Lituln 13:32 - UWONBƆR A GBƆNPƆŊ LIKƆƆNL

³² Ti bei ni tibɔŋann nin le: Tan wee Uwonbɔr nan siin limɔsiinl ki sei ti yaajamin.

Uwumbɔr aagbaŋ

^32-33 Timi le joo ni tibɔnyaan ngbaan nan tuk nimi. Uwumbɔr nan puu tipuur tii tiyaajatiib. Timi le ye tiyaajatiib aayaabitiib. Waah puu tipuur ti tii tiyaajatiib na, u gbiin tipuur ngbaan dandana wee tii timi, ki fikr Yesu nkun ni. Uwumbɔr aalahn aagbaŋ ponn ni, ŋiyil ŋilee, le Uwumbɔr len Yesu chee ke, ‘Sin le ye Maabo, din wee le m ma si.’

Lituln 13:32 Iomraidhean Croise

Tibɔnyaan ti Luk ŋmee ti na 1:19

Le malaka nmɔn bei u ke, “N ye Gabiriɛl le, min le be Uwonbɔr a nintogil le u tum a ban, ke n nan pag tibɔŋann nan ki wɔɔniŋ.

Tibɔnyaan ti Luk ŋmee ti na 2:10

Le malaka nmɔn bei bi ke, “Ni laa san bijawaami. N dan n nan bei ni tibɔr ŋan le, tan li sei bininfob biɛn nmɔn.

Lituln 10:36

Ni nyi tibɔr tan wee Uwonbɔr nan pag sei Iziral yaab ki wɔɔn bi tibɔŋann tan ye nposɔɔn Yisa Masiya bu, u ma ye ti biɛn a Yudaau.

Lituln 13:23

Uja nan a yaabili ni, le Uwonbɔr nyan Yisa wan ye ufeerin, ke un fee Iziral yaab ki jaa, ke waah nan siin limɔsiinl man nin.

Lituln 13:38

“Mambu, n nabum n ban ni li nyi ke Yisa bu le tibir a jiɛn per a mɔleen yin pag sei ni.

Lituln 14:15

“Bininfob nan, ba ŋa wee ni tun man naa? Ti tɔɔl le ye bininfob le ke naah ye man nin. Ti ŋmagin tibɔŋann le ti nan sei ni wee ni jiɛn dulinya nan a wann yɔɔra wee ki li nɔɔ Uwonbɔr Wan fo-n, Wan naan paab nin tum nin imɔg nin nan biɛn be i yaan.

Lituln 26:6

Amaa daandaan nan maah nan si wee ni jim tibɔr nan, ni nyan n tama wan wee Uwonbɔr nan siin ti yaajam limɔsiinl lan nin bu le.

Lituln 3:19

Mambu, ni kpenn ni binbema ki dan Uwonbɔr ban, wee un ŋunn ni toonbir, ni ŋa man na wee npɔŋim a yonn nnya Uyudaan ban ki foon,

Lituln 5:42

Lidaal biɛn ke bi chaa iwonjiɛn niin ni le, le ki jin mɔɔn Yisa a yinl bininfob a niin yin, ke Yisa le ye Masiya, ki ji mɔɔn u bɔŋann nin.

Rom Yaab 1:2

tibɔŋann tan wee U nan chinn siin limɔsiinl lan nyan u linlemin ban wee ki sɔb Uwonbɔr a kasi a Gbɔŋin nin,

Rom Yaab 10:15

Ke bi yin ŋa nii ki mɔɔn ti wee naa ye bi tun bi lee? A li ke naah sɔb man Uwonbɔr a gbɔŋin nin, “Ban mɔɔn tibɔŋann nin tenn bininfobin tenn bi tibɔmɔnn le.”

Rom Yaab 4:13

Naa nan ye nsiimin a ŋmagim bu le Uwonbɔr nan siin limɔsiinl ki sei Abiraham nin u yaabili ke bi li ji dulinya nan a faalin ni, amaa nbuchin binben man nyan yada-n nin bu.

Rom Yaab 9:4

bi ma ye Iziral yaab. Bi ma le Uwonbɔr nan ta bi kpann U bimarim; ki che bi jɔɔ U tɔɔl a pag, ki poo tipoopɔnn sei bi, ki sei bi U siim, ki wɔɔn bi baah li jiɛn U man iwonjiɛn niin, le ki siin bi limɔsiinl.