbɔr. Le Uyudaan loor u sufu le u chee tibɔr tan wee Pɔɔl pagin.

Lituln 17:17

Le u kɔɔ kuwonjiɛndiigin ki pag tenn Juu yaab nin ban kaa ye Juu yaab ki jiɛn Uwonbɔr nan tibɔr, ki ji chaa bi nyamin idaa biɛn, ki pag nin ban chaan nin yaan nmɔn tibɔr.

Lituln 17:34

Bijab wama nan le nan ŋa Pɔɔl a bɔrin yada, le ki ŋa u bɔɔnɔɔb. Bi ni uba nan ye Dionasi, u nan ye bibɔjibin a ni uba le. Ki kpiɛ upii uba mu nan ŋa yada, le u yinl ye Damarisi, biba mu nan be ki kpiɛ.

Lituln 17:4

U nan pag ki kpenn Juu yaab biba a lam, le bi nin dan ki nan kpiɛ u ma Pɔɔl nin Silasi bu. Le Girig yaab ban jiɛn Uwonbɔr, nin bipiib ban jɔɔ jilima takpem nan kpiɛ bi bu.

Lituln 18:7

Le Pɔɔl nyan kuwonjiɛndiig nmɔn yaan ki jon tan kɔɔ Tatusi Jasitusi a niin, u nan ye uwonjiɛn le.

Lituln 2:10

Ferijiya nin Pamfiliya, Ijibir nin Libiya a yagil lan mal Sarene a tiŋin; le tim bibam mu nyan Rom,

Lituln 28:23

Le bi nan siin lidaal lan wee bi li jir u ban, le bininfob takpem nan lagin u niin kɔɔ kaai nmɔn yaan le u piin ki wɔɔn bi Uwonbɔr a naam a bɔr njakpanyiɛn ki tan kpaa kujɔɔg, ki wɔɔn bi Yisa a bɔr tan be Moziz a siimin yaan, nin Uwonbɔr a linlem a sɔbimin kaah ye man ki gbaar un kpenn bi potiɛl wee bin ŋa Yisa yada.

Lituln 6:5

Ni nan gbee bininfobin biɛn a numa, le bi gann Sitifin, wan gbee nin Kasi a Naaŋ ki jɔɔ yada nan, nin Filib, Pirokorusi, nin Nikanor, nin Timonn, nin Pamenasi, nin Nikolasi, wan nan nyan Antiɛg wee ki kpenn u wonjiɛnl ki nɔɔ Juu yaab a wonjiɛnlin.

Rom Yaab 11:6

Ke ni ye U nyunyunbasanl bu le U gann bi ke, man ke naa ye baah tun nan bu; ni bi ye baah tun nan bu ke, U nyunyunbasanl nmɔn kaa ji bi yin ye linyunyunbasanli.

Rom Yaab 3:24

le Masiya daa ti ki che ti be ti wiib U nyunyunbasanlin bu ki ke tibɔr ŋan.

Rom Yaab 5:2

wan a yada bu wee ti kan Uwonbɔr a nyunyunbasanl lan yaan wee ti nin be nan. Le ni mɔ ti nin tama kan wee ti jɔɔ-n ke ti na li por Uwonbɔr a pag.

Rom Yaab 5:21

naah ŋa man wee titoonbir che nkum nyaŋ bininfob biɛn nin, man mu le nbuchin binben mu yin che linyunyunbasanl mu n sei ti limiɛfol lan kaa jɔɔ ndiɛmi ti Yudaau Yisa Masiya bu.

2 Korenti 5:11

Mambu, ti nyi naah ye ti li san Uwonbɔr man, nibu le ti pɔɔgir bininfob a gbanann baah li ta biba ki jirin u ban man. Uwonbɔr nyi ti binbem kaah be man, le n jɔɔ tama ke ni mu nyi n sufu ni naah ye man.

2 Korenti 6:1

Tim ban ye Uwonbɔr a toontunn tab, ti balin ni le, ni laa che u nyunyunbasanlin n gab yɔli.

Galantiya 5:1

Ye n ba bu le Masiya nan nyan ti tiyomirin. Mambu mann sir nbamɔma, ki laa ji ta tiyomir a naajadaag paan a baa bu.

Galantiya 5:4

Nim ban pɔɔn ni ba ke Uwonbɔr n len ke ni bɔr ŋan nsiim a ŋmagim bu-n, ni pii bɔgir ni ba Masiya ban na, ki nyan ni ba Uwonbɔr a nyunyunbasanl n-yaan na.

Efesusi 2:8

Uwonbɔr a nyunyunbasanl bu le ni kan nŋmarim, naah ŋa Yisa yada-n bu, naa ye ni tɔɔl a toon ŋan bu, ni ye Uwonbɔr a piini le,

Filipi 3:16

Ni le yin che ti li be nin taah nan kan nan nin.

Filipi 4:1

Ni ma bu n nabum, nim ban wee n ban wee ki yuur ni kam nan, nim li ye n mɔm nin n naan yuchigirig, njɔtiib, ni ma bu le ni kpaan ni mann sir nbamɔm Uyudaan a samin!

Kolosiya 1:23

ni ye ni yin gbaa be nin ni yada ke, ki si chib, kaa fɔɔr tama kan wee tibɔŋann nin ŋmagin ke, ti ma ye tibɔŋann tan wee ni gbirin, wee bi mɔɔn ti sei kuwonaaŋ biɛn dulinya nan yaan, tan bu wee min Pɔɔl kpann utoontunn.

Kolosiya 1:28

Yisa nmɔn le ti mɔɔn, ki kpaan bininfob ki wɔɔn bi nlam a booli biɛn, naah li ŋa man wee ti ŋa uninfob biɛn kasi ki sei Uwonbɔr, Masiya ni.

Taitus 2:11

Uwonbɔr a nyunyunbasanl lan ta feegab dan ni, kpiir uninfo biɛn bu-u.

Hiibru Yaab 12:15

Ni laa che uba n nan lann Uwonbɔr a nyunyunbasanli, wee nin laa che nton a sibonl npa ki yabig ni sufu-n ni wee nin ta kuŋmaruŋ ki dan ki bii bininfob takpemi.

Hiibru Yaab 13:9

Ni laa che nwɔɔncham nan a booli biɛn nboon ni. Ni ŋan nin ti sufu n kan npɔɔn Uwonbɔr a nyunyunbasanlin bu, naa ye ikaal a jiir tan kaa ter ban ji ti nni.

1 Piita 5:12

Silasi wan wee n nyi ke u ye uwonjiɛn ibamɔn nin, li terim le n sɔb kugbɔŋ nan wama, ke n pɔɔg ni gbanann wee nin jin siɛra ke nan be nan ye Uwonbɔr a nyunyunbasanl le ibamɔn. Mambu ni li ŋmag ni nin nbamɔma.

2 Piita 3:14

Ni ma bu n jɔtiib, naah guu ni niɛ nan bu, ni pɔɔn niba ki li jɔɔ kasi a binbem wee ki laa jɔɔ igalin Uwonbɔr ban ni, wee ki li jɔɔ nposɔɔn nin Uwonbɔr.

1 Jɔnn 2:28

Tɔ daandaan nan n bijiɛkaam ni li be u ban na, wee u nan degirin ke ti li jɔɔ tidindann ki laa san ifa u jirimin daali.

2 Jɔnn 1:9

Uninfo wan paa lagir wee kaa gbaa be Masiya a wɔɔmin yaan ke, waa jɔɔ Uwonbɔr i; wan gbaa be nwɔɔmin yaan ke, u jɔɔ Baa nin Bija-n le.